تابع قصتي الاسبوع الماضي مع التحليل المنزلي......تفضلوا

السلام عليكم ورحمة الله وبركاااااااااته ......

مساء الفل لاغلى منتدى (عـــــــــــــــــــــ حواء ـــالم)....


اكيد كلكم او اكثركم شاف موضوعي الاسبوع الماضي .....

هذا الرابط للي ماشافته.....

http://forum.hawaaworld.com/showthread.php?t=914496


المهم ياطويلات العمر الاسبوع ذا والله كان اصعب علي من الاسبوع الي قبله او قبل اكثر من اسبوع تدرون ليش؟؟؟؟؟

لان ست الحسن والدلال مانزلت علي الا هالوقت وانا اكتب لكم الظاهر بتجنني :angry2: :angry2:

ويوم الثلاثاء الي فات اصر علي زوجي اني اعيد التحليل بالمستشفى وحاولت فيه قلت له انا تو مسويته يوم الخميس الي طاف قال لا انا حااااسس انه في شئ ......

ومحاولات ومحاولات الى ان رضخت لطلبه ورحت المستشفى والله وانا باااااااااااااارده حاطه قلبي في ثلج مغسله يدي من النتيجه مو يأس من رحمة ربي لا والله بس قلت اكيد مافيه شئ كالعاده ...

ونطق مشوار للمستشفى بس طبعا غير المستشفى الاول .......
وهاك ياسحب دم..... الظاهر بجف من كثر ماسحبوا من دمي الاسبوعين الي فاااااااتت...

المهم وننتظر وانا اسولف ومهيصه وماعندي فيها واقرقر مع الرجال وهو يقول فكينا من هالقرقره الي في البيت ماشوفها........
هههههههههههههههههههههههههههههههههههه

المهم وتمر نص ساعه وانا اطالع بالي رايح والي جاي :icon810: :icon810: :icon810:

الا في ذي اللحظه الممرضه طالعه وتنادي بأسمي وانا اطمر مثل الغزال قلت سمي ...
قالت ممكن تتفضلون معي شوي.. قلت ابشري امشي وانا معاك وتمشي واحنا وراها الى ان دخلتنا على اخصائي المختبر .....
ياربي انا وش سويت شنو ذا الغرفه الي مدخليني فيها وهالاجهزه الي تطير العقل....
خير يادكتور وش السالفه .......
الدكتور وبكل برود ...نتيجة التحليل حقتك





بصراحه





بصراحه






محيره جدا ......

اسم الله علي شفيني الله يشفيني طاح قلبي ببطني ...قال بالتحليل بان انه عندك علامة حمل ....ذي اللحظه الحمد لله انه مااغمى علي من الفرحه...
طيب يادكتور شنو المحير.. المحير بالامر ياستي انه علامة الحمل ضعيفه شوي يعني لازم ننتظر كذا يوم ونعيد التحليل.....:eek: :eek:

والله لايوريكم كذا يوم عندي والله كأنها سنه او اكثر عااااااااااااايشه على نااااااااااار اخلاقي زفت اكلي زفت نومي زفت كل حياتي زفت في زفت .......

بس املي بالله هو الي كان مصبرني ولحظات الامومه هي الي خلتني اتماسك شوي ....ودعاء ورجاء لله تعالى انه يتم علي الحمل والفرحه .....

الى ان عدت اربعه ايام بالموت والله يابنات مهما وصفت شعوري ماراح اقدر اوصلكم صورتي ذيك الايام ضغط نفسي من كل جهه...

المهم الحمد لله عدت المده ورجعنا نعيد التحليل وكلي امل وكنت متفائله حيل حيل حيل حتى زوجي برضو كان مثلي متفائل هو اصلا من يوم ماعملنا التحليل الي قبل اسبوع الي طلع نجتف مافي حمل كان يقول انا مو مصدق ذا التحليل قلبي واكلني واصر علي الى ان عملت هالتحليل....

ونرجع للمستشفى وتحليل حمل واللهم طولك ياروح والله يابنات جسمي ينفض من فوق لتحت احاول اجلس بالانتظار زين الكرسي مو شايلني الشنطه بيدي يادوب ماسكتها احسها بتفلت مني في اي لحظه...

ونص ساعه كالعاده وتطلع الممرضه تفضلي معاي نرجع لنفس غرفة الاخصائي ...

ويطالع بالتحليل تدرون شنو النتيجه......


مابطول عليكم واحرق اعصابكم بقولها بسرعه.....

مافي ولا شئ حتى علامات الحمل الي كانت بالاسبوع الماضي اختفت كليا ....

اللهم لك الحمد كمايليق بوجهك وعظيم سلطانك......

خرجت من المستشفى كالعاده .....اردد

(( ربي لا تذرني فرداَ وانت خير الوارثين))

شفتوا يابنات ان الاسبوع الي راح كان اصعب اسبوع في حياتي .......

بس الي نفسي اعرفه الحمل فين طار فص ملح وذاب يعني ولا اكلته بالغلط......

ياليت بنات الي مرت بهالتجربه او تعرف احد صارله مثلي تحكيلي شلون تصرفت.....

وهاانا انهي قصة حياتي الي قبل كم اسبوع وكل هالقصه سببها الوحيد هو تأخر الدوره الله يصلحها ودي اعرف هي ليش مانزلت الى الان

وعلى فكره يابنات انا كل بعد فتره احس بجنبي الايسر وشوي الايمن اسفل البطن وكمان احس بشويه لوعه يعني كبدي مقلوبه مدري ليش...

اخاف تكيس جديد ولا شئ لاسمح الله ياريت الي تعرف تفيدني ولكم مني كل الحب والاحترام...


كاااااااااااااااااااااااان ودي هالاسبوع ابشركم بحملي بس ربكم مااااااااااااااااا شاااااااااااااااااااء

دمتم بود ......