نصيحه لكل بنت عن بشرتها ومشاكلها

السلام عليكم ...


اقراء كثير مواضيع عن اهمية تبيض المنطقة الحساسه والركب والاكواع وماخليتوا شيء ... حلو انج تهتمين بس الموضوع ترى مب مستاهل كل هذا الخوف ....

النصيحة : بنات الموضوع اذا ماعطتيه اهميه والله مش مهم ...


والخبر : انه الريال مايشوف ابداً تفاصيل جسم الحرمه الا لما هي تنبه ... وهذي انا لاحظتها بجسمي ...

اقولكم عن مشاكل جسمي يمكن تقتنعون ...

الرقبه سمراء واستخدم لها اسكنول وخف السمار نوعاً ما والحمدالله اللي عافني عن امراضها يوم يت على السمار عادي

الركب وسط ومب مهتمه نهائي الا بترطيبهم وبس

بين الافخاذ اللهم ياكافي اللون ايب العله لوحده واستعنت بالله في الموضوع وعشان اقضي عليه وانسي بو الشباب الموضوع ماستغني عن مسك العروس المخلوط بمسك روز نهائي وقطرة دهن عود
واصبهم على كريم دوف المرطب وامس جسمي كل مره ورييحتي الحمدالله دوم مسك
وبعد انا من النوع اللي مايحب الحلاوه خير شر فقط الموس والحمدالله الوضع مش مسبب لي احراج مع انه تطلع لي حبوب واثار وشعر تحت الجلد بس احاول اتعايش مع الموضوع عادددددي

الابط لونه متغير تقريباً واضح بس البودرة اللي استخدمها من عند اجمل اخلطها بالاساس السايب ووانثرها احسها تعطي هاله فاتحه والنتيجه اقدر البس كت وحملات


ردة فعل ابو الشباب ... مايشوف ابد هذي الاشياء لاني عمري ما نبهته ... ولا عمري كلمته عن الموضوع ولا استشرته اصلاً ... محد كامل في الدنيا

مع انه زوجي جميل مشالله وجسمه ابيض ....

بس قادرة اتغلب على المشكله ...

البس لانجري بس مب كل الانواع يعني اكتفي بنوعيات معينه عشان ماابين عيوب جسمي واحرص على الاشياء اللي تطلعني حلوه ... او تجملني في عينه مب تشيني ..


واتعطر وادخن واحاول اغطي بشيء على شيء يعني الله مارزقني البياض في هذه المناطق طيب عطاني عقل فاستخدم كريمات للتنعيم والتطرية ومساتغنى عن العطور الخاصة بالجسم والعطور الفرنسية ...


صدقووووني الريال ماينتبه لين انتي تنبهينه ممكن بلبس فاضح جداً يعني تلبسين لون يبين هذي المناطق سمرا او تكشفين منطقة بغرض الاغراء ينقلب عزاء ...

او تهملين نعومه جسمج وبشرتج وتخلينها خشنه او تنسين في مشاغل الحياة النظافة الكاملة من حلق الشعر اللين العطور ...

يابنات الريال ماينتبه الا لشيء واحد حقه الشرعي ...وكل مايتعلق فيه ...
مانكر انه في ريايل ينتبهون بس مش الكل ... وارجوكم ونصيحه لاتنبهين الريال ...

اذكر مره لي زميله كان عندها حبة خال في الابط مع انه باطها ابيض بس حبه الخال كانت عادي .. وكانت تدوم تتكلم جدام ريلها بانه متضايقه وانه هذا الشيء مزعج .. بعد فترة تم زوجها يردد نفس الكلام ... لو انها سكتت كان افضل لها بمليون مره


واشكركم مقدماً

ادعوا لي الله يسخر لي زوجي وعيالي ان شاء الله