بس برأيي إنه مش بالضرورة لسة لسة ولا عمرو رح يسير هذا الزمن \\\\\\\\\\\\\\طبعا من عائلة لعائلة ومن وضع لوضع يختلف يعني العيلة الكبيرة غير عن العيلة الصغيرة واذا أبو جوزك موجود الوضع بيكون مختلف وفي دار حما أحسن من غيرهم ومتل ما قالت اختي حافية القدمين انو في منهم بينحط على الجرح يبرى
\
\
احنا بدنا نحكي عن دار الحما اللي مش سهلين وعن ام الزوج اللي من تحت لتحت
كتير صديقات واخوات بيعانو من هيك مشكلة وانا نصيحتي الهم بتكون هيك:
1
اول إشي لما تضايقك حماتك بكلمة اوم تحكي عنك بالعاطل او عن اهلك سواءا قدام جوزك او لا (طنشيها)لانه مرات في منهم بس بحبو يقهروكي وبالعادة بتصير لما تشوف زوجك يهتم فيك يعني غيرة مش اكتر حتى لو كان معها حق لانك اذا رديتي اول اشي :44:رح تطلع روح روحك وهي مش مقتنعه وجوزك رح يبهدلك بعدين لانه حتى لو كان عارف انو اللي امه بتحكي غلط بس رح يحكيلك كلام امي منزل(الزوج الصعب و المتحيز بالظاهر على الاقل)
2
رحتي عندها اليوم وانتي مضطرة تروحي عندها طبعا
منشان ابو الشباب ورضاه اضحكي وامزحي وتناغشي مع الكل ومع شوية دلع على زوجك لانه لو رحتي وقعدت بوزك شبرين لا منك ولا من روحتك وابو الشباب مش رح يرضى لا اقعدي في بيتك احسن لانك عالجهتين رح تطلعي بنفس النتيجة الزوج مش راضي وامو عمرها ما رح ترضى
3
خلي الكل بصفك ويحبك من اهل زوجك واذا في يوم حكت عليكي او ظلمتك الكل بوقف معاك لانه التعامل الحسن والبشاشة والاحترام بيخلو الكل يحبك واذا حماتك ما حبتك مشكلتها واخرتو جوزك يكتشف انو كل أهلو بحبوكي بس امو لا فاذا مش من عندك المشكلة وبعدين اذا الوحدة كسبت اخوات زوجها واخوته طبعا بطرق بسيطة جدا بنحكي عنها بعدين اذا حماتك ظلمتك بيوقفوا معاكي وبقولو لزوجك انك المظلومة وبيقفوا معاكي:44:(الحكي هادا لازم مع انو تكون معاملتك لحماتك كتير منيحة وبطريقة بتبين اخلاقك العالية و تعاليك على اي اشي بضايقك منها)
4
ضايقتك حماتك وعلقت عليكي وعلى لبسك قدام سلفتك مثلا او قهرتك
اياك
اياك
اياك
تروحي لزوجك تقوليلو حكتلي وعملتلي و فضلت سلفتي علي وانت وامك وووووو
هاذا خراب بيوت (عن تجربة)ومارح تسفيدي اشي بس بكاء ومشاكل وما رح يوقف معاكي لانه امو ربتو ومابعرف شو الموشح(الكلام ما بينطبق على الكل)
تعبتي وزهقتي منها فشي قلبك هون كلنا بنسمعلك وبنخفف عنك منشان هيك في منتديات:27:
5
حسيتي انو في اشي لازم تعرفي زوجك في عن المشاكل اللي بتواجهك مع أهلو جيبها عن هبل او متل ما بتعمل سلفتي
بتحكي عن هبل ييييييييي يا زوجي والله شايفتلك بطلت اعرف اطبخ زي ما قالت امك .........
او مثلا بدي اتضل على امك شكلها تعبانة لانو مبارح طول القعدة ما حكت معي ولا كلمة اكيد تعبانة او موجوعة اوشي ..........(بتنفع مع السلفات كمان):35:
6
لا تحاولي تبعدي زوجك عن أهلو لانه انت اللي بتخسري الحرب وبتخليه يلزق فيهم اكتر اكسري غلى انفك بصلة:25:واعملي حالك مش فارقة معك بالعكس انتي ذكرية بالروحة عندهم وفي برهم الله بباركلكم حياتكم وبتكسبي رضا ابو الشباب:arb: و اطلبي رضا الله اولا واخيرا
7
اذا حماتك بتيجي وبتنام عندكم احسني استقبالها لانه بيت ابنها بس ما تسمحيلأحد يخرب نظام بيتك وحياة أولادك يعني كوني حازمة مش معها لانه عالفاضي كتير مرات بس مع زوجك بطريقة هادية ومن دون ماتجيبي سيتها او اهلو احكيلو عن نظام البيت كيف ماشي كيف نوم الاولاد وامدحي بالنظام وفهمي انك اكيد تعبتي لعملتي وطبقتيه:cool: وفهميه بالتي هي احسن انو النظام لازم يمشي ومش لازم يخرب:22: ابالاخر بيقتنع وهو بيحكي لامو واكيد رح تتقبل منو اكتر لان هو ابنها وانتي اول فكرة رح تيجي على بالها انك ما بدك ياها تيجي عندكم
8
اذا في شغلة داااااااااااااااااايما اهل زوجك بيعملوها معك وانتي عارفة انو رح يعملوها اليوم مثلا معك دايما بيعلقو على اكلك او ما بيحكولك يسلمو على العزومة او او الامثلة كتيرة اعملي حالك قدام جوزك بتدعي بينك وبين حالك ولما يسألك شو بتدعي ادلعي شوي بعدين احكيلو بدعي يعجبهم الاكل او يا رب يجبرا بخاطري ويقولولي يسلمو او هيك كوني شاطرة لانه في ناس مش سهلة وهاي النصائح مش للكل بدي ابري ذمتي من اللي بتفهمني غلط بس لما يكون دار الحما بغارو منك او بيحكو عنك حكي مش حلو عنك لجوزك يعني الوحدة منا لازم دبر راسها:41:
المهم
واحسن اشي انك اذا ما بياذوكي ما تاذيهم وطلعيهم من راسك وما تفكري كتير لانو التفكير السلبي بالذات بوجع القلب والروح والجسد لذلك الايجابية ثم الايجابية بكل افرع حياتك منشان تكوني مشرقة وسعيدة
اللي قرأت الموضوع تدعي الله يبعد ايدين اليهود عن الاقصى ويرجعلنا كل شبر راح من فلسطين
امين يا رب
