كيف حالكم حوائيات؟؟
قررنا أنا وأبو العيال نعمل تجديدات في بيتنا
وطبعا بدأت أبحث في النت عن المحلات والأسعار
ولقيت انه اللي يحبه الخير كثير ويحطون تجاربهم ويفيدون غيرهم
المهم نبغى نبدأ بغرفة الأطفال
لأنهم لسه .... مالهم غرفة ويناموا معايا..........:35:
وحبيت أقلكم على هالمعلومات يمكن تجي يوم وحدة من خواتي تدور على هالمعلومات وأعطيها هي مقشرة مثل اللوز
أولا: ايكيا....
أسعارهم معقولة - تحمل جيد- تشكيلة محدودة كأثاث- الاكسسوارات والاضاءة متنوعه
ثانيا: تفصيل محمود سعيد -سوق الصواريخ- محلات التفصيل عموما
أسعار رخيصة - تشكيلة متنوعة وكبيرة وجميلة الألوان- لكن جودة وخشب مش أوي (يعني لو لصق على البوية شي وجيتي تخرجيه طلعت معاك)
ثالثا: الغرف الصيني الجاهزة.. موجودة في محمود سعيد - سوق الصواريخ وبالتحديد محل اسمه (بانوراما)
أسعار رخيصة - تشكيلة متنوعة- جودة عااااااالية
رابعاً: الغرف التركية (بيت العز -غرف الشباب- هوم سنتر) - اللي يقولون عليها البعض الفراولة
أسعار متوسطة إلى غالية- تشكيلة محدودة- جودة عالية
وعندهم غرفة الأميرات وCars و ميكي ماوس وباربي.... حلوة ونظيفة
طبعاً هذه غرف الأطفال اللي ما يتعدون 8 إلى 10 سنوات
أي استفسار حااااااااااضرة
أخيرا ...أدعوووووولي أجيب ولد رضي بصحة وعافية وأقوم بالسلامة
شكرررررررررررررررا.. وياريت أي وحده عندها اضافة تشرفني وتحطها
والله يرزقك بلولد الصالح