تعبت يااخواتي وضاقت بي الدنيا..

السلام عليكم ورحمة الله وبركاته
اخواتي عالم حواء سأطرح مشكلتي وارجو ان تفيدوني 
يمكن من خلال مواضيعي عرفتم ان لدي اعاقة حركية منذ الطفولة واعتمد كثيرا على اخواتي لمساعدتي بسبب رفض والدي وجود الخادمة ف المنزل بالرغم اني حاولت كثيرا لكن بلا جدوى وقد عرفتم من خلال مواضيعي الاخيرة اني انخطب ووالدي سوا مشاكل كثير بدون سبب عشان تترفكش الخطبة 
ابوي من يوم عرف اني موافقه ع الموضوع وابديت رغبتي ف الزواج اصبح يكرهني كثيرا وانا والله ماسويت شي يغضبه هو في نظره الزواج عيب وانا اعتبر الزواج فرصه للخروج مما انا فيه لاني والله كاني ميته بين الاحياء اريد خادمة اريد اكمل علاجي واريد بيت وزوج وابناء من حقي ياناس اعيش مثلي مثل غيري ابوي الان يكرهني بسبب هذا الموضوع اصبح لايكلمني ويدعي علي ويتهمني بابشع الاتهامات
وانا بريئة منها والله يشهد
اذا جاب اغراض مثلا اكلات وحلويات وغيرها يعمل حساب خواتي وانا لا انا ماهمني الاكل لكن ليش الته
ميش والكره لو اني مخطئة والله اقول استاهل لكن هالشي يقهر ويحز بالقلب والخاطرع
اخواتي اصبحوا نفس الشي والله يابنات اخرها قبل شوي جابت اختي بيبسي لاخي قلت لها ليش ماجبتي لي قالت  
فلانة تجيب لك قلت لها اصلا ماجيت على بالك قال ايه ماجيتي على بالي سكت وش اقول هي مو مجبورة تخدمني قبلها موقف اختي الصباح تخيلو يابنات سألت اخوي تبغى فطور قال ايه سألتها وش الفطور قالت صامولي محشي حمار وانتم بكرامه وش بيكون يعني 
بعدها جابت لاخوي فطوره وانا قدامها والله ماجابت لي شي سكت ماعاد طلبتها لو تبي كان جابته
كلهم اخواتي كذا لدرجه امي لاحظت قالت ليش كذا والله قبل فترة ابوي جاب ابوي لخواتي بساكيت وعصيرات وغيرها وجاب على عددهم بالضبط يوم شافتها امي بكت 
قالت الله يالدنيا
يوم الخميس كان عندنا عشا ويوم راحو الضيوف قالت امي لي ولخواتي روحوا سلمو على عمكم يوم رحت للمجلس اول ماشافني ابوي قام وقف عند الباب والله بغيت اموت من البكى ليش يسوي كذا كان بي مرض معدي وغيرها كثير 
والله اني بهم مايعلمه الا الله 
دعواتكن اخواتي الله يسر امري وتتيسر ملكتي ويجعل زواجي خير لي لان تعبت من بيتنا خلاص 
لي شهور ماطلعت من البيت ضاقت روحي وربي تعبت 
اللهم أشكو إليك ضعف قوتي وقلة حيلتي وهواني على الناس