أبغى طريقه الخبز الرقاق ......... الله يعافيكم

خبز الرقاق

المقادير
طحين رقم 2
ماء
ملح اوسكر حسب الرغبه لأت البعض يحبه مالح والبعض يحبه حلو

العمل

يخلط جميع المقادير والعجينة تكون خشنه نوعا ما مثل عجينة البيتزا

وتترك تخمر من الصبح الى الظهر تقريبا

ثم تأخذ كرة على قبضة اليد وتعمل على التاوة المدهونة على نار هادئة قريب الأستواء تزال بالسكين العجين الذي على الخبز ويترك قليل ثم يحرك بالسكين الخبز ويرفع من على التاوة

مشكورة أختي زوزو على الطريقة بس ياليت تكتبي المقادير اللي تستخدمينها يعني كم كوب طحين وكم كوب ماء وحتى مقدار السكر اللي أنتي تضيفينه ولو بالتقريب لأني حابه أجربها وشنو تقصدين بسكين العجين وسكين الخبز ؟ والله يعطيك العافية.

اني ما اسويه امي وخالتي ام زوجي اتسويه يعني ما اعرف المقادير على حسب المقدار الي اتسوينه وحتى السكر على حسب الرغبة بس العجينة تكون خشنة مثل البتزا

اما السكين فهي السكين العادية
بس قصدي تزال العجين والخبز من التاوة بالسكين لأن لا تستطيعين ازالته ياليد

بس على فكرة خبز الرقاق جدا سهل ويعتمد على مسحك التاوة بالعجين كلما كان رقيق اصبخ الخبز ألذ

بعد استواء الخبز وهو على التاوة يمسح بمزيج من البيض والسكر والهيل والزعفران

اتمنى انها تنجح معك



واذا تنزلون البحرين اسويه لك مومشكله بس قريب شهر رمضان

بتثيقل شوي وباقولك ياريت تسألي أمك عن المقادير لأني بصراحة ماأحب أخربط بأي مقادير
ومشكورة مرة ثانية

خالتي ام زوجي فنانة فيه اكثر

بحاول اسألها لكن يمكن ما تعطيني المقادير بالضبط لأنها كبيرة في العمر وما تعرف المقادير لأنها اتسويه على حسب لمسها للعجين تعرف متى تحتاج الى الماء ومتى ما تحتاج اليه


اني حاضرة يا عمري اذا تبغين اسويه لك بسويه