دجاجة وحدة نقطعها 8 قطع
ننظفها عدل ونبهرها بالكركم المخلوط بالبهار ونخليها على جنب
نحمس البصل المفروم وبعد شوي نضيف الثوم المفروم ونقلب والفلفل الحار ونقلب
نصف الدجاج عالحمسة ونسكر عالجدر
بعد شوي اقلب الدجاج عالجهة الثانية
والحين نضيف 3 ملاعق جوز الهند + زنجبيل + كاري +علبة معجون طماط + علبة روب + ملح + كوب ماي الصبار ( التمر الهندي )
ونحرك شوي ونغطيه يتسبك عالكيف:)
نغلي الماي مع قليل من حبات الهيل والفلفل الاسود والقرفة والقرنفل + زبدة + ملح
بعد ما يغلي نضيف العيش المنقوع وبعد ما يستوي ثلاث ارباع استوا نشخله
نحمر في الجدر البصل في الزيت واذا تحمر نرفعه ونخليه على جنب
بنفس الجدر نرجع العيش اللي شخلناه
ونحط فوقه البصل اللي تم تحميره قبل مع قليل من البصل الاخضر
ونغطيه ونخليه على نار هادية حتى يكمل طبخ وتطلع الحبة حلوة
نغرفه ونقدمه مع كاري الدجاج
ممكن ناكله مع العيش او الخبز
صحتين:)