زيك محتارة
بين الشامواه والجينز

شوفي ياقلبي انا ليا دحين من سكنت البيت 3 شهور تقريبا
والبويات مخليتها درجات الودري والبيج بس اللي شطحت فيه غرفة الرجال فستقي والمطبخ منجاوي
والمدخل عودي وغرفة ولدي ازرق وماشاء الله احس كل مااخش بيتي تبارك الرحمن باحساس الدفء الورديات مع العودي يعطي احساس غريب
مو زي بيتي الاولاني كلللللللللللله كان اوف وايت يجيب الكابه والملل
فلا تخلي بيتك لون واحد علشان ماتتمللي بس لاتشطحي في الالوان كتير خليكي على الوان متقاربه والبارده اللي تحسسك بوسع المكان
وصدقيني اللون الواحد احسه خيار سئ للبيت كله بما انه جربت البيت الاولاني والبيت هذا الله يعمرلنا هو بالطاعات يارب

ونسيت اضافه بسيطه
ابعععععدي عن البويات (الشمواه الورود الجينز خيال .....الخ )
حلوه في البدايه بس بعد كده خلاص تممملي منها
وخليكي على الساده ليكي وللزمن وتقدري تخلي عفشك مع الساده مودرن وتقدري تخليه كلاسيك لكن البويات المطبعه لحالها تزحملك الغرفه وماتقدري تلعبي بالاثاث كتير بغض النظر على اللون لانه كتر التطبيع في الجدر يسبب تزاحم في الغرفه حتى لو حاطه عفش قليل

يعطيكم العافيه ..نشووف اراء البااقيين الله يسهل علينا ونختارر الافضل

ياليت يفيدونا نفس المشكلة محتاره بالبويات