**سؤال خاص بالمحلى**

السلام عليكم ورحمة الله وبركاته

عزيزتي ابذكر لك طريقتي في المحلى وهي سهله اولا هاتي تمر ثم شيلي منه النوى حسب الكميه اللي بتسوين

وبعدين هاتي خلاط الطماط وحطي فيه التمر مع شوي مويه الى ان يختلط ويطلع ثقيل وبعدين صبيه في قدر

وضعي عليه الطحين البر كمية الطحين تكون مناسبه لكمية الماء مع التمر انا لا استخدم القياس

ضعي الطحين وحركي الى ان يصبح القوام غليظ ثم ضعيه على النار مع الاستمرار في التحريك اذا كانت

الكميه قليله سوف يغلي بسرعه واذا كانت الكميه كبيره الله يعينك على التحريك النار لازم تكون هادئه

وبعد مايغلي اضع عليه حبه سوداء وفلفل مطحون وقطعه من السمن مع الاستمرار في التحريك حتى لايتكتل

اذا تكتل يمكنك خلطه بخلاط الكيك الى ان ينعم اذا كان خفيف اضيفي طحين بالتدريج بكميات قليله مع التحريك

اذا طلع فقاعات الان يمكنك ترك التحريك وتركه على النار الهادئه لمدة ساعه ونصف ثم يسكب في صحن التقديم

ويرش عليه فلفل اسود وسمن والطرق مختلفه لاكن هذي طريقتي وان شاء الله تنفع معك:cook:

الاخت السنافيه ماقصرت عطتك المفيد والطريقه الصحيحه والسهله
الله يعطيها العافيه
انا اتبع نفس طريقتها بس بدون حبه سوداء