غسالة سامسونج الاتوماتيك .. ارجو الدخول للأهميه

السلام عليكم ورحمة الله وبركاته

حيا الله من دخل

نورتوا المكان

ياهلا ومسهلا

تفضلوا تفضلوا

البيت بيتكم

<<<<<<<< دخلت جو احس انكم داخلين بيتي

والله ياليت يابنات تزورونا

طلعت عن المووووووووضوع

الزبده يا حبيبات قلبي

انا قبل 3 شهور جبت غساله اتوماتيك سامسونج حجم 5 كيلو

وربي بهذلت فيني والا لان ماشغلتها ولا مره ولا نفعتني

المره الاولى للتجربه كانت على نهايته الشتاء وبداية الصيف وحطيت للتجربه فروة ابو العيال
وتغسل وتكب المويه الوسخه وماشيه تمام ويوم جا وقت التنشيف (( وتدلي )) <<<<< مصطلح نجداوي على كيفك
المهم وتشيل وتحط هالغساله بوسط الحمام وربي قلنا انفجار بالبيت وترووووووووح فوق وترجد بالارض

المهم كنت اصلي الظهر وسمعت فوضى بالبيت وعند ولدي عمره 4 شهور صار يصيح بقوه من الخوف
ودخلت الحمام لقيت ابو العيال الله يحفظه راكب على الغساله يبي يهجدها لا تكسر البلاط بعد ماكسرت صفاية الحمام

واذا فصلنا الكهرباء توقف بس ماتفتح الباب عشان نطلع الي فيها لازم .. بنت هالحلال من الاخلاص تبي تكمل غسيلها

المهم ويجلس عليها ابو العيال الله يحفظه لين ماقضت (( منتفضه ))

وبعدها طلعنا الي فيها

قلنا يمكن عشان الفروه كبيره حطينا ملابس عاديه وسوت نفس الشي

والوكلاء جو ثلاث مرات وما سوو شي يقولوا اربطوها بالجدار قلت لا والله الحين تخلع الجدار معاها

....................................................................................

تكفون الي جربتها تقول لي وش سوت معاها

انا بالانتظار

ولاتنسوني من دعائكم لي بصلاح النية والذريه