أختكم مونيتا بتقطّع شعرها من القهر-تكفون لاتتخلوا عني

الله يعينك اختى ويفرج عتك
ياريت اقدر اساعدك بس انا مو من جده

ربي يتمم لك على خير اختي

حبيبتي لايضيق صدرك لسه فيه ووووووووقت يقدري تسوي كل شي
بالنسبه للجسم سوي رجيم اذا انتي متضايقه من وزنك ابحثي عن رجيم السعرات الحراريه مره رهيب
بتنقصين كثيررررررر قبل موعد الخطبه اما الحبوب اللي فوجهك انا استخدم عصار طبي من الصيدليه يصفي البشره
برضو استخدميه
اما تجهيزات الملكه حاولي انك ماتسرفين بالتقديمات خليها عاديه مررررره يعني عصاير مع كييكه وبعدين الشاي والقهوه
واشتري حلى وبس
واذا ماوقفو خواتك معك بالتجهيزات احنا خواتك استشيرينا باي حاجه تبغينها وبامانتك اي شي تبغينه راسليني عالخاص
وانا اساعدك من عيوني حبيتبي ولا تكدري خاطرك
ومو لازم تعزمون حريم ابد ابد يكفي اهل العريس لانو الاقارب مابيرضيهم شي واذا زعلو قولو هذا طلب اهل العريس مايبغون
زحمه
نصيحه لك لاتبالغي بالتفكير خلي الامور طبيعيه ولا تتكدري لانه بيجي يوم وراح تنسين كل شي صار
وبالنسبه لخطيبك فقير عادي جدا اهم شي تكوني معاه سعيده مو الفلوس كل شي بالدنيا
طولت عليك لكن عليك بالدعاء ثم الدعاء ثم الدعاء ادعي ان الله ييسر امورك

ماشاء الله تبارك الله

بجد فرحانه لك لأني متأكده إن ربي حيعوضك بعوض كبير

بجد رائعه ببرك بوالديك وحثك على هذا الشيء

وفوق هدا كله راضيه برغبتهم وهامله رغباتك فعلا ربي حيكافئك

ولا تقولي مهري قليل ربي صدقيني حيبارك فيه

بس تصدقي

وأما زوجك فلا تقولي فقير يقول الله تعالى: إِنْ يَكُونُوا فُقَرَاءَ يُغْنِهِمُ اللَّهُ مِنْ فَضْلِهِ ؛


وكل شيء بيد الله لا تحكمي على حياتك قبل ما تعيشيها تفائلي بالخير تجديه

( أنا عند حسن ظن عبدي بي ) هذا مو كلامي كلام رب العالمين

وبالنسبه لأمك الله يهديها مالها حق مررره

إلا بحاله وحده يمكن شايله هم المصاريف والتكاليف لا تقولي مايكلف وربي كل مازاد العدد زاد الصرف وزادت الحوسه

ومافيه شيء الشبكات اللحين كلها عائليه


إنتي إللي يهمك من الليله كلها فستانك ومسكتك ورأس مالك زوجك وبس

ولا تشيلي هم للناس أبــــــــــــــــــــــــــــــدا

واما الفستان

شوفي أول شيء الإيجار

شوفي من البنات بالمنتدى او معاريف صاحباتك يعني من بعيد تكون فصلت وعملت شبكتها وتأجرك بسعر حلو

مالقيتي مررره في عندي رقم بوتيك يأجر فساتين شبكات وسهرات برضو شوفيه بس بمكه

ماعجبك شوفي التفصيل

عندك المستقبل بلازا ولمسات الدور الثاني والكندره واليمامه وزي كدا مري عليهم وشوفي اسعارهم وخدي اللي يناسب ذوقك وماديتك

نجي للمسكه والاكسسوار بعد الفستان تقرري كيف حتكون اسسواراتك ومسكتك

بعدها حتكون هدية العريس جيبي ساعه مثلا من أحمد سعيد ناجي وعنده خصومات اعتقد دحين

وخديله عطر من الرصاصي او عطرجي ومسبحه ذوق وغلفيهم بألوان فستانك صدقيني حتبقى بقلبه ذكرى ما ينساها

بعد كدا التوزيعات

روحي الحجاز اللي هو جنب المستقبل بلازا ولمسات

الدور الثاني في محل توزيعات مقابل زين الأتات يجنن روحي وشوفي واختاري صدقيني حتحتاري ايش تاخدي وكاسريه صدقيني حيراعيكي


وكدا بقي علينا الكيكه والعصير

الكاسه تكون بستايل المسكه او انتي اعمليها بالبيت اشتريها من المحل وحطيها على تبسي وبحركات فنيه وغرا وخامات تشبه ألوان فستانك غلفيها وما حتخسري شيء

الكيكه روحي الجونه

يعمل كيكه بألوان فستانك كمان
وخدي مقاس متوسط مو شرط دورين وكبيره لا خديها

40 * 30

ممتاز هدا الحجم وب 450 ريال تقريبا

ومابقي شيء سوى الكرسي اللي حتجلسي عليه وغرفة الاستقبال يا حتخلي المصوره ترتبه لك بطريقتها

يا إنتي روحي الصواريخ وخدي اقمشه وانثريها بطريقه عشوائيه مرتبه


تكون شيفونات وحراير وتل بألوان فستانك عزيزتي

أما الكوافير والمصوره ما عندي خبره بأيهم أرخص

وبس هذا ما في جعبتي

0000000

آسفه على الإطاله رجواي منك دعوه في ظهر الغيب لا تحرميني من حلاوتها ولا تحرمي نفسك من أجرها

ولك مثلها

ياقلبي عليكي
لاتشيلي هم افرحي في يوم شبكتك وانبسطي لان عمرو ماكان الفرح والسعاده بالفلوس واذا على ان خطيبك فقير ماهو عيب والله اعرف ناس عندهم فلوس الدنيا بس والله السعاده ما طبت بيتهم <<<وما تدري يمكن ربي يرزقه الله قادر على كل شي

واذا على كلام الناس حطيه تحت رجلك <<<والله الواحد ايش ماسوى راح يتكلمو <<<طنشي ياقلبي
والي يسالكي ليش ماعزمتو احد ::قولي له الوالده تعبانه شوي فما حبيت اتعبها معايا

ياعمري انصحكي انبسطي وافرحي والله غيرك تدور ظل رجاال
وللمعلومه انا كانت شبكتي في البيت وكانت مختصره والحمد لله انبسطت فيها <<<اهم شي اهلك حوالينك

واذا على التجهيز للشبكه

مع اني مو من جده بس إلي اعرفه عن جده من روحاتي لها <<انا من المدينه

ان جده ملياااانه خيارات يعني فيها محلات فساتين بكل الاسعااار
وكمان محلات التوزيعااات مليانه بكل المستويات

طيب انتي خذي فستان الخطوبه ايجار

شوفي في الاول روحي لمحلات الكوش وتجهيز الافراح((ياكثرها في جده )) واختاري شي جداااا ناعم لتزيين البيت وطبعا لاتنسي تقولي له تاريخ المناسبه <<<يعني احجزي عندهم

وبعدين احجزي البوفيه والكيكه من محلات الحلوياات

وبالنسبه للتوزيعات شوفي لكي شي ناعم ورخيص <<<هذي المحلات تلاقيها في كل مكان

والمصوره <<< ليش ما انتي تشتري كاميرا وتصوري فيها (في نوع يجي معاه طابعه عشان تطبعي الصور في البيت ) <<منها انك تستفيدي من الكاميرا بعدين و كمان توفري فلوس المصوره

والكوافيره ماعندي فكره والله

واذا على جهازك للملابس روحي طابا يجنننننننننن فيه موديلات روووووووووووووووووعه بلايز وبناطيل وملابس بيت وخرجه <<كل ملابس خذيها منه واسعاره رخيييييييييييييص

وباقي التجهيزات في هنا موضوع لوحده مهرها 15 الف ادخلي وشوفيه وان شاء الله تستفيدي منه
http://forum.hawaaworld.com/showthread.php?t=3043010

ياحبيبتي هدي نفسك واقري قران في اخر الليل ولاتقطعي شعرك ولاشي <<الله يكون في عونك

ياليت افدتك ياقلبي

ان شاء الله بنات جده يدلوكي على اسماء المحلات

انا راح اسال بابا عن اسماء بعض المحلات للتوزيعات والفساتين وارجع ارد لكي <<<لاني والله ما اعرف اسماء الشوارع

موفقة بطلبك


ررفع