العربات انواع ..لازم تختارينها على حسب احتياجاتك
مثل اللي شايفة صورتها فوق هاذي متكاملة كرسي للطفل ينفع للسيارة وينفع لجلوس الطفل في البيت
وتقدرين تحطينه علىطول فوق العربية بدل شيلة الولد من الكرسي للعربية وبعضها يجي معها
شنطة لأغراض الطفل وبعضها لحاف لأرجل الطفل وبعضها كيس واقي عن المطر

وفيه نوع اصغر واخف واسهل بالحركة خصوصا بالتسوق ..لأن اغلب المحلات ممراتها ضيقة
والكبيرة ما تدخل فيها

فيه انواع تكون لها ارتفاعات متعددة من وضعية النوم الى الجلوس الكامل وهاذي تنفع للمواليد
وحتى الكبار علشان اذا نام الطفل تسدحينه

بعضها تكون عملية تطبيقها صعبة وتاخذ حيز بشنطة السيارة وبعضها لأ

افضل شي تمرين على المحلات وتجربين الأنواع كلها وفي النهاية بتعرفين انتي بالضبط وش تبين

بالنسبة للمحلات عندك الأفضل مذركير...بعده ستي بلازا وعلى فكرة هالمحلين احيانا يجيبون بضاعه من نفس الشركة بس ستي بلازا يكون ارخص..لأن مذركير يطلبون قماش خاص لهم وألوان
خاصة ما تلقينها الا عندهم والا الجودة وحدة

شكرا حبايبي
والله يسخر لكم ازواجكم ويصلح ذرياتكم ويناولكم الي في بالكم يارب
اناشفت تويز ار اس وسيتي بلازا
اما مذركير فعندي الكتالوج في البيت والي اعجبتني قال انها خلصت واسعاره خياليه
انا اشوف انه سيتي بلازا وتويز ار اس عنده الي يفي بالغرض وسعره حلو لكن الانواع كثيره ومحتاره لاني اشوف قرايبي يشتكون كثير من سوء اختيار عربيات اطفالهم

شيكوو عربياااته قويه مره وتعيش كثير عربيه ولدي اذكر من يوم مانولد لحد ست سنوات يستخدمهاا خااصه في السفر وخبط في الدرج وكل سفره معي وانا اسافر بالسنه تقريبا 3 مرات وخفيفه وعمليه بس غاليه شوي وتستاهل

ضاعت مني في المطار والا كان استخدمتها لاخته ههههههههه

اخته اخذت لها عربيه من جاكادي برضووو خفيفه وتكفي لاربع سنوات وزياده وحلوه لبيبي الصغير ودافيه وخفيفه بس غاليه سعرها فوق الالف والحين مسوي عليها خصم 700 ريال

انا حقولك عن تجربتي
الرخيص وحليو خذي ماما لوف اذا كانت ماتهمك الماركه
اما اذا بغيتي شي حلو وسعره وسط خذي كراجو تلاقينه في تويزار اص وسيتي بلازا ومذركير بس ارخص شي اللي في سيتي بلازا ويجي معاها مقعد للسياره من 800 الى 1200 ريال عيوبها كبر الحجم حسناتها مريحه للطفل
تبين خفيفه وصغيره وماركه زينه في مذركير من 500 وطالع بس مره عمليه خذي اللي اذا طويتها تصير زي العصا يعني ماتلخذ مكان هذي اللي انا ناويه اشتريها للسفر انشاءالله
يعني اتمنى اني افدتك ولو بالقليل

عربية ولدي معاها كرسي السيارة وهي من كراجو وأذكر شريتها قبل سبع سنوات تقريبا ب 600 ريال واستخدمتها لعيالي الإثني نما شاء الله والآن محتفظة بها للثالث .وصح كلام نجوم عيبها كبيرة وثقيلة