كيف أحول زوجي لصرافه وسواق ؟؟

السلام عليكم

بنات حبيت نتناقش في موضوع اعتقد مهم
بالنسبه لنا كلنا لان تقريباً مافيه وحده ماأنكوت
بنار الخيانة بأختلاف أنواعها

أنا مثلاً
اكتشفت ان زوجي في احد سفراته
رايح لمرقص وشرب خمر
والله العالم وش صار غير كذا وماأكتشفته

النقطة اللي حابه نتناقش فيها
هي لما تقررين ان زوجك يكون بالنسبه لك
مجرد صرافه وسواق

كيف تقدرين ؟؟
كيف تتعايشين مع هالوضع وانتي وهو زوجين
عايشين في نفس البيت

انا خلال مشكلتي تواصلت مع مستشاره
تدرون وش قالت لي

قالت بما أن ماعندك دليل يثبت انه فيه زنا
فلا تطلبين الطلاق علشان عيالك

بس بشرط تغيرين نظرتك ومفهومك عن الزواج
اعتبري الزواج مجرد مشروع لازم تكسبين منه
وخلي تفكيرك اول شي نفسك وأولادك بعدين زوجك

زواج الحب والرومانسية ألغيه من حياتك
خليك أنانية وطالبي بحقوقك كامله
ولاتخلصين في العطاء والتضحيه
واعتبري زوجك مجرد صرافه
وشخص يقضي مشاويرك واحتياجاتك

وقومي بواجباته بأعتدال دون ضغط
على نفسك وراحتك



انا حاولت اطبق كلامها
لكن فشلت
صح صرت انظر للأمور بشكل مختلف
وقللت من التضحيات اللي مالها لازم

بس ماقدرت ألغي زوجي من حياتي
ماقدرت اعيش بسعاده وتسامح مع نفسي


احياناً
افكر مع نفسي اقول خليه يسافر بسلامته
ويروح مراقص ويسوي المنكرات
هو اللي راح يتحاسب لحاله

وانا اطنش واعيش حياتي وادلع نفسي
واطلب اللي في خاطري انا وعيالي

بس ماقدرت انفذ هالشيء
مجرد التفكير فيها يرهق اعصابي



انتي وش رايك
؟؟