قمبري مثلج؟

احمسي بصل وفلفل اخضر بارد وبهارات وبعدين اذا ذاب شوي حطي عليه الجمبري وشويه فطر وخليه 8 دقيق وبعدين طفي النار وحطي عليه جبن سايل ومايونيز وحشي فيه الساندويشات وبس

يعطييك العافية فياصل
والله يجزااااااااك خير


بإنتظار باقي الوصفااات

بصراحه انا اجييب قدر احط فيه ماء مغلي مع مستكه وهييل واخلييه يغلي شوي عشان تذوب المستكه
بعدين احط فيه الجمبري عشان تروح ريحة الزفره واطفي النار على طول
في قدر ثاني احمس بصل شرايح وبعديين احط ثوم كميه وفلفل اخظر مطحون واحمسهم شوي بعديين طماطه وحده شرايح وصلصه وبعديين اجتهدي بالبهارات عشان الريحه وحطي شرايح ليمون وخلي المكونات تتسبك جيدا بعديين حطي القمبري بعد تصفيته من الماء وقلبيه واتركييه قليلا اضيفي معاه نعناع مفروم وكزبره خظرا وفلفل رومي شرايح خليهم شوي وطفي النار وبالعافيه مع الخبز او الرز

سوي شوربة شوفان عادية زي اللي برمضان الله يعيده علينا بالخير بس بدل اللحم أو الدجاج حطي الربيان ويفضل يكون مع الربيان مرق لحم أو دجاج عشان يطلع أطعم لأني مرة سويته بماء عادي بزعمي طعم الربيان يكفي طلع الله لايغير علينا النعمة ناقص طعم

أحمسي بصل شراييح وثوم مفروم
ولما يذبل البصل حطي فلفل رومي شرايح
والخضار اللي تبينها انا ماأحط خضار بس غيري يحط
وقلبيه وحطي بهارات اللي تبينها
بعدين حطي الروبيان واضيفي له ماء ساخن
بس مو كثير وحطي عليه شوية صلصة صويا
وخليه ليما يستوي وبالهناء والعافيه