محتاجه مساعدتكم رزقكم المولى بالذريه الصالحه

السلام عليكم ورحمة الله وبركاته
حياكم الله اخواتي
انا اختكم صمتي حكمة جديدة بالمشاركات لكن متابعه لكم من زماان
اولا ربي يرزق كل محرومه الذريه الصالحه التقيه المعافاه ويقر اعينكم فيهم ياكريم
ومامن تاخير الا لحكمة عنده سبحانه لكن الواحد مايصبر

ثانيا اخواتي انا بحاجه لنصايحكم بحكي لكم وش ساير لي وابي منكم النصيحه الله يجزاكم بالجنه
انا متزوجه من 6 شهور
وقبل شهر جاتني التهابات وقرحه وعالجتها الحمدلله وكويت القرحه وحللت لي الدكتورة هرموني وطلع عندي ارتفاع في هرمون الحليب مره كان مرتفع وكمان الغدة واصل هرمونها 80 الله المستعان
واخذت علاج هرمون الحليب وخلصت شهر دوكتنس نص حبه مرتين بالاسبوع
وخلصته الحمدلله وسار طبيعي ماشاالله
سوالي الحين هل استمر ع حبوب الهرمون الدكتورة قالت لي واصل عندي 4
وبعدها تقفل الخط وانا اكلمها وادق محد يرد وابغى اعرف هل اكمل او لا لانها قالت لي خلصي الي عندك بس احسها قالتها مستعجله ولما بااخذ منها بالتفصيل انقطع الخط
ثاني استفسار اعطتني حبوب نولفادكس حقت التنشيط وانا الحمدلله سويت سونار الشهر الي راح حجم البويضه في اليوم 11 كان 20 وقالت لي روووعه
فكيف تعطيني منشط مارتحت له مره وقالت خذيه من خامس يوم ف الدورة لليوم العاشر وبعدها بيومين تعالي فهل اخذه والا اطنشها احس بدري علي المنشط
وكمان بسالكم عن الغدة قالت لي علاجها لسه وماني عارفه هل في التاجيل خطورة
او اروح دكتورة غدد متخصصه ؟؟ وهل ارتفاع الهرمون يمنع الحمل ؟؟ والارتفاع يعتبر كسل ؟؟؟ لانها ماوضحت لي

واخر شي الدورة متاخرة علي 4 ايام والالامها خفيفه مو مثل كل مرة فقط صداع وظهري الالامه تروح وتجي هل تتوقعون ان العلاج لخبطها والا حمل يارب ترزقني وكل محرومه ياكريم

والله يسعدكم ويرزقكم من حيث لاتحتسبون ردو علي وارفعو الموضوع لو بدعوة طيبه
ولك بمثل

واسفه علئ الاطاله