يابنات ياعسولات ... أنا أن شاء الله بسكن في شقة جديدة .... ( فوق أهل زوجي ) واللحين أحنا في التشطيبات النهائية ... الله يتمم السكن فيه على خير ...... قولوا آمين ..
أنا يابنات أفهم جدا في الديكور والكل يمدح ذوقي .... وسويت غرفة خواتي ... وطلعت النتيجة روعة الكل أنهبل عليها .... ويوم زواجي صممت كوشتي على الورق ونفذوها لي .... وصارت أسطورية ... حتى فستان الزواج دخلت فيه لون غريب مع الموديل وصديقات خواتي وخالاتي لما شافوا الصور .... قعدوا يساومونه بيشترونة ... بس قلبي ماطاعني ....
المهم يوم جد الجد .... وصارت السالفة حقيقية ... والبيت كلة معتمد علي لحالي تهت وأحترت ... أبقولكم كيف الشقة وأبيكم تختارون معي السيراميك وألوان لبوية والحمامات ....
( الشقة ) ...
عبارة عن ( مدخلين كل واحد له باب خارجي / مجلس / مقلط / غرفتين / صالة / حمامين / مطبخ )...
1) مدخلين على شكل اسياب طويلة وضيقة نسبيا واحد للحريم والثاني للرجال ..... .....
وين أحط المدخل في القسم النسائي ولا الرجالي ..... طيب والقسم اللي ماراح أحط فية المدخل وش أحط فية ... وش الألوان اللي أصبغ فيها أسياب المداخل ... ناوية أصبغ واحد منهم مقلم .... وش رايكم ووين أحط المقلم بأي مدخل ...
2) مجلس ... ناوية أحطة مجلس مغربي ( الوانه أورانج وبني وذهبي ) وش رايكم ووش أحط بوية .. .. لونها ونوعها ..
3) مقلط .... ناوية أسكر بابة اللي جهة الرجال وأحطة غرفة نوم لي لأنة واسع .... وش أحلى لون للغرف سواء أثاث أوبوية ...
4) الصالة ... شفت طقم مخمل حلو .... أن شاء الله ربي يكتبه لي ..... لونه أخضر كموني داخل معاة عنابي ووردي فاتح وذهبي ..... وش أحط معاه بوية وسيراميك ...
5) المطبخ فصلت أحمر وأسود ... وناوية أحط البلاط أبيض وأسود ( شطرنج ) .... وش رايكم ..
6) غرفة ..... بتكون غرفة جلوسنا اليومية .... زوجي يبيها أرضية ... ... ودي يكون لون الجلسة بنفسجي غامق وأبيض ... وش رايكم في هاللونين ووش أحط بوية ..
7) الحمامات .... أحترت خاصة أن مساحتها صغيرة .... ودي باأورنج ناري مع سكري وذهبي لحمامي ... والحمام الثاني مدري ... عطوني رايكم ..
أنتظركم لاتخذلوني ... ماعاد فيه وقت ... وأنا مستحية من أبو زوجي لأن العمال خلصوا شغلهم تحت وماباقي الا أنا وشقتي وماأقدر أأخرهم أكثر ........
بليز ساعدوني ...
%جميلة العرب% @gmyl_alaarb_1
عضوة فعالة
يلزم عليك تسجيل الدخول أولًا لكتابة تعليق.
@سفريات@
•
هلا أختي منزل مبارك ولو تحطي لنا صور نساعدك أكثر والمقلط ليش تسكريه ممكن تحتاجيه
حبيبتي سفريات .. المقلط بحطه غرفة نوم لي لان باقي الغرف صغيرة .... وأن شاء الله ماراح أحتاجة الا كغرفة نوم لي لأن أغلب أستقبال الرجال بيكون تحت في بيت خالي ... وأصلا المجلس موجود لو جا أخواني أو أخوان زوجي نستقبلهم فيه .... حبيبتي والله صعبة أنزل صورة .... بس تخيلوة أرجوكم ..... شغلوا دمجكم ... وأبدعوا ...
السلام عليكم
الألوان الي اخترتيها خيال وجذبني الون البنفسجي الي بالجلسه الارضيه لا تحطين معها ابيض بما انها جلستكم
حطي كموني علي اصفر والبويه ابيض والموكيت حطيه افتح لون بنفسجي مع الأضاءات الصفراء راح يكون خيااااااااااااال
والوان الحمام حقك خطييييييييييييييييييييييييره حاولي تقللين السكري وتكثرين الذهبي
الله يبارك لك فيه
ادعيلي قريب املك الفلا واخذ من افكارك
اميييييييييييييييييييييييييين
تحياتي لك
غلطتي اني حبيتك
الألوان الي اخترتيها خيال وجذبني الون البنفسجي الي بالجلسه الارضيه لا تحطين معها ابيض بما انها جلستكم
حطي كموني علي اصفر والبويه ابيض والموكيت حطيه افتح لون بنفسجي مع الأضاءات الصفراء راح يكون خيااااااااااااال
والوان الحمام حقك خطييييييييييييييييييييييييره حاولي تقللين السكري وتكثرين الذهبي
الله يبارك لك فيه
ادعيلي قريب املك الفلا واخذ من افكارك
اميييييييييييييييييييييييييين
تحياتي لك
غلطتي اني حبيتك
الصفحة الأخيرة