انا في حملي الاخير سوت الدكتورة لي تحريض صباح السبت وولدت يوم الاثنين الساعة وحده ليلا لأني خلصت التاسع وكان مؤلم ونزل دم كثير استمر حتى ولدت
الصفحة الأخيرة
انا بولدي الثاني
من بداية التاسع مفتوح 3 سانتي
بس كان عنق الرحم طويل
وعلى نهاية التاسع
الدكتوره قاست ونفس الشئ 3 سانتي بس العنق قصير
وقلت لها ابي تحريض قالت ماتحتاجين واصريت
وسوت لي تحريض
وقالت خلاص ولادتك قربيه خلال يومين
جهزي شنطتك واغراضك
بس عطتني موعد لبعد اسبوع اذا ماولدت بتحط لي طلق صناعي
المهم طلعت من عند الدكتوره
وانا احس باحساس غريب
في الحوض
اقول يمكن من التحريض حسيت نفسي تعبانه ودايخه
هذا العصر
ورجعت البيت غسل الملابس
وفي الليل سويت العشاء شوي احس بألم مغص
وكان منتظم كل 20 دقيقه ونزلت علي السداده ثقيله ومع دم
نزلت مرتين في الليل
وانا احس بألم خفيف
على الساعه 11 وشوي اختفى الألم
وقمت انام
يمكن جلست مرتين من نومي احس بمغص خفيف
وجلست الصبح زوجي بيروح الدوام يسألني اوديك المستشفى او بيت اهلك
قلت لا مابروح مكان
وطلع من عندي وجلست اكمل شغل الشقه وغسلت باقي الملابس
ورجع لي الألم بس خفيف ومنتظم كل 10 دقائق
قمت عبيت البانيو ماي حار قريب للدفئ يعني اقصى درجة حراراه تستحملها جسمي
وجلست في البانيو يمكن نص ساعه
وبعدها قمت حسيت الألم موجود واقوى ونزل علي افراز كمان بدم
قمت استشورت شعري وجهزت اغراضي للمستشفى واتصلت على زوجي وقلت له شكلي بولد
بس لاتسرع
لاني اعرف نفسي اطول وايد لين اولد
وجاء على اذان الظهر وجاب معاه غذاء تغذينا وصلينا ورحنا المستشفى
كان بعيد عن بيتنا ودخلت عند الدكتوره وقالت لي ولاده فاتح 3 سانتي
وللمغرب فتح 5 سانتي وعاى طول فتحت كيس الماي وبعدها بدت معانتي مت مووووووووووووت
المم وطبيعي قوي وطلوق حاره ورى بعض وصارت كل دقيقه تجيني طلقه وبعدها كل نص دقيقه
وبعدها كل 5 ثواني وانا اصيح واصارخ مو قادره حسيت رحمي بينفجر جلست اترجاهم يولدوني عمليه
بس رفضت وقلت لهم ابي ابرة الظهر بدفع فلوسها بس للأسف المستشفى حكومي
والساعه 9 في الليل انفتح الرحم كامل وقالت لي دفي
وانا ادف بس ما عندي طاقه وما اقدر ادفع دفع قوي ينقطع نفسي
ويالله طلع الساعه 9 و50 ديقيقه احلى عبودي
وبعد 5 ايام بيكمل 3 سنوات