معاناة مع ريحة فمي ..و العلاج

مساء الخير
السلام عليكم ورحمة الله وبركاته
شخباركم يا حوائيات ؟؟؟
بعد معاناة سنوات طويلة من يوم صغيرة مع ريحة الفم الكريه جدا
من يوم صغيره لما العب من هم بسني مع الاطفال
يقولون لي ابتعدي ريحة فمك خايسة :01:
زاد انطوائي وزادت وحدتي
اعتقد اني مشهورة بين الناس الي اعرفهم بريحة فمي :44:

و استمرت المعاناة لحد مابلغت و كبرت
اتحاشى اتكلم بالقرب من الناس دئما علك بفمي :icon29:
اخاف يشمون ريحة من فمي
و الان اعمل وعملي فيه تواصل مع العالم :44:
وهذ الشيئ مخليني انطوي على نفسي
و اتمنى لو يصير اتعامل بالاشارة
اخاف حد يقرب صوبي
احس بمطعم مر
احس بطعم كريهه جاي من الحلق من الداخل
اسناني نظفتها عند طبيب التنظيف المتعارف عليه
و مافيني تسوس
و طبيب الاسنان ماعلق شيئ
و خبرته ريحة بفمي قالي يمكن تتخيلين
شلون اتخيل !!
و انا متأكدة و الي حولي اخواني الصغار يقولون بفمك ريحة و
انا احس بروحي
عموما ماطولت وياه وخجلت وسكت
اسناني مظهرها زين ولامرة عانيت منها :44:

والحين ابلغ من العمر 25 ورافضة فكره الزواج
لحد ما الاقي حل جذري لهذه المشكلة و ليس حل مؤقت
و اذا جالسة من النوم الريحة لا تطاق
انا اتضايق منها :06:
جررربت كل مايخطر على البال ..كل شيئ
اغلى المضمضات الطبية
لصقات
بولو و ماشابه
حلاوة مصاص بكل النكهات
الاعشاب و المعاجين و المساحيق الخاصة بالفم
بخور الفم رحت سويته واحس زاد المشكلة عندي :icon29:
هيل و مستكة وقرفل و ماي ورد وقشور ليمون
و لا في فايدة
يا ناس ياااعالم مليت مليت
مع الدايت زادت الريحة
اكل فواكه تزيد الريحة
لاتقولون لي اتخيل !!!!
خواني الصغار يقولون ريحة فمك معفنة
و طبعا مستحيل يجاملون
لااازم علك مستكة :09:
و طبعا الحل مؤقت

قررت هالشهر اضع حل لهذه المشكلة
هذا الشهر مع الراتب هذا اروح لأقرب طبيب !!
و اكشف على نفسي و اتعالج !!

خبروني يا حوائيات شنو تخصص الطبيب الملائم لحالتي
انف اذن حنجرة او باطنية او ؟؟؟
ابي الخطوات ؟؟ هل تعرفون حد شخصيا تعالج من هالريحة؟؟؟؟؟ :09:
ساعات اقول استغفر الله ليتها ريحة اباط كان حلها اسهل
والله مهتمة بالنظافة و لاقي فايدة
كلش ماساة الريحة و من يوم صغيرة


ماراح انساكم من الدعاء ..ساعدوني تكفون :(:(