أبدخل بالموضوع مباشرة
ياحبي للمرأة اللي فوق الأربعين وتكشخ وتزين..
واللي يقهر فيه حريم بالثلاثينات ومهمله نفسها بقووووووه..ليش ما ادري!!
ما أبي أقول بالعشرينيات لأنها لو صارت بتكون مصيبة..
بقول لكم عن المرأة اللي تشبه زوجها..
الحين اللي بالبيت أربع وعشرين ساعة لابسه قميص طويل عريض يعني مخفي علامات الأنوثة لا صدر بارز..ولا خصر باين..ولامؤخرة واضحة!!
لا واللون بني كحلي بيج عنابي...>>وش ضيقة الصدر هذي!!
والشعر رافعته بشباصه أو ربطه..
ولا كحل ولا روج...ولا شي
هذي لو وقفناها جنب زوجها قدام المرايه..بالله بيصير بينهم فرق....!!!!!!
ولا معلم من معالم الانوثه واضح عشان نفرق المرأة من الرجل!!
وبالعكس الرجل بيصير كشخه عندها لان هذي طبيعته وهذا لبسه..
بالله اللي زي كذا على طول الخط..مو من حقه زوجها لو فكر بالثانية!!
تعالوا أقولكم أعذارهم..
(العيال!! الدوام!! مشاغل الدنيا!! كبرنا!! عاد هو من زينه أبو سروال سنه!! خل أشوفه أول وبعدين اكشخ له!!)
طيب ياقلبي كل هذا ما يمنعك انك تلبسين قميص ميدي مثلا أكمامه ربع زهري موف احمر خربزي برتقالي سماوي تركواز اصفر..قميص ملون بورد وفراشات وقلوب..ألوان طفوليه تفتح النفس
وعلى طاري النفس من جد الألوان الفاتحة تحسسك براحه وتهدي أعصابك واللبس الفاتح وخاصة السادة يعطيك عمر اصغر من عمرك جربوا في لبس العزايم والطلعات..والله تطلعون حريم نعووووومات..ما مليتوا من المشجر والمخطط!!
وبعد ألبسي بجامات.. شي طويل وشي ميدي.. ألوان فاتحه وقصات صدر حلوه.. وش يمنعك!!
وحتى التنانير القصيرة والبناطيل ليش لا..!!
والمكياج قولي لي كم ياخذ من وقتك الكحل وإلا الروج..؟؟
ورجاااااااااااااااء بلا ضيقة صدر ما نبي روج بني أو عنابي!! تكفييييييييين ارميه هالحين بالزبالة..(الله يعزك)
حطي وردي..خربزي..برتقالي..فوشي..بالدرجات اللي تناسبك من فاتح قوه إلى الصارخ قوه..
والشعر تكفين فكيه لو مره! حرريه من الشباصه والربطة..(بالمطبخ أكرف واركض ورى البزران وأنا شعري مفلول..!!) ايه..ليش لا؟!!
مرة استشوريه..ومره جعديه..اليوم الغرة على وجهك..بكرى على جنب..بعده ارفعيها بفراشة وإلا ورده (الله يسلم أبو ريالين وإلا اسرقي من بنوتتك الحلوة)..ارفعي نصه ارفعيه كله ما نقول لا.. بس سوي حركات بالمقدمة قسميه بشباصات نزلي خصل..
وعلى طاري الشعر..(حريم كثير يموتنن من الضحك مدري من القهر والغبن وبقووووه..الحريم اللي ياويلك تجبين طاري الصبغة أو الميش عندها...!!)
طيب ياللي تقدسين شعرك وتخافين عليه لهالدرجة تعالي ذكرين متى آخر مرة شفتك مسرحته بشكل حلو وإلا قاصته قصه روعه تبرز نعومته وكثافته اللي أنتي خايفه عليهم..!! باختصااااااار: تهكين على مين..!! محافظه عليه عشان يلفونه حنبك بقبرك وإلا وش سالفتك بالضبط..؟؟ جد عالم ترفع الضغط..!!
اصبغي.. الصبغة بلون موحد تصغر عمرك عكس تلوين الخصل..
قصي شعرك.. وخلي لك غرة والله الغرة تصغر عمرك أكثر.. >>معلقه على سالفة تصغر عمرك!!
جد مو عشان زوجك بس عشانك أنتي بعد !!
تركضين ركض بالأسواق تشترين لبناتك أحسن لبس ولبيتك أحسن أثاث وحتى لزوجك أحسن القمصان والبجامات!!
طيب ونور البيت وفراشة الدار وين نصيبها من هذا كله..؟؟
...........................................
ع السريييييييييييييع
*ما تكلمت عن سالفة الوزن اللي يمكن يكون عذر الكثيرين من ناحية إهمال اللبس!!لان الحل يعرفه الجميع اللي هو الرياضة وتخفيف الأكل..
*كتبت الموضوع بعد ماشفت بعيني من المجتمع المحيط فيني..لدرجة حريم ماكتب الله لهم الخلفه ورجالهم مافكروا بالثانية ومع ذلك مهملات بأنفسهن!! (طيب إذا ما كنتي "ولود" صيري "ودود")
*بالله ماقد سمعتي أمك أو جدتك تقلب كفها وتقول وهي خجلانه من نفسها ( أيدي بيضاء..وووع!! كنها يد رجل!!) لأنها من مده ما حطت حنا..!!؟ شفتوا حريم أول كيف محافظات على زينتهن..بالله يالمهملة ماخجلتي!!
*قرأت مرة انه جرى استبيان لسؤال الرجال في إحدى الدول الأجنبية.. متى ترى آن زوجتك أجمل النساء؟ فكانت الاجابه:
عندما أراها أمام المرآة تضع كريم الوجه الخاص بها قبل النوم..(الرجل يفرح بس من مجرد محاولتك الاهتمام بنفسك..حسي عاد وتحركي..)
*ياليت ماننسى انه في عيون صغيرة تراقبنا ويمكن أكبر..وش يمنعك تكوني أنتي السوبر موديل لهم..أنتي تكوني دليلهم للجمال والاناقه..فيه وحده تكره تشوف بناتها أحلى وأجمل البنات والخطاطيب طوابير عند الباب.
*الجمال والاناقه مايعني صرف مبالغ كبيرة وماركات على طول الخط بالعكس تقدرين تثبتين أناقتك بأسعار تناسبك صحيح المسألة مسألة ذوق بس لولا اختلاف الأذواق لبارت السلع..
*على طاري الذوق مره انتقد ناس انو فرشة مجلسهم خرايط من الوسخ! وناس مارزقهم الله إلا بطفل واحد ياكثر ما يكررون لبسه حتى من دون ما يغسلونه!..وكان يقال لي الناس أذوق..لا والله الذوق برئ من السالفة! إلا هذي قلة حيا وقلة سنع الواحد يقرف يجلس بمجلسهم أو يداعب بزرانهم..!! المشكلة رازقهم الله من واسع فضله..!! ياعاااالم (وأما بنعمة ربك فحدث)
*البعض يقول الاهتمام مو مقياس لرضا الزوج يعني إذا حبني بيشوفني أجمل الحريم وإذا كارهتي لو أصير ملكة جمال ماعبرني..ايه الحب له دور..بس الحب له مفاتيحه..اللي لو ضاعت اكيد الحب معها بيضيع..ومنها الكلمة الطيبة والوجه الحسن.
*بعض الحريم وااااثقه من نفسها قوة دائما رافعه شعار (لو يلف الكون كله ما يلقى زيي) أو شعار (رجلي مايهتم عديم ذوق) اصحووووووا ترى بعض رجالنا لهم أصحاب كلام الواحد منهم يكفي عن فلم سـ....!! ولا تقولين (ما يدري ما عمره شاف) الرجال تكفيه لمحه..نظره..والله يسلم إعلانات قنوات الكورة..شي أنتي يالحرمه تذوووووبين منه..!!
*اكيييييييد ما ننسى جمال الروح أولا وأخيرا..
*اخيييييييرا .......مشرفاتي العزيزات رجاء لا ينقل لقسم الجمال والاناقه خلوه هنا عشان من اهم اسباب مشاكل الحريم هو إهمالهن لأنفسهن..وإلا ايش رايكم!!
!!عذرا طــــــــــــــــــــولت!!
حنيــن1428 @hnyn1428
عضوة نشيطة
يلزم عليك تسجيل الدخول أولًا لكتابة تعليق.
فعلا واقع مرير بعدين النظافة والاهتمام بالنفس فطرة الله في خلقة
والله جميل يحب الجمال
عاد اتصدقين اذاجاني اكتئاب اخذ لي شور وحط من هالعطورواتدهن بلوشن زين وروج واحس ان الدنيا ماتسوى الا في عبادة الرحمن
والله جميل يحب الجمال
عاد اتصدقين اذاجاني اكتئاب اخذ لي شور وحط من هالعطورواتدهن بلوشن زين وروج واحس ان الدنيا ماتسوى الا في عبادة الرحمن
السلام عليكم ورحمه الله وبركاته
كل كلمه قلتيها صح
لاكن قوليلى الى تلبس لزوجها وتكشخ له على قولك
وهو يقولها لالالا القطن ابرد لك واريح
لا لا المكياج بيخرب بشرتك
وو و و و و انواع العقد
اهم شى النظافه من الايمان لاتنسو هذى النقطه
لان فى بعضهم شياكه ومرتبين لاكن ريحت عرقهم واصله اخر الدنيا
ولا الناس الى عاملينهم نفسهم كووول هذى الايام لبسهم احمر ويحطو روووج موووف يععععععععععععععععع
الله يعطيك العافيه
كل كلمه قلتيها صح
لاكن قوليلى الى تلبس لزوجها وتكشخ له على قولك
وهو يقولها لالالا القطن ابرد لك واريح
لا لا المكياج بيخرب بشرتك
وو و و و و انواع العقد
اهم شى النظافه من الايمان لاتنسو هذى النقطه
لان فى بعضهم شياكه ومرتبين لاكن ريحت عرقهم واصله اخر الدنيا
ولا الناس الى عاملينهم نفسهم كووول هذى الايام لبسهم احمر ويحطو روووج موووف يععععععععععععععععع
الله يعطيك العافيه
الصفحة الأخيرة
وينفعنا بما سمعنا