احترت وتعبت نفسيا

*السﻻم عليكم
انا يابنات لي سنه اعاني من الم مؤخرة راسي ورقبتي وتنميل ف الرقبه ويديني ورجولي راجعت ف البدايه خاص مع العﻻج خف التنميل وصار في رقبتي اما يديني ورجولي احيانا
بس ثقل راسي مثل ماهو وخمول واتعب من المشاوير مره
على عﻻج الخاص ارتحت ﻻن كان فيه مسكنات بس خلص العﻻج رجعت المعاناه سوا لي اشعه عادي وقال بداية التهاب في الفقره اﻻولى والثانيه
عﻻج الخاص 3 شهور ماكاني سويت شي
رجعت مثل ماكنت واخذت تحويل للحكومي واعطاني عﻻج للاعصاب عشان التنميل ومسكن للالم وعﻻج للمعده ﻻن العﻻج قوي عليها وقال لي رنين مغناطيسي لفقرات الرقبه طبعا بديت العﻻج قبل الرنين كملت شهر اليوم وباقي شهرين ع الرنين يقول لو ماتحسنت مع العﻻج اخر الحلول جراحه يشيل العصب المتضرر بين الفقرات
انا كتبت مشكلتي كامله عشان تساعدوني بحيرتي وتدعون لي
مشكلتي اﻻن العﻻج ماتحملته زادني دوخه وخمول والقولون عندي تهيج هاﻻسبوع مدري منه او ﻻ
قبل اسبوع كنت راجعه من السفر مسافة 400 كيلو اول مانزلت البيت كان الدنيا تدور فيني لليوم وانا حالتي حاله وهالحاله مرت علي شهر 10 لما رجعت من السفر بس وقتها ماكنت على عﻻج يعني تشتت وربي استمر ع العﻻج او ﻻ
اليوم مريت الدكتور قالي العﻻج مثل ماله منافع له مضار وهذي من اعراضه تبغين تستمرين استمري وﻻ وقفيه حتى تشوفين الرنين اش نتيجته ﻻني قلت له كذا وهو قال بكيفك طبعا مو هو الدكتور اللي كتبه ﻻن عيادة المخ واﻻعصاب كل يوم دكتور بس شاف ملفي كله
انا تعبت نفسي من حالتي احس ماعد لي نفس في شي وزوجي مزودها بعد تعبتينا رايحين جايين للمستشفيات مره مو حاس في معاناتي اقوله تخيل نفسك راسك ثقيل ع طول ودوخه وعدم توازن والم رقبه يقولي موسوسه انتي ﻻ تعليق
طولت عليكم بس دلوني للصواب وادعولي
استخرت مرتين ومازلت متشتته