بنات انا بطلع رحلة برية ايش أخذ معي من مستلزمات تكفون ساعدوني

اطباق عالم حواء

بنات انا بطلع رحلة برية مع مجموعة من أقاربي والطلعة مسويتها عائلتي وأقاربي اول مرة يحظرون طلعتنا
فرجاء ايش أخذ معي من مستلزمات
هل لازم اسوي حلا وفطاير وشغلات او لا
وايش مطلوب مننا نسوية بالضبط والله تايهه مادري من وين أبدا
فالرجاء من عندها خبرة تقولي لان الطلعه بكرة عصر


وشكرا
13
15K

يلزم عليك تسجيل الدخول أولًا لكتابة تعليق.

تسجيل دخول

غداً_أجمل
غداً_أجمل
أكيد لازم تجهزين قهوه وشاهي وحلا بس يكون مايسيح مثل حلا الكروسان ومجنات وبطاطس ليز او دريتوس مكسرات خوذي اسطوانه غاز صغيره من المحطات وخذي قهوه وهيل وشاهي وسكر حلات طلعة البر لما تسوي قهوه وشاهي هناك والله يسعدكم يارب
نبض الجروح 2
نبض الجروح 2
اهم شي بف باف الفتاك

خذي اغراض الشاي والقهوه وجبنه وزيتون وخبز

وبطانيات ومخدات وشبسات

< عمرها ماطلعت رحله بريه ههههههههههههه

الله يسعدك وتكون احلى رحله
اين الحقيقه؟؟
اين الحقيقه؟؟
بنات وين الباقين رجاء المساعدة بجهز من الحين
تنوين
تنوين
الله يستر عليكم و تنبسطووون و ترجعون بالسلامة يارب
اول شي ياقمر الحلا ... لابد منه تعرفين مع السوالف و الاطفال بعد .. بس مايكون حلا بارد من اللي يذوب في الحر ... ماينفع ... ياعمري سوي كيك او بسبوسة او معمول .. و يستحسن يكون من النوع اللي يتقطع و يتجهز من البيت و ينحط في ورق و بدون ملاعق اسسسهل لك يا الغاليه ..
شوفي ياعمري انا اذا طلعت مع ناس احب اخذ معي كل اللي اقدر عليه .. يعني مشاركة و احتياط ..
مثلا : شاي قهوة جاهز في الترامس و بعد معلب و سكر ايضا عشان لو احتجنا نسوي جديد
و لا تنسين الهيل شوي في قصدير و نعناع او حبق لو تحبونه ...
تمر و حلا و مكسرات و كيك و بسكوت للبزران و عصيرات و اللي يحصل خير و بركه
كل شي رتبيه في علب بغطا احسسسن لا تحطين باكياس تنعفس ...
مواعين بسيطة و الافضل بلاستيك او ورق زي الكاسات و الملاعق و الصحون مقاسات ...
صحن كبير للتقديم .. عشان نودي فيه قهوة الرجال مرتبه ..هذا لازم منه لا تقولين زحمة صدقيني ضروري ...
سفر للاكل و صابون و ماء للغسيل و ماء للشرب ...
ولاعة و دافور لو عندكم زين ..
طبعا بساط او كراسي ..

عاد ما ادري اذا بتطبخون في البر او بتجيبون عشا جاهز من برا .. هذه بعد يبي لها تجهزون بس غالبا يكون احد مسؤؤول عن العشا و جايب معه اللوازم ...
و اي خضار او فواكه نظفيها و غسليها و غلفيها من البيت ...

هذا اللي جا ببالي يا الغاليه و الله ييسر لك ... و يبيض وجهك يا ااااااااا رب العالمين ...





:)


انا عادة بعد اخذ معي ميزان حرارة و خافض حرارة و لصق جروح و بندول .. متعودة عالمقالب ياحظي ...
محتارهـ@
محتارهـ@
خذي معك ترمس مويه
وثلاجه الصغيرة الشنطه حقت الثلج للمشروبات تحطين ثلج والعصاير والغازيات
خوري مكسرات وحب
خذي معك بشنطه صغيرات لزق جروح ومطهر <<إسعافات أوليه لاقدر الله الجرح احد الله يحفظكم
لا تنسون الاذكار ودعاء المنزل واستودعو أنفسكم الله
انتبهو للصغار هالوقت بالصيف تخرج باليل العقارب والدواب
اذا معكم اطفال أخذوا كور او العاب الرمل ينبسطو فيها او تسوين لهم اللعاب قديمه مثل عظيم سرى وو

الله يمتعكم بطاعته يارب