من واقع تجربتي مع عيالي لأن الاكزيما شي وراثي في عائلتنا انصحج بما يلي :

الترطييييييييييب المستمر يعني لاتخلين جسمه ناشف ابدا واحسن كريم جربته QV ودايما انصح فيه


فالمطلوب منج ترطبين جسمه بالكريم ثلاث أو اربع مرات في اليوم هذا اذا كانت الحساسية قويه وبعدين اتقللين بس لا تقطعين الترطيب لأن المشكله في جفاف الجلد..

حاولي تلبسينه ملابس قطنيه بقدر الامكان وهالشي له دور في تحسن الحاله حتى انا كنت ساعات اذا بالبس ولدي بدله مثلا البس بجامه قطنيه اول شي وبعدين البس البدله فما خلي الملابس تحتك بجسمه مباشره

الارضيه مهم انها تكون سيراميك او رخام يعني المهم ابتعدي عن السجاد لأن اهو اللي يجمع البكتريا ويزيد حساسيتهم
ابتعدي عن كل الاكل اللي فيه مواد حافظه بعد هلشي ممكن ايزيد الاكزيما

بس ارد واقول لا تخلين جسمه ينشف وجربي الكريم اللي قلت لج عليه ترى عجيييييب المهم اذا التزمتي بهالاكلام بتقدرين تتحكمين في الاكزيما وبتقللينها لأبعد الحدود لين اتروح عنه

وبالنسبة للكورتيزون أنا استخدمه عند الضروره يعني لما اتزيد عليه واايد بس كانت الطريقه عباره عن خلطه كان يكتبها لي الدكتور نخلط الكريم اللي فيه الكرتزون مع كريم مرطب مثل QV في البدايه كان الدكتور يكتب لي بس بعدين قالي سوي الخلط بروحج في البيت لما تحتاجين لها وكانت بنسبه معينه بس مب مذكرة النسبه الحين ....

المهم الشي اللي لازم اتعرفينه ان الاكزيما مرض مزمن لكن ممكن تسيطرين عليه بالاهتمام والرعاية الصحيحة لأن في ناس الله يهديهم ايعرضون عيالهم لأشياء اتهيج عندهم الاكزيما وبعدين يشتكون مثل وحدهاعرفها ولدها دايما اريوله متقرحه وحالته حاله قلما سالتها اكتشفت ان اهو يلعب دايما في الحوش وحوش بيتهم كله حشيش ابصراحه قلت لها المفروض اتشيلون الحشيش من بيتكم لأن حرام يعني الولد جذيه ماراح تتحسن حالته ....فوايد مهم مع العلاج الرعاية

الله يشفي عيالنا ويحفظهم

اه جيتوا على الجرح ارجوكم بنات ساعدوني ابني فيه حساسيه وخاصه عند ركبه مكسين حساسيه وبعد تظهره له حبه مثل النفطه حق الحريق وتتطور وتصير جرح ملتهب ورحت المستشفى اعطوه مضاد وكريمات خف شوي وبس الحبوب رجعت فيه مره ثانيه ومسكين كل يوم يحك وكل يوم وانا اعطيه دواء اومفيل حق الحساسيه حتى تهدا الحكه فيه ارجوكم بنات هذه اكزيما يعني مالها دخل بالاكل لان تعبت وانا امنعه من الاكل وماعر ف ايش السبب ارجوكم عطوني شيء يهدئه