بصراحه انا ما عجبني فكرة البرنامج ماأدري احس انها تعمق افكار قشريه بعقول بناتنا يعني صيري حلوة ورشيقه عشان الناس تحبك و فكرة العمليات التجميليه عن نفسي الواحد ما يسويها الا اذا كان عنده مشكله مثلا صارله حادث او تشويه خلقي لكن اسويها عشان اصير جميله ؟؟افكار غريبه كل يوم قاعدين يزرعونها بعقول اطفالنا الله يحميهم
يحفظهم:26:
:27: وجهة نظري:26: :26:

والله هالثنتين شكلهم كان عادي بس معقدات ميتة من البكي وحالتها حالة من كلامهاهم تحسين سخيفات يعني ما كانت تقدر تضعف من نفسها او تحط ميك اب او تهتم بشعرها ، الحبيبة كاشتة بعمرها وقاعدة تشتكي انها مو حلوة

حتى زوج الثانية بدل ما تكون زوجته حلوة بعينه الحبيب لايعة جبده منها قال ايه جمالها متوسط شكثر ضحكت على جملته

يا ان الجمال يكون طبيعي يا بلاش

يعني اذا وحدة خشمها شكله جدا غلط ومع التعديل شكلها يصير احسن ممكن عملية تجميل ، او الاسنان مو مرتبة ممكن ، يعني بكل بساطة التعديل البسيط يسوي بلاوي

شوفوا ويه نانسي عجرم استغفر الله كله عمليات وذابحين الرياييل عمرهم على هالاشكال

والله عندنا بنات مو حلوين بس كلهم قناعة بشكلهم

ومو ضروري الوحدة تكون حلوة ممكن تكون جذابة من خلال اهتمامها بشكلها

واذا على الجسم عندنا الرجيم والرياضة والكريمات

المشكله انه بناتنا المراهقااااات جالسين يطالعون البرنامج هذا ... وهذي مصيبه لما البنت المراهقه تعتقد انها اذا كانت مو حلوه محد راح يحبها ومالها الا عمليات التجميل ...

والبرنامج اساسا كله دعايه في دعايه .. كل ما يجيبون طبيب يرصون لك تحت اسمه وعنوانه ...
لا ومن زين الشغل .. اللي اختاروها ما تعرف تسكر شفايفها على بعض من كثر ما شدو خشمها استغفر الله

انا اصلا اكره قناة ام بي سي 2 هذي من قبل واحس انها سخيفه وتافهه وحتى الافلام اللي يجيبونها تزرع افكار غربيه مسمومه في عقول بناتنا وشبابنا

والله شفت البرنامج انا وريلي وبصراحه تغيير جذري في الجسم والووجه يا سبحان الله وكنت متوقعه اتفووووز الاولى عشان اضعف ههههههههههه اللي ضحكني انه زوج الثانيه لما شافها بكى من التغيير اللي صار مو مصدق هذي زوجته هههههههههه :17:

هم من جد تغيرو للاحسن وفرق شاسع بس مو لدرجه يترشحو ملكات جمال .. بس حلو البرنامج لمده ثلاث شهور محبوسين ورياضه ونظام لو حنا نستمر زيهم لمده ثلاث شهور رياضه تطلع اجسامنا احلى وبدون عمليات وخرابيط بس الكسل