شربت هالوصفة الساعه 3 ماجات الساعه 6 الا وانا وااالدة ولله الحمد والمنة

السلام عليكم
ولله الحمد ولدت قبل خمس ايام بعد معاناااه مع الطلق البارد لاكثر من اسبوع
والفضل يرجع لله اولاً ثم لوصفة عطار لاحدى الاخوات الله يجزاهم الف خير
الوصفة هي :
جيبي ابريق صغير وضعي به ملعقة كبيرة يانسون واضيفي له كوب ماء ساخن وخليه يغلي عالنار دقيقة بس ياخذ غلوة .
وجيبي كوب وحطي فيه تمر قد ماتبغين انا حطيت ثلاث شلت النواة وهرستها بيدي وحطيتها بالكوب وصبي عليها اليانسون وحركي بالشوكة مع هرس التمر وسمي واشربي وجيبي شوكة وكلي التمر اللي بقاع الكاس
وظروووووووري ماتشربين الا والطلق قد بدا معك اللهم بلغت اللهم فاشهد
انا الطلق بدا من الصبح بس خفييييييف جداً وشربت الوصفه الساعه 3 العصر وقلت بنام لان الطلق شوي محتمل ولا يستدعي اني اروح المستشفى
لاكن هيهاااات :icon8:بدا الطلق يحمى ولا عاد قدرت اصبر وصلت المستشفى الساعه 4 وكان الرحم مفتوح 3 سانتي وع غرفة الولادة ع طول وبعد ساعه صار 6 سانتي ماشاء الله لا قوة الا بالله
وبعد ربع ساعه او اقل صار 8 صانتي وولدت الساعه 6 ولله الحمد والمنة :2thmup:
انا جداً تعبانه ومافيه اكتب بس حسيت في البنات اللي في مثل وضعي كنت يومياً مسنترة عالقسم عشان اشوف قصص وتجارب فقلت اكتب لكم الوصفه لعلها تفيد وحدة فيكم بعد الله واذا تقويت وتحسنت حالتي بكتب لكم قصة ولادتي بالتفصييييل.
دعواتكم
ارجع وانبه الوصفه تشرب اثناء الطلق وليس قبل
وكمان كنت اخلط سبع تمرات مع كوب ماء دافي مايل للحرارة قبل الولادة بثلاث ايام كوب الصبح وكوب الليل وكان جداااا مفيد