أعجبني هذا الموضوع في احدى المنتديات فحبيت انقله لكم يا احلى بنات ، واتمنى انه يعجبكم و تستفيدون منه ، و ما ابي منكم غير دعوة صادقة من القلب لي ولصاحبه الموضوع الله يجزاها خير، بسم الله نبدأ
اول شي : ملعقة كبيرة من اكليل الجبل
ملعقة كبيرة من البابونج
ملعقتين كبيرة من الخزامى اي اللافندر
شوية من قشرة الرمان الجافة
قليل من الملحة الحية ما اعرف شنو تسمونها بالخليج بس هذه صورتها (اعتقد هو الملح الحجري)
ملعقة كبيرة ورد مجفف
الطريقة :
نحط كل المواد في اناء كبير و نسخن ماي حار لدرجة الغليان و نصبه على الخليط
و ناخذه للحمام او غرفة النوم و نجلس فوق الاناء مو تقعدين على الماي و تحترقين بعدين تدعين علي ، لا ، تقعدين كانك راح تتبخرين و تخلين بخار الاعشاب يصعد معك تحسين بحرارة من داخل و ريحة اللافندر يا سلام ، و هذه الطريقة نسويها اثناء العادة الشهرية او في النفاس و ممكن مرة بالاسبوع لانها جدا مفيدة
الحين خلصنا من هذه المرحلة ، نخلي الاعشاب بنفس الماء تقريبا نصف ساعة بعدين نجيب مشخال - مصفاة - و نصفي الماي من الاعشاب
هنا بعد ما خليتهم نصف ساعة تقريبا
تابعوني ........
و هنا الماي بعد ما صفيناه و صار جاهز
الحين بنحطه في المطارة - الترموس - و نخليه بالحمام و انتو بكرامة ، كل ما تبين تتشطفين - تغسلين - تحطين عليه شوية ماي حار لين يصير دافئ و تغسلين به ، هذا غسول طبيعي و مفيد بدل غاسول الصيدلية لي ما نعرف شنو مكوناته
هذا الغاسول مفيد للي تعاني من الافرازات او الحكة او برودة ،
ملاحظة : نسيت و انا اصور الاعشاب ما صورت الشيح لانه كمان حطيته مع الخلطة العجيبة الرهيبة ، و هذه صورته من النت
فوائد هذه الاعشاب :
1 -البابونج ، يفتح لون المنطقة
2 - اللافندر يعطي ريحة حلوة للمنطقة
3 -قشور الرمان ، يشد و يضيق المنطقة
4 - الشيح ، يعتبر كمعقم و قابض للمنطقة فنفس الوقت ، و الشيح مفيد جدا للي توها والدة و عندها خياط تحت ، لما تتبخر به او تغسل بيه الخياط يطيح بسرعة و الجرح يلتئم
منقول