قصة ولادتي في دلة بالتفصيل

مرحبا جبايبي

واخير وبعد ما خذت من العاشر اسبوع وشوي ولدت بالسلامة والقصة بدت يوم الخميس

الموافق 9-2 كنت طفشانه انتظر اولد وتعبت من الثقل بعد ما جتني طلوق يوم الاحد ثم اختفت

وكان الرحم فاتح2سم لمدة اسبوع بدون فايدة مافيه بوادر ولادة قررت اروح الدكتورة تسوي لي

تحريض وفعلا رحت قبل المغرب وسويته وقالت لي ان شاءالله بكرة تولدين لكني مااهتميت لكلامها

ورحت تروشت ورحت لحمولتي وانا عندهم بديت باوجاع خفيفة وبعد ما طلعت من عندهم شدت لحد ماعاد اقدر اركب السيارة وطيران على دلة وجابو لي كرسي وعلى الكشف وقالت 6سم ولادة ويلبسوني لبس
الولادة ويعكوني الابرة الشرجية لاني ما قدرت اروح لحمام الله يكرمكم وكانت معي ممرضة تتابعني
ونفسها حلوة بس كان طلقي حار يعني ولادتي ببكري اهون بكثير لان طلقي كان بارد مع انهم كلهم اولاد
يعني ماله علاقة بنت او ولد في الطلق
المهم بديت الولادة اربع ومع اخر دفعة وعلى يدين اخت اعتقد انها سعودية لانها متنقبة ولهجتهاسعودية
بس ما ادري هي دكتورة والا وش شغلتها هي جت وقت طلعت الراس طلعته وقصت الحبل السري
وطلعت المشيمة وتحمدت لي بالسلامة وراحت وبعدها جت الدكتورة زينة عراقية وخيطتني ونفسها
حليوة اصلا العراقيات جافات شوي بس خياطاتها الي الان حلوة والله يتمم عليها
وبعدها جلست معي الممرضة بعد مانظفتني وانتظرت لحد ما تبولت الله يكرمكم ثم ودوني الغرفه
وجابولي الفطور والجرايد لزوجي وخدمتهم حلوة والنظافة عندهم لا يعلى عليها وكلفتنا
6000جلست ليلتين والحمدلله على السلامة والعافية