سارونه ....مشكوره عالرد...وأنا خواتي يستعملونه بس ماشاء الله هالاتهم مو مثل هالاتي ؟؟؟؟أنا صارت هالاتي تخوف بنفسجيه ..من الحمل..وحابه تغطيه كويسه..
--------------------
بنت الحريه ملاك.....هلا والله...انتي بشرتك جافه؟؟ولا دهنيه؟؟لان البنات خوفوني منه؟؟
وأنا امس انتبهة لجويل وهي تستعمله..بس متردده..!!!!
-------------------
روز الشرقيه.......حياالله خبيرتنا.......كلامك عالعين والراس ..لانك صرتي خبيره بحكم تجربتك..
بس أنا بشرتي جافه؟؟ماادري ينفع لي ولا لا..؟؟؟
ودير ماكولور...بكم سعره؟؟؟والقاه في المحل الي بالخبر بلازا..الي يبيع كريولان؟؟؟
-----------------------
غنوجه.....مشكوره عزيزتي...وشكلي بجرب سان لوران...قبل لااشتري..بس هالاتي مو طبيعيه ويبغى لها تغطيه مظبوطه؟؟؟
----------------------
غزال الحبارى.....شكرا .....لنصيحتك.....
-----------------
كهرمان..........المصيبه انا هالاتي الحين بنفسجيه شلون لا حطيته ؟؟؟؟شصير.........؟؟؟؟
مشكوره عالنصيحه..
-----------------
اميرة الكون.........اهلا وسهلا....والله احترنا...
--------------
تويتي.......وأنا بعد أسال نفس السؤال؟؟؟؟
-------------------
المذهله........مشكوره عزيزتي عالمشاركه...وشكلي بجرب من هالماركه..

داليا ...وغلا........مشكورين عالمشاركه....وشكلي بجربه..

أهلين

ممكن اعرف ماركة واسم مجموعة الكونسيلر هاذي يا عسل





بنات عندي سؤال؟
هل تستخدمون نوعين كونسلير , بمعنى واحد خفيف سايل لمنطقة العين لانها مره حساسه.وكونسيلر سميك لبشرة الوجه!
ويعطيكم العافيه
:) دمتم بخير :)

الله يحيكي ياعمري دفى شمس كلك ذوق حبيبتي وابد كلنا خوات ويسلم راسك وتسلم عينك وانا لاني خبيره ولاشي حالي من حالكم بس حبي للشغلة المكياج ومتابعتي لعالم حوااء<<<<<<<<<<قصدها ادمانها لعالم حواء :D ههههههههههههه هو اللي عرفني على هالشغلات وليومك لازلت اكتشف واعرف الجديد من البنات :27:

بالنسبه لبشرتك اذا هي جافه يمكن يناسبك فور ايفر اذا انتي متعوده تحطين فيها
اشياء زيتيه وتتقبلها مثل زيت اللوز وغيره اضن مابيصير عندك مشكله معاه
وحتى لو اخذتي ديرما كولور((بنات ديرما كولور هو نفسه كريولان عشان لاتتلخبطون)) بعد بيناسبك انا من استخدامي لاحظت انه يناسب الجافه ويرطبها ويثبت على الدهنيه ومايسيح او يتكتل وتوزيعه سهل وكل درجاته فضيعه
بصراحه انا مااستغني عنه يعني مسحه خفيفه منه تعطي تغطيه قويه وطبيعيه بنفس الوقت حتى احيان استخدمه كأساس للبشره ويطلع حلو..وفي شي ثاني لاحظته من استخدامي تحسين الوان كونسيلر فو ايفر قويه تبان زي الصبغه بس ديرما طبيعيه ماتحسن ان فيه طبقة كونسيلر ومع ذلك العيب مخفي
وهذي ميزة اساسات ومستحضرات كريولان
وطبعا بلأخير الخيار لك
وديرما كولور انا اخذته من جده ايام الرخص كان ب 112 وطبعا عليه خصم لاني
ماقصرت جبت المحل كله الشرقيه ههههههههههههههه والحين ماادري كم سعره؟؟
والمحل بالخبر بلازا افا عليك بس كنت نااااطه عنده يوم الجمعه وماشفت عنده الكونسيلر ذا بس هو يقول بيجيب طلبيه جديده قبل العيد بس الظاهر اغلبها شادوهات واساسات وفرش ومحددات لاني قلتله ليش ماتجيب ارواج ((طلعت روح الهندي من غير شي المحل صغير )) بس شكله مو مقتنع مدري ليه ؟؟يعني كل شي موجود حتى سبراي مثبت ومحددات وقليترات كله من كريولان بس ناقصه كونسيلر وارواج :(

وبصراحه الارواج فضيعه مو طبيبعيه ابد انا شفتها عند وحده واستخفيت :D

بس مو مشكله البحرين قريبه وهالماركه موجوده بمجمع الدانه


بس طبعا هناك اضن اغلى الاسعار وانا كنت ناويه اروح هالويكند بس ماحصل الظروف ماساعدت الظروف اللي من هالجهه :arb: لوووووول
هههههههههههههه



بالنسبه لسؤال &تويتي&
االالوان بالعلبه حق فو ايفر وديرما
الاخضر لو كانت فيك لاسمح الله حبه بوجهك زاعجتك ولونها احمر تحطينه عليها
الالوان الفاتحه لو كنتي حابه تبرزين مناطق تحطين عليها عظمة الخد استقامة الانف تحت العين منتصف الجبهه


الالوان الغامقه تخفين فيها مناطق بوجهك مثل عرض الوجه وعرض الخشم فتحطينه بجوانب الخشم جوانب الانف
منتصف الخد اطراف الجبهه عند الفك ونزولا الى الرقبه يعني شبيه بعملية النحت
شوفوا هالرابط

http://forum.hawaaworld.com/showthread.php?t=138426
فيه لون احمر خاص بالحروق الله يكفينا الشر وطريقة اخفاؤها

وطبعا الوان كونسيلر ديرما احلى في النحت فيها تباين حق فور ايفر ماينفع للنحت
بس لاخفاء الهالات وهو اساسا عنده مستحضر خاص بالنحت علبه فيها لونين غامق وفاتح بس دوم مخلصه
واذا تبون طريقه حلوه لاخفاء الهالات تدرجو ا بالالون اللي بالعلبه لما تجون تحطونها تحت العين يعني اول حطي لمسات خفيفه بطريقة التربيت بللون بني فاتح
بعدها حطي بيج غامق بعدها بيج فاتح بعدها الوردي او الاصفر حسب اللي بيناسب

اهم شي طبقات خفيفه وبطريقة التربيت عشان مايبان طبقات وايد متكتله

وانا من قبل كنت اغلط هالغلطه ومااتدرج بالوان الكونسيلر وهذا اللي يعطي لون رمادي او بنفسجي للهالات
بس بعدين عرفت ان لازم نخفي الهالات اول شي بقاعده غامقه وبعدها نتدرج للافتح
عشان الهالات مسكينه ماتتخرع لووووووووول هههههههههه وتقوم تعطينا لون صرعه مع الكونسيلر :D

وانا نصيحه اقول للي محتارين اخذوا كونسيلر ديرما او كريولان كله نفس الشي وانتو مغمضين :35:


.¸¦¤SwèèT¤¦¸. الماركه ذي اسمها ديرما كولور من كريولان والكونسيلر هو نفسه للوجه ولمنطقه العين بس يفرق بطريقه الوضع بحيث تحطين حوالين منطقه العين بطريقة التربيت بالاصابع وليس المسح وتحطين مسحات خفيفه وان شالله ديرما لاجربتيه مابيكون سميك بالعكس خفيف بالرغم من قوة تغطيته


السموحه حبيبتي دفى شمس كاني تليقفت :35: وخذت راحتي بموضوعك تراني نسيت روحي بالهذره :unsure: ههههههههههههههههه :D

بعد عمري...................خذي راحتك....وأنا قريت ردك وعلى طول ارسلت لزوجي بالبحرين يشتريه لي؟؟؟؟؟؟؟؟؟؟؟عصر السرعه...ههاهاهاهاهاهاهاها..
روز تقول على شيء وما نسمعها....
وعلى فكره انتي خبيره يعني خبيره ..ولا تسألين شلون عرفت...والله يسلم ايدينك..
والموضوع موضوعك...
وعلى فكره اذا ماعرفت شيء ترى بسألك على بريدك الخاصه اذا مافي مانع..
وجزاك الله خير..على النصيحه..