don
don
الاطفال يحبو الذره المسلوقه
الاطفال يحبو الذره المسلوقه
والله دخلتلك جرى اهو بصى يا ام زياد اولا بالنسبة للعصير:
بالنسبة للاطفال انا بفضل انك تشترى كرتون عصير زى جهينة مثلا اللى فية 24 علبة صغيرة بالشاليمون ويكون منوع وتضعى لكل واحد علبة اولا انظف واحلى واضمن من البيبسى وافيد وهما كمان بيحبوه اكتر وليكى انتى كنظافة العلبة اللى حتتشرب تترمى على طول وبالنسبة للامهات اعملى عصير فرش وخلية فى الثلاجة فى زجاجات وابقى صبى فى الكاسات او الاكواب على طول ..
ثانيآ بالنسبة للتورتة :
انا بأفضل بما انها حفلة اطفال انك تعملى واحدة بس اوردر من برة وتكون على هيئة شكل مثل pooh او ملعب كرة قدم او باربى او حسب المناسبة نقى الشكل المناسب من الكتالوج اولا حيتبسطوا جدا لان الاخراج بتاعها بيبقى بالوان مبهرة واحيانا المحل بيضع عليها لعب بلاستيك صغيرة صحية وثانيا تريحى نفسك من موضوع التورتة ياترى حتنفش ؟؟؟ياترى اعمل كام واحدة ؟؟؟ هى واحدة بعدد الافراد ولعلمك حتبقى اضمن واوفر ماتعملى تورتيتين صغيرين وانا ممكن على الخاص اقولك السعر وكدة العيال حتظئطط اكتر
ثالثا بوفية الاولاد:خفيف
يعنى سندوتشات (بوتى بان) محشية لحمة باردة بمسحة زبدة وممكن لانشون وممكن تسلقى الفراخ وتفرميها وتخلطيها بمعلقة كاتشاب ومعلقة مستردة وزرة ملح وفلفل وتحشى بيها بيحبوها وبتبقى جميلة جدا وممكن بورجر وممكن كفتة مع شيبس وطبعا البيتسا بس لما تضعيها على السفرة تكونى مقطعاها مثلثات رفيعة او مربعات مش كبيرة علشان مايتفضلش منهم وتترمى لكن لو متقطعه صغير يبقى اللى عايز ياخد تانى او تعمليها وحدات مدورة صغيرة

ملحوظة السندوتشات مشتركة مع الكبار)
ممكن جيلى بالكريمة والموز وممكن كاساتا ايس كريم وممكن كيكة المفاجآت

بوفية الكبار:
السندوتشات مع الصغار وعرق لحمة باردة مقطع ترنشات ومحشى ورق عنب وارز بخلطة وممكن بان كيك منوع يعنى باللحمة المفرومة و بالخضار وبالفراخ وممكن فتة زبادى معاهم وممكن فراخ محشية وممكن كبيبة شامى وممكن كوسة بالزبادى او سبانخ بالبشاميل

بصى يا ام زياد البوفية دة بيبقى من البوفيهات اللى مش كبيرة بمعنى ان بوفية حفلة الاطفال او المناسبة الخاصة بنسمية بوفية متوسط الانواع لكن بوفية العشاء دة بيكون اكبر منه واسمه متعدد الاكلات الدسمة

ماشى ؟؟؟؟؟؟ بس برضة منتظرة رأيك وادى احنا ناخد وندى مع بعض لحد ما توصلى لاحلى حاجة ان شاءالله
lovely angel
lovely angel
حبيبة قلبى دون
جزاك الله كل خير يا قمر على مساعدتك واقتراحاتك الجميله

بالنسبه للتورته انا فعلآ كنت هاجيبها جاهزة لأنى مش خبرة فيها وكمان الوقت وزى ما قلتى بتكون احلى واوفر:)

اما الباقى فعندى مشكله بسيطه وهى ان الحفله هتكون فى شقه مصيف يعنى مش عندى عشان البهدله وكده :angry:
فهاضطر انى انقل الاكل من عندى لهناك وطبعآ الايسكريمات والجيلى ممكن تسيح وتتبهدل فى النقل
فعشان كده عايزة وصفات سهله النقل....:D

كنت عايزة اسألك انا لوعملت البيتزا من بالليل وتانى يوم سخنتها ممكن يبقى طعمها مش حلو
وبرده كنت عايزة اعمل دوناتس ينفع من بالليل ؟؟؟


ومنتظرة اقتراحاتك الثمينه يا حبى:luvkiss:

وجزاك اله كل الخير:26: :26: :26:
don
don
حبيبة قلبى دون جزاك الله كل خير يا قمر على مساعدتك واقتراحاتك الجميله بالنسبه للتورته انا فعلآ كنت هاجيبها جاهزة لأنى مش خبرة فيها وكمان الوقت وزى ما قلتى بتكون احلى واوفر:) اما الباقى فعندى مشكله بسيطه وهى ان الحفله هتكون فى شقه مصيف يعنى مش عندى عشان البهدله وكده :angry: فهاضطر انى انقل الاكل من عندى لهناك وطبعآ الايسكريمات والجيلى ممكن تسيح وتتبهدل فى النقل فعشان كده عايزة وصفات سهله النقل....:D كنت عايزة اسألك انا لوعملت البيتزا من بالليل وتانى يوم سخنتها ممكن يبقى طعمها مش حلو وبرده كنت عايزة اعمل دوناتس ينفع من بالليل ؟؟؟ ومنتظرة اقتراحاتك الثمينه يا حبى:luvkiss: وجزاك اله كل الخير:26: :26: :26:
حبيبة قلبى دون جزاك الله كل خير يا قمر على مساعدتك واقتراحاتك الجميله بالنسبه للتورته انا فعلآ ...
بالنسبة للحلو يبقى التورتة وممكن تارت بالفواكه وممكن اكلير وممكن سويسرول بروفيترول دى كلها ممكن تتنقل ومتسحش وممكن تورتة البسكوت بالشيكولاتة وتكونى مبيتاها من بليل فى الفريزر
وانا معاكى برضه يا ام زياد لحد الحفلة ان شاءالله
lovely angel
lovely angel
دندون حبيبى
بصى كده وقوليلى حلو وللا ايه

اول حاجه التورته هاروح النهارده ان شاء الله اتفق عليها

2- سندوتشات سوسيس مقطع مع بصل وفلفل وبهارات على النار ومايونيز
وسندوتشات شاورمه

3- بيتزا

4-دوناتس

5- كب كيك "بس مش عارفه ازاى ازوقها بفكر احط فيها شوكولاته مقطعه صغير بس خايفه تنزل فى القعر

6-بفكر اعمل السويسرول الحادق اللى فى الرابط ده
ايه رايك؟

7- ممكن اعمل كوكيز بالشوكولاته للاطفال:)

ايه رأيك اعمل فطاير صغيرة زى الساليزون بس مش عارفه اشكلها ازاى
انا بقول ممكن اعمل كرواسون صغير اوى وباتيه صغير
فياريت لو عندك افكار للفطاير الصغيره او الساليزونات ازاى بتتشكل

ايه رأيك كده حلو وللا ناقص وللا ايه

وجزاك الله كل خير يا حبى
بجد مش عارفه اشكرك ازاى :26:
don
don
دندون حبيبى بصى كده وقوليلى حلو وللا ايه اول حاجه التورته هاروح النهارده ان شاء الله اتفق عليها 2- سندوتشات سوسيس مقطع مع بصل وفلفل وبهارات على النار ومايونيز وسندوتشات شاورمه 3- بيتزا 4-دوناتس 5- كب كيك "بس مش عارفه ازاى ازوقها بفكر احط فيها شوكولاته مقطعه صغير بس خايفه تنزل فى القعر 6-بفكر اعمل السويسرول الحادق اللى فى الرابط ايه رايك؟ 7- ممكن اعمل كوكيز بالشوكولاته للاطفال:) ايه رأيك اعمل فطاير صغيرة زى الساليزون بس مش عارفه اشكلها ازاى انا بقول ممكن اعمل كرواسون صغير اوى وباتيه صغير فياريت لو عندك افكار للفطاير الصغيره او الساليزونات ازاى بتتشكل ايه رأيك كده حلو وللا ناقص وللا ايه وجزاك الله كل خير يا حبى بجد مش عارفه اشكرك ازاى :26:
دندون حبيبى بصى كده وقوليلى حلو وللا ايه اول حاجه التورته هاروح النهارده ان شاء الله اتفق...
مساء الفل يا ام زياد
كدة 100 /100 بالنسبة للكب كيك لو حتحطى فية قطع صغيرة شيكولاتة اقولك تعملى اية حطى الشيكولاتة فى الدقيق اللى حتحطية فى الكيكة وقلبية تقليبة واحدة بالمعلقة وبعدين ضعية على العجينة وكملى عادى الكب كيك او بعد ما تحطى الدقيق وتخلطية بالعجينة عادى حطى الشيكولاتة فى العجينة وقلبى تقليبة بالمعلقة الخشب وصبيه فى القوالب
وعندى ليكى فكرة كمان ممكن تعملى الكب كيك بالالوان حيعجب الاولاد جدا يعنى اختارى لونين بس مثلا احمر واخضر دول بيبقوا حلوين بعد الخبز
وممكن بعد ماتعملى الكب كيك عادى ويبرد صبى علية شيكولاتة خام سايحة ورشى علية ملبس ملون او ملبس فضى حيبقى جميل قوى
وممكن تعملى حلوى الماء وتصبيها على وش الكب كيك


كل دة بيطلع شكله جميل يا ام زياد
واذا مش عارفة اى حاجة منهم انا متبعاكى اسئلينى على طول
وبالنسبة لباقى الانواع كله تمام وممكن تعملى السويسرول اللى فى اللينك اللى ادتيهولى حلو يا ام زياد وممكن تحطى فى النص قبل ماتلفيه مثلا زيتونة خضراء ووراها زيتونة سوداء وهكذا علشان لما تقطعية يدى شكل احلى كمان
وبالنسبة للساليزون او البيتى كرواسان يبقى اعملى بيتى كرواسان وممكن لو حتعملية تحشية شيكولاتة او جبنة ولو حتشترية جاهز مع البيتى بان ابقى افتحية بالسكينة الرفيعه من الضهر واحشيه حيبقى حلو قوى لكن الساليزون الحوادق على ما اعتقد الولاد مش حياكلوها قوى او حيقطموها ويسيبوا باقيتها
انا منتظراكى برضة فى اى سؤال وحفضل بصة على الصفحة يا حبيبتى