dnno :

اسمعيني يا حبيبتي .. اطلبي من ربّي يرحم ضعفك ثم ارحمي نفسك لأن ما فيه أحد بيرحمك .. وأنا راح أقولك من ناحيتي إيش ممكن يصير في كلا الأمرين .. وأنتِ استخيري ثم شوفي الأنسب لك ولظرفك .. أولا .. إذا رفضتي الكلية .. من حقك .. حتى ما تتعبي نفسك دراسة وحمل وبيت .. وأنتِ الآن حامل ومعاك تقلصات .. لا يكلّف الله نفسا إلاّ وسعها .. واجبك الأساسي تقومي بشؤون بيتك والاهتمام بنفسك ورعاية طفلك .. والدراسة تبغى لها اهتمام ومتابعة وحضور وللأسف زوجك تقليدي وقديم الطراز وما يقدّر ظروفك وطموحك .. فــ ريحي نفسك .. لأن دراستك يمكن من أجل الوظيفة .. والوظيفة من صالح زوجك وزيادة أعباء عليك .. ووظيفتك الأساسية في بيتك .. والنفقة والسكن والكسوة وظيفة الزوج .. يعني أنتِ بتساندينه وتساعدينه في وظيفته .. وهو ما سامحك على أقل خطأ في وظيفتك المنزلية بل بالعكس يدقق ويحاسب ويطالب بالكمال ولا مدّ لك يد المساعدة وبعد هذا كله راح يتشاكى عند أهله .. ثانيا .. إذا قررتي تكملي دراستك .. من حقك بعد .. معناها حسّيتي إن عندك مقدرة بدنية وصحّية ونــفــســيّــة وإستطاعة للتوفيق بين الأمرين ( البيت والدراسة ) عسى ربي يسهّل أمرك .. سيري على بركة الله .. وخاصة إنها سنة وحدة وأنتِ الآن بالشهر الخامس .. يعني تقريبا 4 شهور بإذن الله وتولدي بالسلامة ويكون خلّص الترم الأول .. وباقي 4 شهور وينتهي العام الدراسي بحول الله وقوته وتمضي الأيام سريعة .. وتحققي هدفك ..إن شاء الله .. ******* وإذا على زوجك .. اجلسي معاه بساعة صفاء وهدوء وروقان وخبّريه باللي يدور في نفسك .. وقولي .. أيام زمان تختلف عن الآن وبيوت زمان تختلف والمفروض إذا في نفسك كلام تعال قوله لي أفضل .. وفترة الوحام أسوء فترة تمرّ فيها الحامل والمفروض الناس اللي حولها يساعدوها بدل ما يلوموها .. لكن عتبي عليك أنت مو على الناس .. فترة وإن شاء الله وبتعدّي ولكن كنت أتمنى ألقاك عون لي .. ****** - وأنتِ فقط ينقصك نظام معيّن تمشين عليه وبتلاحظي كيف ترتاحي .. ومع الاستمرار راح تكون عادة سهلة وسريعة .. مثلا .. عوّدي نفسك دائما واعتمدي وجبة الغداء رئيسية .. لأن الفطور ساندوتشات وعصير ما تتعب .. والعشاء حاجة خفيفة .. - اليوم الأول غسيل الملابس يوم في الأسبوع .. واليوم الثاني اللي بعده .. جيبي المِكوى وأكوي على الأرض أريح لك .. حتى ما يتراكم عليك الشغل - اليوم الثالث نظفي غرفة النوم تنظيف عميق .. مرة في الشهر .. وماراحي تحتاجي خلال الشهر وقت كبير للتنظيف .. وكل يوم خصصي لك مكان للتنظيف .. لا تجهدين نفسك .. وخاصة ما عندك أحد يساعدك .. وإذا تبغي النشاط .. صلاة الضحى .. وقول ( سُبحان الله (33) الحمد لله (33) اللهُ أكبر (34) عند النوم .. يقوِّي البدن ) بإذن الله.. وهذي نصيحة الرسول صلى الله عليه وسلم لابنته فاطمة رضي الله عنها .. وفقكِ الله يا أختي لِمَا يُحِبُّ ويرضى ..

اسمعيني يا حبيبتي .. اطلبي من ربّي يرحم ضعفك ثم ارحمي نفسك لأن ما فيه أحد بيرحمك .. وأنا راح...