الي حصل والحمدلله على مايعطي ومايريد

السلام عليكم
اتأسف خواتي نزلت موضوع ومارديت لأني مادخلت المنتدى وتو دخلت وفيه بعض الردود يسألوني بالله ايش صار وطمنينا على اختك اسأل الله ان يرزقهم السعادة وينور قلوبهم
الحمدلله اختي طيبه البارح الساعه عشره بدأت تكلم معاي قبل كانت بس تبكي وماترد على احد نوموها في المستشفى 24 ساعه وخرجناها
جيت اعلمها صحيتها 7 صباحا يوم السبت قلت اجلسي معاي ، صحت وجلسنا قلت اخوي اتصل يقول عبدالرحمن سوا حادث وفي المستشفى ، بدأت تصرخ وتركض لجوالها وتتصل على اخوي وقالها اخوي ادعيله بالرحمه وصارخت ورمت نفسها وصار معاها نزيف تنومت يوم ورافقت عليها ، وكلمت وحده داعيه تجينا للمستشفى والتمو علينا الناس الله يجزاهم خير لاكنها بس تبكي وماتكلم
البارح تكلمت معاي لاحظت من كلامها ووجهها باقي مافاقت من الصدمه
،
تقول لي يوم الجمعه تغدينا وعلى الغداء يوصيني على البنت يقول علميها كيف تصلي عمرها تجاوز 7 سنوات ، و بنته كانت طالبه يجيب لها هدايا نجاح من الرياض وعطاني فلوس قال ممكن اطول انا روحي اشتري لها من هينا
،
خرج من بريده الظهر وصارله الحادث بعد 150 كم
المعذره اكتب سريع وممكن مرتبت الكلام مزبوط
الله يرحمه رحمه واسعه ويغفرله ويجبر كسر اختي وان لله وانا اليه راجعون