حملة (رمضان بدون مسلسلات و((أكل)) !

السلام عليكم

اخواتي ليش كل هالاكل برمضان !!
ايش معنى نطبخ برمضان طبخات مانسويها بالايام العادية !!
وليش كل هالكمية الهائلة والتنويع بالاصناف ؟؟
كل هذا لأننا صايميين؟؟
هذا اسمه صيام مو مجاعة !
الصوم من فوائده انه ينظم عملية الهضم وعمل الخلايا وحركة الدم بالجسم بس للاسف بحالتنا هذي مافي شي بيتنظم على العكس بيصير ازفت من اول .. اصلا لو ملاحظين دايما نسمن برمضان وناخد اقل شي من 2 الى 3 كيلو من كثر التخمه
عشر انواع اكل على الافطار وخمسطعش على السحور ..ليييه؟؟
حبيبنا الرسول عليه الصلاة والسلام كان يفطر على تمره ولبن ويمسك على تمره ولبن
نعم هو الرسول الذي علينا ان نتقتدي به .. لكن ابن آدم مايملى عينه غير التراب والجوع كافر
ما اقول اننا نفطر ونمسك على تمره .. بس على الاقل نبطل من الولايم والبوفيهات الرمضانية هذه
يعني على الافطار شوربة وسلطة وسمبوسه ومعاهم تمر وقهوة .. والسحور رز باللبن علشان مايعطّش ولا نواشف جبن وزيتون طيب لا تزعلو يلا صينية مكرونه ولا صينية ايدام مع خبز والسلام
اما ايدام وشوربه وصواني وسنبوسه وكبه وسلطة وجيب التاجر وكفته دجاج وتونه وكبة توست وكبه مدري ايش شكلها وحلا قهوة وحلا سفرة وحلا مقلي وحلا بالفرن وكبسه كلهم بسفرة وحده ولا بيوم واحد !!
والله حرام هذا اجرام بحق نفسنا او مايسمى انتحار بطيء

الموضوع هذا سببه من كثر المواضيع اللي ملأت هالقسم بهالايام المباركة وكلها مواضيع :
فرزنت .. بفرزن .. ساعدوني ماعرفت افرزن .. تعالو شوفو مفرزناتي .. منيو رمضاني (الله هالله ع المنيو الرمضاني) .. بنات الحقو ايش اطبخ برمضان (يا امي وش فيكي انهبلتي اطبخي اللي دايم تطبخيه بالايام العاديه!!) .. مقاضي رمضان
اللي يشوفنا يقول هذولي جايهم حرب ويبون يستعدون له :42:

واختم موضوعي بحديث شريف :
قال صلى الله عليه وسلم ( أصل كل داء البردة ) البردة : التخمة