مساعدتكم خواتي وبدعيلكم بهالشهر الفضيل

وعليكم السلام ورحمة الله وبركاته،،
أختي هذي طريقة أم عزيزان ،، وجربت الطريقة الأولى وطلعت حلووووه ، وطريه
بس أهم شي غطيها بعد ما تقليها عشان ما تنشف ،،
ومنقوووووول من الأرشيف ،،
إن شاء الله تستفيدين
::::وإليك الطريقه::::

لقيمات ام عزيزان بالصور
بعد عناء وبعد تجارب حبيت انقل لكم تجربتي مع القيمات

وسويتها مرتين وطلع لي طعمها شكلين

الطعم الاول يكون مقرمش من الداخل والخارج

والطعم الثاني مقرمش من الخارج وعجينه خفيفه وطعمها حلو من الداخل

والسر في البطاط

تعالو اقولكم المقادير

حطيت 2 كوب طحين ابيض
3 ملعقه نشا
2م حليب بودر
2 م كبيره زبادي
2 م زيت
بطاطه متوسطه مطبوخه بالماء ومهروسه جيدا
و م خميره
وماء دافي

ذوبي الخميره بالماء

اخلطي المواد الجافه وبعدين حطي الزبادي وبعدها الماي اضيفيه اشوي اشوي لما تتكون عندج عجينة القيمات وانا طلع معاي حوالي كاس ماء واقل من الربع ... وخليتها لما تخمر ... بعدين لما جيت ابي اصبها حطيت البطاط ... وصبيت العجينه وقليتها

هذى الطريقه تطلع مقرمشه من الداخل والخارج يعني مافيها عجين من الداخل

الطريقه الثانيه والي صورتها لكم اليوم

اني ما هرست البطاط بالأله

هرستها بايدي وخلطتها مع العجينه وبعدين صبيتها بالزيت

واذا تبين طريقة الصب او شكلها يكون مكور ومتساوي

اعملي هذى الطريقه التي اخذتها من ام خالد جزاها الله خير

خذى كمية من العجيين بيدك اليسار كانك تعصريها...............ثم بيدك الثانية تكون معك ملعقة صغيرة وجنبك فنجان زيت ........غمسى الملعقة بفنجان الزيت ثم اقطعى من العجيين التى فى يدك
وارميها بالمقلى

خليها اشوي لما ينزل منها الزيت وعلى ما تصبين الدفعه الثانيه حطي الدفعه الاولى بالشيره
وهكذا لما تخلصين المقدار

والمقدار هذا راح يصير دفعتين:)