!!zozo!!

!!zozo!! @zozo_4

محررة ماسية

ياحوامل وياأهل الخبره اقروا موضوعي كامل وتحملوني وردوا علي,الله يبلغكم مناكم.

الحمل والإنجاب

السلام عليكم ورحمة الله وبركاته
جمعه مباركه يابنات وربنا يتقبل فيها دعائنا انه سميع مجيب,,, في بنات قروا موضوعي السابق وانا نسخته عشان اللي ماقروه,,
من 3شهور وانا استخدم خلطة دمعة سفر وماشاء الله نزلت بلا وي مني لدرجة ان الانبوب اللي كان مسدود من مده بسبب التهابات صابتني وحتى بالمنظار ماقدرت الدكاتره تسوي لي شي بقدرة الله وبفضله ثم بسبب هالخلطه تفاجأت في اخر دوره في الايام الاخيره لها بنزول وصله طولها تقريبا 6الى8سم وهي شكلها مثل الاوصال اللي تنزل من الرحم لكن هادي مره طويله واخدتها للدكتوره في كيس واستغربت مره يوم شافتها تقول لو قلتي لي انه الدكتور شق الانبوب وطلع منها هاللوصله كان اقتنعت لكن تطلع بخلطه مستحيل وحاولت اقنعها مو راضيه تقتنع (بطقاق)المهم انا متأكده من نفسي اني ماسويت شي غير هاللخلطه لكني كمان كنت مواظبه جدا على الرقيه الشرعيه وقرأة ايات معينه وتكرارها والنفث على انابيبي ورحمي وهي اللي خلتني استفيد اكثر من الخلطه ,المهم خلال 3شهور زوجي بعيد عني بسبب شغله,ويوم جا كنت بالضبط في ايام الاباضه وكانت ماشاء الله لاقوة الا بالله ممتازه لأني حسيت بالم في المبايض الاثنين وكمان كثرة الافرازات ونزل مني مشحة دم قلت يارب لك الحمد,صار الجماع بشكل يومي ولحمدلله المهم في اليوم 16من الدوره استخدمت دفستون لمدة 5ايام كل يوم حبتين صباح ومساء ويوم انتهت انتظرت الدوره الين 10ايام ماجات لكن بدأت الامها بس مو في ظهري كالعاده لا هالمره بس ماسكه رجولي ورحمي يعني اكون نايمه واقوم من قوة الالم في الرحم مو مغص لا اكون متأكده اني ادا وقفت بتصب على جسمي وركض على التواليت الله يكرم القارين ومافي شي وفي هالايام عندنا زواجات وخرجات كثير وبدلت مجهود كبير بس زود الم الدوره وشوي في ظهري وقلت خلاص بتنزل لكن نزلت افرازات بنيه كثيره قلت بداية الدوره لكن مافي شي 3ايام بس افرازات بنيه وبعدين مشحة دم وبصراحه ماقدرت اروح اسوي تحليل دم وكمان عندي تحليل منزلي بس خفت انه مايبان مع الدم وماحقدر افضى الا بعد 3ايام رحت اشتريت دفستون مره ثانيه واستخدمته من نفسي وقلت حتى لو دوره ووقفت بتنزل طبيعي بعدين بس خفت يكون حمل وينزل ,مع اني الدوره تنزل علي بوفتها حتى وانا استخدم الدفستون وقبل ما اوقفه او تتاخر بالكثير 4الى5ايام انشاء الله بكره بروح المستشفى وبسوي تحليل حمل بالدم وان شاء الله برحمته وبقدرته يكون حمل بس ادعوا لي الله يخليكم يابنات انه يكون حمل ويثبت ويتم على خير لأني اجهضت قبل فتره بدون سبب ...
يمكن اكون غلط لأني اخدت الدفستون من نفسي ووقفت الدوره ادا ماكان في حمل بس اساسا انا ناويه ابدأعلاج جديد عشان الحمل يعني حتى لو تلخبطت الدوره مو فارقه معي ,الحين مو تاعبني الا الم رجولي من عند الفخد الين تحت وشوي الم او مغص بس اقل من ثواني ويروح واحساس بنزول الدوره كل شوي ,طولت عليكم معليه تحملوني وقولوا لي اش رايكم؟؟؟؟؟
****************************** ****************************** ****************************** ****************************** ****************************** ************************
ويوم رحت للدكتوره وقلت لها اللي صار فحصتني فحص نسائي بيدها مو بالألتراساوند وبس قالت بكتب لك علاج وتعالي بعد 5ايام نسوي الترا ساوند وماطلبت تحليل حمل ويوم شفت العلاج طلع كلوميد وفيتامينات أنا انصدمت مره كيف اخد كلوميد بدون ما تتأكد ان كان في حمل أو لا وحتى الدوره مانزلت بس الأفرازات المهم وانا راجعه في الطريق جتني مغصتين ورا بعض اسفل بطني كنت بصرخ من الألم في الشارع ويوم وصلت البيت لقيت دم خفيف مثل المشحه بس نازل مع الافرازات البنيه ووقف وباقي الحين بس الأفرازات البنيه مره خفيفه وبنتظر ال5ايام وبسوي الألترا ساوند لكن بدون ماخد الكلوميد وان شاء الله بالألترا ساوند يبان ادا في حمل أو لا ,,,

انتوا اش رايكم يابنات يبين الحمل بعد 5ايام لآنه ادا بحول الله في حمل بيكون 5أسابيع من أول يوم من الدوره الشهريه؟؟؟؟؟
17
2K

يلزم عليك تسجيل الدخول أولًا لكتابة تعليق.

تسجيل دخول

لمسات المدينه
كااان بودى افيدك اختى بس ماااعندى اى خبره
وانشاء الله يااارب تطلعى حاااامل
مسلمة ومسالمة
بالنسبة لي حبيبتي يدوب الدورة اتاخرت يوم عملت تحليل منزلي وطلع خط واضح وخط خفيف بعدها بيوم عملت تحليل دم وطلعت حامل عقبالك حبيبتي وانصحك حبيبتي تعملي تحليل دم وربنا يرزقك باللي تتمنيه يارب ويرزق كل محرومة امين يارب العالمين
راس المعزّة
راس المعزّة
وليش ما تعملين تحليل في البيت؟؟ حتى أرخص الأنواع يبان فيه الحمل.. ولا اتظلين على أعصابج وعلى كلام دكتورة ,,

وان شاء الله اتكونين حامل..
البسمة المضيئة
المفروض انك تسوين تحليل حمل حتى لو في البيت واحس ان الدكتورة ما عندها سالفة لأنها

المفروض تسوي تحليل حمل تتأكد أول ويااااااااااااااااااارب تكونين حامل..........
!!zozo!!
!!zozo!!
جزاكم الله خير كلكم الي رديتوا علي بس الظاهر اني مو حامل فعلا لأن الدوره بدأت تنزل اللحين والحمدلله على كل حال وربي يعوضني الشهر الجاي يارب وتكون آخر دوره بسبب الحمل السليم التام وكل منتظره رحمة ربها ,,