نفخ الخدود

عندي طريقه مضمونه وطبيعيه بإذن الله وتعطي نتائج مبهره مع الاستمرار انا شخصيا مجربتها للأمانه وتعطي حلاوه وجمال .. انا خدودي بسرعه تتجاوب مع المشروب هذا مادري عاد اذا المده تختلف من بنت لبنت حسب طبيعتها انا 3 ايام عطتني نتيجه كافيه والكل يسأل ليش ويهج كله حيويه وفي حياه

المقادير: ملعقة عسل طبيعي تذوبينها في كوب حليب مراعي او كي دي دي الكويتي وتضيفين عليها نص موزه مقطعه
الى شرائح تضيفينها بالخلاط الكهربائي وتضيفين عليها بياض بيضه ( يستحسن بيض عربي ) واذا ماعندج اي بيضه
اخذي بياضها واخلطيه بالخلاط مع باقي المقادير وتشربينه عالريق كل يوم وبالهنا والشفاء

مشروب مغذي يعطي طاقه وصحه وحيويه وفوق كل هذا جمال وخدود طبيعيه .. وطعمه لذيذ

جربي وبشريني بالنتائج اتمنى تطلع لج النتيجه خلال اسبوع بالكثير مع الاستمرار

ملاحظه: احتمال يسمن الجسم بس مو وايد ترى

جربي وشوفي :26:

مو جنة البيضة صعبة شوي ابيلي شجاعة علشان اسويها

حبيبتي ايمانه لا صعبه ولا شي ياعيوني .. انتي اخذي بياض البيضه مو الصفار طبعا المطلوب بياض البيضه بس

ولما تخلط مع باقي المقادير تعطي رغوه للمشروب وطعم حلو لاتخافين جربي وبتستانسين من النتيجه

بس اللي تحس روحها وصلت للشكل اللي يعجبها توقف شوي مو تشرب يوميا تصير تشربه مره بالاسبوع

عشان لما اي وحده تمتن ماتقول كله مني :) يعني اللي توصل للنتيجه توقف فهمتوا !

السلام عليكم معليش اختي هذي الخلطه كم استمر عليها ؤهيه تسمن الوجه اكيد 0وجزاك الله الف خير :55:

زي السكر

استمري حبيبتي ليما تشوفين نتيجه واذا تبين توقفين بعدين كيفج ... انا 3 ايام تعطيني نتيجه .. اذا طولت اسبوع

واذا تاكلين حبوب الخميره حبتين قبل كل وجبه باليوم يعطيج مفعول احلى واحلى

برتقال

لا يا حبيبتي منو قالج خطر بس !!!! حتى الناس لحبوا يسوون رياضه مشي وحرق سعرات حراريه عاليه يشربون

بيضه نيئه ... لاتخافين مافي اي مضار بالعكس المنفعه اهي الاساس