بنات تنبيه قبل ماأبدأ انا اسمي في كل المنتديات هو عجيد الريم ...
فالموضوع من جهدي الخاص لو سمحتوا :)
بسم الله نبدأ
حياااااااااااااكم ويايه في الدرس الثاني ...
اليوم بنسوي أكله ..من تأليفي واخراجي ..
كنت اطبخ وزادت صدور الدياي عندي فقلت بشوف يمكن اسوي سندويجات ..
يوم فتحت دفتري العجيب قريت كذا طبخه لصدور الدياي ..فقلت بألف شوي من عندي وبزيد بشوف كيف بتطلع الأكله والحمدالله حبوها عندي في البيت ..
فمن الحين اقولكم لاتترددون سووها وقولوا عجود قالت ...
اسم الاكله اليوم
" صدور الدجاج مع الطحينيه "
من الحين اقولكم الطبخه تعتمد على الثوووووووووووووم ...
انا بحط المقادير لصحنين بايركس يعني الكميه وايد كبيره ..
انتوا اذا بتسوونها في صحن بايركس واحد حطوا نص الكميه ..مب تخبصون وتفوح ريحة الثوم خخخخخخخخخخخخ
اول شي نبدأ بالمقادير ...
* بصلتين كبار _ مفرومات .
* 5 فصوص ثوم ...
*فنجان شاي بازيلاء ..
* ملعقه كبيره صويا صوص .. ( او حسب الرغبه )
*كزبره
*حبتين طماطم _ مفروم .
*صحنين صدور دجاج...
*ملح
*بهارات
* زيت زيتون
*زيت للطبخ
*شوووووووووية فلفل اسود
+عصير ليمونه وحده
وهذي صوره عامه للمقادير ...
ألحينه نوصل للطريقه ...
بسم الله ...
اول شي ...
اغسلي صدور الدجاج عددددددددددل وعقبها هاتي 3 فصوص ثوم .. واهرسيها ..
عندي طريقه سهله لهرس الثوم بدال عوار القلب:09: ...
هاتي فص الثوم وحطيه على كيس نظيف او على الطاوله بس المهم تكون نظيفه ..
وحطي السجينه عليها بهالطريقه
واضربي السجينه بكل قوتج:boom: ..مره او مرتين او 3 الين مايطلعلج الثوم بهالطريقه
المهم سوي 3 فصوص بس بهالطريقه ..
لأن هذا لتتبيلة الديايه بس ...
الحينه في جدر يكفي تحطين الدياي وفوقه الثوم المهروس + شووووووية ملح + شوية زيت زيتون + عصير الليمونه
وتخلينه في الجدر
مثل هالصوره
والحينه وانتي حاطه الدياي في الجدر ..
طلعيلج ديايه وحده من هالمجموعه الكبيره وقصصيها مربعات صغار ..
ويوم بتخلصين ردي الديايه في الجدر
وفي الأخير تكون صدور الدياي كلها بهالطريقه
الحينه ..
نوصل للمهم ..
هاتي جدر ثاني وغسليه>>>>>>>>>>استوت سالفه اففففففففف
المهم
وحطي فيه شوووووية زيت لاتكثرين مول ..
يعني ملعقه وحده من الزيت تكفي وتزيد بعد ...
المهم حطي عليه البصل المفروم ...
خلي الطماط والبصل الين ماتشوفين ان الطماط ذبل شوي ...
وحطي فوقه البازيلا...
الحينه نوصل للخطوات المهمه >>>>>>>>>>طالت السالفه فكي العرب من صدعتج خخخخخخخخخ
الحينه هاتي الدياي المقطع ... ومثل ماهو بالثوم اللي فيه والتتبيله حطيها على البصل والطماط والبازيلا ...
وحطي فوقهم بهارات مثل ماتحبين وشوية فلفل اسود وشوية صويا صوص وشوية ملح
الحينه جلبي الدياي وهو في الجدر الين ماتحسين ان البهارات كلها انخلطت ويالدياي ...
وخليها شوي بتلقين ماي الدياي في الجدر
لاتسوين شي بهالماي خليه الين ماتتشربه الديايه لأن النكهه كلها في الماي ...
هذا الوقت اللي تستوي فيه الديايه ..
هاتي طاسه وحطي فيها طحينيه كثر ماتبغين ..وزيت زيتون وحبتين ثوم (مدقوق)
وهاتي قلاص ماي .. اخلطي المقادير كلها الين ماتحسين ان الطحينيه صارت مثل ماتحبين ..
المهم الين ماتخلصين الطحينيه ..بتكون الديايه جاهزه ومتشربه الماي ...
هاتي صينية البايركس وافرشي فيها خبزتين يااما رقاق او خبز ايراني (طبقتين بس )
انا ارتكبت غلطه وحطيت خبزه وحده بس افففففففففف عمري ماسويت شي وماخربته
الحينه حطي فوقه الدياي والكزبره والطحينيه ..
وهاتي خبزه وحده وقطعيها بأيدج وغطي الدياي فيها ...
وهذي هي النتيجه النهائيه
جربوها وصدقوووووووني مابتندمون الطريقه مب صعبه بس لأني صورت الأكله بكل خطوه سويتها علشان جذه تشوفونها يمكن صعبه