Mmaly

Mmaly @mmaly

عضوة جديدة

طمنوني يا اخواتي هل ما زلت .........؟ ادخلو و جاوبوني .

الأسرة والمجتمع

السلام عليكم 

ابي اتكلم عن مشكلتي و ما ادري هل بيحذفونه المشرفات لانه في اشياء ما تنقال ،، لكن فيه بنات كثير مثلي او صار لهم نفس الشي او  يعانون مثلي . الله يخليكم يا مشرفات لا تحذفونه ،،
و  ابيكم تقرون كلامي كله و تعطوني رأيكم ، و الحكيمات لا يقصرون معي ،، 

اقسم بالله يا اخواتي ماني قادرة اتكلم و اشكي لأحد غيركم ، سويت معرف جديد كله عشان احكي مشكلتي ، معرفي الاصلي اهلي و صديقاتي يعرفونه وانا مابي احد يعرفني ، و الي تكذبني او تشكك فمدى صحة كلامي و الله اني مانب مسامحتها و ما بقول الله يبليها مثل ما بلاني لكن اقول الله يبليها بنفسها  و حسبي الله و نعم الوكيل فيها . 

للمعلومية يا بنات ،، ما راح اتكلم عن حياتي مع اهلي او وضعي معاهم او علاقتي فيهم ،، لانه مثل ما قلت لكم ما ابي احد يعرفني ،، مع اني انا الضحية و المفروض يكونون جمبي و يساعدوني ،، لكن المجتمع ما يرحم :44:


ببدأ بمشكلتي ، 

انا اخواني كلهم عيال و عددهم 5 و انا البنت الوحيدة ، من يوم و انا صغيرة حركاتي مثل العيال لانه شي طبيعي بيكون لهم تاثير علي ، و دايما بالشارع معهم ، امي كانت تمنعني لكن اجلس ابكي و احن على راسها الين ما توافق انزل العب بالشارع مع اخواني ،، المهم مرت فترة على هالحال ،،
  في جيران جدد جو و سكنو قرب بيتنا و كان عندهم بنات و عيال ، و انا كنت مبسوطة واجد ، اخيراً بيكون في بنات العب معهم ، و كنت على نياتي و بريئة بما اني طفلة بالابتدائي ، و دايما اروح العب معهم و امي تعرفت على امهم و صارو صحبة ،،  
 
 كان عندهم اخو كبير ، للاسف تحرش فيني كذا مرة  ، حتى اذكر فرابع قالي يلا تعالي معي ، قلت له ببراءة لا ابي اجلس العب مع خواتك ، قالي بس شوي و راح ارجعك تلعبيتجن و بوديكي البقالة ، و انا مثل الهبلة رحت >>>> ااخخخخخ بس ااه يالقهر حسبي الله عليه . لمن كان يتحرش فيني كنت حاسة انه شي غلط لانه يوديني جهة القبو و المكان يكون ظلمه ، لكن كنت ملتزمة السكوت و هو يقول يا ويلك تعلمين احد ،، 

مرت فترة و خلاص كرهت بيتهم و كرهت نفسي و ما عاد صرت اروح لهم ابد ، حتى البنات فقدوني و يسألون علي لكن ما باليد حيلة ،، 

و من بعدها اصبحت مدمنة للعادة السرية ،، و للعلم يا بنات انا ادخلت اصباعي بذاك المكان كذا مرة يمكن 3 مرات ،، كنت اقول ليه فلان يسوي كذا ، و اجلس اقلده ، بس ما اتوجعت و لا نزل دم   >>> و هذا هو الي مخليني خايفة الحين . 

المهم امي و ابوي تطلقو من يوم و انا خامس ابتدائي ، و نقلنا من بيتنا و رحنا بيت ثاني و ابوي اتزوج ، ولكن ما زال بين امي و امه للحين ،، و انا منها اعرف اخبارهم . 

كبرت و تغيرت ، اصبحت انسانة ثانية ، منطوية ، شخصيتها ضعيفة ، حزينة ، مهمومة ، حتى دراسياً كنت ضعيفة و يالله يالله انجح ، ما عدت مثل الاول ،  تعرفت على صديقات ، اقدر اسميهم " رفقة سوء " لكن ما اكتشفت الا متأخر . علموني على النت و كيف اتفرج افلام ، مع انهم كانو يكلمون شباب لكن ما تجرأت صراحة  ،،  ادمنت على الافلام و كنت امارس العادة السرية كثييير  >>> اسأل الله ان يتوب علي ،،   تركتهم لانه اتدمرت حياتي بسببهم  زيادة  ،، و غيرت صديقاتي و اتعرفت على بنات فيهم خير ،، كنت احس اني غريبة بينهم لكن علموني على اشياء ما كنت اعرفها  و تغير مستواي الدراسي اصبحت جيدة ، و دلوني على التحفيظ الي يروحونه بالعصر ،، و ماشاء الله حفظت 10 اجزاء من القرآن و تغيرت الحمد لله للاحسن ،، و صرت محافظة على الصلوات و اخيانا اقوم الليل ،، و بطلت من مشاهدة الافلام لكن العادة للان امارسها لكن بين فترة و فترة ،، حاولت اتركها لكن ما قدرت ،  


لكن في شي واحد موب قادرة انساه الي هو " الي تحرش فيني " و الله يا اخواتي كل يوم افكر هل ما زلت بنت و لا لا  ،، هو عايش حياته بالطول و العرض و يسافر و يروح و مبسوط و انا كل يوم اتدمر زيادة ،، تعبت نفسيتي ،، كل يوم ابكي ، كل يوم اتذكر التفاصيل و الاشياء الي كان يسويها و ابكي زيادة ، ليه يسوي كذا فيني ، ما رحمني و لا قال لسى طفلة ، الله ينتقم منه .

دخلت منتداكم و قريت بعض المواضيع الي اعجبتني و كيف اكون واثقة من نفسي ،، لكن و الله ماني قادرة اعيش حياتي مثل الناس و لاني بقادرة انسى ،، انا انخطب كثير لكن اررفض و كانت حجتي الدراسة لكن الحين مالي عذر بما اني اتخرجت ،، كله اقول انا موب بنت ، انا ما استاهله و ارفض ، و نفسي اصير ام و يكون عندي عيال كثيرين ،، مو حرام كذا ضيعني ،، 


استفساري ، هل ما زلت بكر ؟ و كيف اعرف ؟ و للعلم احس هاذيك المنطقة متوسعة لاني اتحسسها لمن اغسل نفسي ، يمكن من كثر ما امارس العادة ؟ و هل في طريقة اظيقها ؟؟ 
و لحد يقول روحي للدكتورة و اكشفي ، لو يمديني ما كان جيت هنا و شكيت لكم ،، 

و طلبتكم يا بنات طلبتين لا تردوني  ، 

طلبي الاول / ابيكم تدعون الله اني اكون بنت بكر ، و ان الله يهديني و يجعلني ابطل العادة السرية ، و ان الله يستر علي في الدنيا و الاخرة و يبدل سيئاتي حسنات ، و ان الله يرزقني بالزوج الصالح مخموم القلب ، الطيب الحنون الي يخاف الله فيني ، و يكون بعد وسيم و غني و ملتزم و يرزقني منه بالذرية الصالحة الي تبر فيني و يعوضوني بحياتي خير ،،
 
طلبي الثاني / ابي كل ام هنا تحافظ على بناتها ،، اماااانة فرقبتكم بناتكم ،، لا تخلونهم يروحون مكان الا و انتم معاهم ،، لا تخلوهم ينزلو الشارع حتى لو تقطعو من البكى ،، كان نفسي امي تتوطى فبطني و لا اروح عند جيراني بالحالي و لا انزل الشارع مع اخواني ،، حافظو عليهم تراهم امانة برقبتكم و ربي بيسألكم عليهم ،،

" حسبي الله و نعم الوكيل فالي كان السبب في معاناتي " 
77
33K

يلزم عليك تسجيل الدخول أولًا لكتابة تعليق.

تسجيل دخول

ام لين 11
ام لين 11
الله يعينك ويصبرك على اللي انتي فيه
وان شاء الله تكونين بكر
والصراحة ما عندي خلفيه بس ما حبيت ادخل موارد عليك
والله يهديك ويبعده عن فعل العادة
والزمي الصلاة والسنن الرواتب وآخر الليل صلي لان الصلاة تنهى عن الفحشاء والمنكر
لؤلؤة أمي
لؤلؤة أمي
لا حول ولا قوة الا بالله ربي يستر عليكِ أختي أذكر من فترة بنت طرحت نفس المشكلة وقالت أنها تزوجت وزوجها ستر عليها لأنها وكلت أمرها الى الله وسترها كوني قريبة من الله تسعدي موفقه
**إبتسامة شوق**
**إبتسامة شوق**
الله يفرج همك
ان شاء الله البنات يفيدونك
لؤلؤة أمي
لؤلؤة أمي
تحديث حافز
تحديث حافز
لك رساله ع الخاص