لا شلت يمناك يالغالية:

و الله انك صادقة في كل كلمة كتبتيها ،، و انا معك و اضيف لدررك،،،

احنا يالحريم يغلب على أحكامنا العاطفة ،، و دايما نبغى نأخذ دون أي مقابل ( بسم الله علي لا تأكلوني يا حريم خلوني أكمل )

يعني يحليلنا أذا كنا راضيات نوصل هالمساكين السماء من المدح و التدليع ، اما اذا زعلت الواحده فينا أمحطت به لسابع أرض ، و ما عمري شفت منه خير ،، هو دايما كذا منكد علي ،، اصلا من يوم ما أخذته ما عمره بسطني و من هالكلام الي يغث ( وحده تكلم صديقتها تشكي ) ،، و ننسى انه حتى الرجاجيل بشر بشر ( يعني مهوب من كوكب المريخ جايين ) زيهم زينا يحبون و يكرهون ،، يتمنون و يحلمون ،، و مافيه أحد في هالكون ما يحب الراحة و الاستقرار حرمة كانت أو رجل ،، و ما تسمعون بعض الشباب يقولون لبعض اذا قررو يتزوجون أنهم ملوا الوحده و عدم الاستقرار أبغى أرتاح خلاص يكفي ما ضاع من عمري ،، يعني هذا حلم من أحلامهم انهم يفتحون بيت و يستقرون مع زوجة محبة و حنونة ،، بس الله يهدين في بعضنا انانية ( قلت بعضنا لا تأكلوني ) ،، وانا لا أونزه نفسي ( يالله طلعت ) و لكن أبن ادم ضعيف و كذلك بنات حواء الله يهديهن ( مهوب بنات عالم حواء ،، أقصد بنات حواء عامه )...

شكلي طولتها بقرقي ،، يالله معليش نسيت نفسي ...

مرة أخرى لا فض فوك يا حرم الدكتور ،بس الله يسامحك خليتيني أهذر كثير و بكذا بتخرب علي جلسة العصر بس ما عليه لاجل عيونك يالغالية..

و تراك معزومة في جلسة العصر بكرة ،، هاه عاد لا تخلين ....
يالله تصبحون على خير ،، توني قايلة بكبر مخدتي بس، دخلت موضوعك و قلت الا أرد عليك قبل ما أنام....

تصبحون على خير

بارك الله فيك اختي الغالية,كلامك سليم الله يعطيك العافية ويجزاك خير.

كلام اكثرمن رااااااائع
جزاك الله عناكل خير
وكلامك سليم
وبالنسبه لهاالمقطع اللي ذكرتيه
وليش ارى معظم النصايح لاي مشكلة هنا بالمنتدى توصي معظمها بالطلاق
وان هذا الانسان مايستاهلك وانه فيه وفيه
صدقتي ياليت مانوجه اي وحده بالطلاق لاني اشوفه موحل ابد
ودايماالمفروض نهدي المشكله مونشعللها

ولك تحيتي

السلام عليكم و رحمة الله و بركاته
و الله صادقة أختي حرم الدكتور
أنا دائماً أخاف إني أكفر العشيرة و بجد أحاول قدر المستطاع إني ما أقوله إنت عمرك ما عملتللي أو سويتلي حتى لو كان كلامي صحيح و أنا اللي معايا الحق
و الله حتى أخاف أفكر بيني و بين نفسي إني أكفر عشيرته
جزاكي الله ألف خير

ياسلام عليك ياحرم الدكتور
الله يبيض وجهك ياالغاليه كلامك صحيح سلمت يمناك وكتب الله لك الاجر والثواب
فعلا هل نسينا جميل الزوج وعرفانه وجزيناة بالشكوى والنكران؟
هل نسينا حبه وعرفانه ؟

اللهم ارحم ضعفنا ورحمنا من مكرنا وكيدنا واحمنا من شرور انفسنا وسيئات اعمالنا يارب العالمين.
جزيتي الفردوس الاعلى امين