بصراحة في موضوع يشغل بالي ولابد مر في بال اغلب البنات
والأكيد ان هذا الموضوع نتيجة لأمور كثيرة تواجه المجتمع النسائي .....ولو نخصصة نقول المجتمع البناتي
والموضوع يتلخص بعبارة تلقاها مثل التنفيس اللي يلجأ له
(ياليتني ولد)
لما يكون في عزيمة ...والكل مستعد وتجهز....ويطلعون برا وينادون السايق....وأخيرا يلقون السايق مو موجود
وبعد جوله على جوالات الاخوان.... وتسيرة على جوال الابو
ويأس من ظهور السايق
وبعد جملة مافيه روحة ارقوا غيروا
تلاقي صرخة تسبق هالجملة وتعبر عن الموقف بقوة
(ياليتني ولد )
والا بجمعة عائليه ...وتخيم حلو بالربيع
العيال مجتمعين يلعبون بالبقي والدبابات
وبعضهم معه جمس والا جيب
والباقين باللوت والمنيبولي
وضحك وبسطة
والبنات اللي معهم جوالات ويروح رجاها بالهوا
والثانيه واقفة تترجى اخوها ...بدون فايدة
والثالثة بعد مايأست رجعت لسواليف الحريم المملة والكيئبه
مع ان طلباتهم ماتعدت دورة بالجيب بين هالرمل
والا دورة بالبقي
والا حتى يمكن شريط بسيارتهم بس ماأحد راضي يعطيها المفتاح
والنهاية
(ياليتني ولد )
وأحيانا تعزم صديقاتها
وتقولهم بكل الفخر
العشا على ...لا ومن وين من الريف الايطالي ......طلبيه عشان خاطر عيونكم
هم ماعندهم سايق
لأن الاب يقول عندكم 5 اخوان
(حنا مانحتاج سايق البيت كله شباب)
وإذا كانوا هالشباب
واحد قافل جواله
والثاني بالبر مايوصله الارسال
والثالث نايم بالملحق ولا في امل يصحى
والرابع بالغرفة ...وقافل على نفسه الباب ...ويقول لااحد يزعجني
والخامس مع عيال أخواله عندهم دورية
والعشا يتفركش
والاعذار تتسكت بوجبات( بتوصيل منزلي) من هرفي
واول مايطلعون
تسمع صرخة بالحوش
(ياليتني ولد)
كل شيء يهون بس اللي مايهون ايام العطل
قبل العطلة يمكن بشهر
البنات حول الابو وتسمعه يترجون من قلب<<<<<<<<مساكين يكسرون الخاطر
يبه تكفى ..الله يسلمك ...الله يعافيك ...الله يخليك ....الله لا يحرمنا منك ..الله ....الله... الله... الله
نبي نسافر هالسنة
لا وانا ابوكم هالسنة مشغول
عندي انتداب عمل
ويمكن عمل اجباري
هالسنة امكم والده
وين ناخذ بزر بالشهور معنا
وأخوكم مهند
توه يمشي
تبونه يشغلنا اذا سافرنا والا يضيع من بين ايدينا
تدرون
تبون جدة والا الشرقيه ...يالله اختاروا ...
والا وش رايكم نروح عند اهلكم بالعيينه
بنفس هالوقت يدخل فيصل
يبه عن إذنك ترا اليوم رحلتي مع محمد وتركي وخالد ولد عمتي
بنروح مصر ام الدنيا كم يوم ونجي
عاد زي ماقلتلك يمكن نمر شرم الشيخ
هاه خواتي ياحلوين تامرون على شيء قبل ماأروح
إيه
سموا
تبادل
ايش
(ياليتنا أولاد)
ولما تكونين جالسة على اللاب توب
وتو النت شابك
(تم تسجيل دخولك الى شبكة الاتصال )
وتوك فاتحة على المفضلة تبين تشيكين على الموقع اللي تبي تدخلينه
الا اللي فوق راسك
ومن صار ...اليكر ...نواف ....حبيب البيت ......وبرا البيت
ايي اخوج يقولج قفلي النت
ليش؟؟؟؟؟
ابي التلفون ....وثاني مرة لا تشبكين فاهمة !!!!اوكي
وليش ما أشبك
اولا صرف ....ثانيا بنت ....ثالثا وحق شنو تشبكين ...وشنو الفايدة...؟؟؟؟ماله داعي
!!!!
لاأحد يرفع السماعة اوكي......
(ياليتني ولد)
طبعا صايرة كلمة للعائلات فقط تستفز شريحة كبيرة من الشباب هنا
اضف الموضوعات الصحفيه المنتشرة بخصوص هالموضوع
طبعا هالافته بقدر ماهي مزعجة
بقدر ماتخليك تفكر وتمعن فيها
الكل مع الشباب المعارضين لها
لان المحطات الترفيهية لهم قليلة
لكن ،،،لما يجون يقارنونها بالبنات .......هنا نوقف شوي
أغلب المجتمعات النسائيه كيئبة ومملة بشكل كبيييييييير
والسواليف أغلبها تقتصر على
لبست...شرت ...انخطبت ...تزوجت....حملت....سافرت
وتلاقي درجة الغلينا عند البنات من هالسواليف توصل 100درجة مئويه
الطلعات برا و مع الصديقات....أغلب العوائل محدودة
والبقيه مابين حريه مطلقة....الى منع مطلق ...فالبيت هو المنتزه الموجود المشترك
وش في هالمنتزه ؟؟؟؟؟؟؟؟؟؟؟؟؟؟؟؟
مثلا تلفون
أغلب العبارات التي تنقال على اللي تكلم
ايه تلفون 24 ساعة انتي ماتملين
بالله عليكم وش تقولون كل هالوقت
منهي ذي ؟؟؟؟ هذي تغريد....هماك توك شايفتها بالجامعة
قفلي التلفون .....ليش؟؟؟؟؟؟؟بس موب الزم كل ذي الهذرة-
من بتكلمين نهى ...مو لازم بكرة بتشوفينها بالعزيمة ألحين انتظر تلفون من أختك ببريطانيا _
من اللي شاغل التلفون ...والله اني قايلته شوفي سوير ان رفعتيه ثاني مرة لا تلومين الا نفسك
************
طيب موب لازم انترنت ولا تلفون لانه امر مفروغ منه ...بس أخوي مسموح له .....ابوي دايم يقول ان اخوي ولد وعادي لو يشبك النت ...ولو قلتله على الفاتورة ...قال هو يشبك على خطه ...انا مالي دخل
طيب اروح عند التلفزيون ....لا لا لا
مستحيل التليفزون انقلب الى أداة لترويج المنكر ...كله استعرض للبنات ....وهو خراب لعقولنا يالبنات
أداة استحقر نفسي إذا شفتها ...حتى الافلام اللي شفتها معادة بالقناة نفسها 4 مرات
غير البرامج والسخافات و و و و و و و...............
وين أجل وين ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
مافي قدامي غير غرفتي .....تدرون وش ابسوي فيها
-
-
-
-
-
-
-
-
-
-
-
-
-
-
-
-
-
-
(ااذاكر)
!!!!!!عرفتوا ليه البنات اشطر من الاولاد ...........استوعبتوا السر ؟؟؟؟
طبعا في اشياء ثانيه موجودة
بس هذي اهم الاشياء
وأول ماتفتح الكتاب وتمسك القلم
(اففففففففففففففففففففففففففففففففففففففففففففف(يا ليتني ولد
موضووع جاد للنقاش
بصراحه يا بنات هل في يوم تمنيتي انك ولد؟؟
وليه؟؟
ودمـــ بود ـتم ..
:26::26::26:
رودينا505 @rodyna505
عضوة فعالة
يلزم عليك تسجيل الدخول أولًا لكتابة تعليق.
*شموع مضيئة*
•
الحرية اللي عند الأولاد ومعاملة الأهل لهم تكفي ان البنات يقولو ياليتني ولد.. إلا مارحم ربي..
دايييييييييييييييييم تمنيت لو كنت رجال لأسباب كثيرررررررررررررة في نفسي موعشان الحرية
لا مااتمنى اصير ولد مع كل الميزات الي عايشين فيها لاكن احب اكون انثى
لانه فيها ميزات تغني عن ميزات الرجل
لانه فيها ميزات تغني عن ميزات الرجل
الصفحة الأخيرة