حياكم الله جميعا في موضوعي ولأول مره اكتب في الساخنة
بنات ماانسى الفضل لله اولا ثم لكم جميعا
في اكتسابي للخبرة :angry: والسناعه << وحده بتعلمكم انها ماعندها ماعند جدتي
اليوم غدانا رز مع قطع الدجاج المتبله واليكم بالتفصيل المقادير : ( الكمية لشخصين ولك زيادة الكميه )
مقادير تتبيلة الدجاج :
صدور دجاج مقطعه مكعبات
علبة قشطه ناعمه اي نوع مثلا : الصافي المراعي بلادي .....
ملعقة كبيرة صلصة طماطم
بصله صغيره مطحونه
نص ملعقة صغيرة خردل
جميع البهارات الموجودة عندك ( بابريكا فلفل اسود جوزة الطيب ......)
ملح و ملعقة صغيرة ليمون و نص ملعقة بشر الليمون
تبلي الدجاج اقل شي قبل بساعتين او من الليل عشان النكهه تكون افضل
€ الخضـــار المطلوبة :
فلفل بارد ( احمر - اخضر - اصفر )
جزر
بطاطس
بصله مقطعه جوانح
تقطع جميع الخضار اصابع رفيعه ( البطاطس يقلى مسبقا الى ان يتحمر )
طريقة الرز :
اغسلي كأسين رز جيدا و نقعيها بماء حار لمدة عشرين دقيقة
قطعي بصله صغيره مكعبات( او الطريقة اللي تحبين لأنك راح تصفين المرق )
احمسي البصل بكميه وافره من الزيت ( احبه كثير شوي ) تقريبا ثلث كاس زيت
و حطي عليه ملعقتين كبيرة صلصة و بهارات خفيفه ( جوزة الطيب - كزبرة مطحونه - فلفل احمر )
وصبي المويه الكافيه و اذا بدت تغلي حطي البهارات الحب ( هيل - قرفه - ورق غار - فلفل اسود - مسمار ) << احب هذي الخطوه مااحب تحميص البهارات الحب مع الكشنه ولك الحريه
انا اخليها تغلي ربع ساعه على نار هاديه عشان تطلع نكهة البهارات
بعد كذا كبي الرز في المرق ولا تنسين الملح تأكدي منه و تأكدي من قياس المرق للرز عشان يصير الرز مفلفل و مستوي
الحين نجي للدجاج المتبل
احمسي البصل حتى يذبل مو يتحمر لا ( بنات ترى كمية الزيت في الصورة كانت كثير قللت منها انا في الاخير )
والحين حطي الدجاج مع خلطته وخلي النار عاليه قلبي قلبي قلبي لحد مايستوي ويتحمر الدجاج
يعني يكون شبه مشوي الحين قصري على النار وحطي الخضار اللي جهزتيها كلها وقلبيها مع بعض
لمدة 10 دقايق على نار هاديه
الحين يكون الرز استوى وجاهز حطي الدجاج عليه واكتمي القدر لحد ماتجهزين السفره ( حتى يكسب الرز نكهة الدجاج اللذيذه )
الحين شيلي الدجاج واغرفي الرز و حطي الدجاج فوقه و لا تنسين شرايح الليمون زيني فيها الصحن ( ماكان عندي )
وهذي صور الطبق النهائية
اتمنى تكون اعجبتكم