كيف أقيس المقادير بالجرام؟

موجود بقسم الادوات المنزلية باي محل يبيعها
و هو مرقم بالغرام و الميلليليتر و نصف الكيلو و نصف الليتر

أنا حصلت كوب بس فيه مقياس السوائل الليتر والمليلتر فقط.

السلام عليكم ورحمة الله وبركاته

أختي قياس الجرام يكون بالميزان لأن كل مكون من مكونات الطعام (رز، طحين، سكر، ...الخ) يختلف وزنه(بالجرام) عن حجمه(بالكوب، بالمليلتر، باللتر) ... لذلك لا تستطيعين قياس الجرام بالكوب وإنما بالميزان ...

وميازين الطعام كثيرة ومتنوعة ... أفضلها وأدقها الرقمي (ديجيتال)

وأهم شيء انك تنتبهين للميزان إيش أقل مقدار يقدر يقيسه وأكبر مقدار... يعني دقة الميزان (مثلاً أنا عندي الميزان دقته2 جرام يعني يعطيني القياس مقرّب لأقرب 2 جرام ... يعني ممكن يعطيني الوزن 100 أو 102 أو 104 بس ما يعطي 101 ... وأكبر مقدار يحدد أكبر كمية ممكن توزنينها ... وغالباً تكون بين 2-5 كيلو (يعني 2000 - 5000 جرام)...

وترى القياس بالوزن أحسن وأدق خاصة في الحلويات (الكيك والبسكويت... الخ)

شكرا بارقة خير بس من وين أحصله يعني في أي نوع من المحلات؟ وإللي تعرف من الإمارات وخاصه في دبي من وين يشترونه تقوللي بلييز.

أتوقع أختي في المحلات اللي تبيع الأدوات المنزلية وأدوات المطبخ ... مرة شريت واحد من إيكيا في السعودية ستانلس ستيل شكله دائري وايد حلو وبعد رقمي (بالبطارية) قيمته على ما أذكر بس 30 ريال ... بس ما أدري إذا للحين متوفر ولا لا

صورته موجودة في هذا الموقع:
http://murasakisumire.web.infoseek.co.jp/kitchen-digitalscale2.htm


بعد أتوقع ممكن تلقينها في السوبرماركتات الكبيرة مثل كارفور