آآاآه من زوجي واصحابه وحريمهم

صباح/مساء الخيرات والليرات
ابغ ادخل طوالي في الموضوع
لاني مقهوره من امس ودوبي انقهرت بزياده
زوجي واصحابه عددهم 6 أشخاص
فانا من اول متزوجت اتفقت مع زوجي ماليا دخل بحريم اصحابه لا اجتمع معاهم ولا اسافر ولا شي بالنسبالي مهم موجودين فقلي زوجي براحتك بس انا ماراح اقاطعهم قلتله انت وياهم ان شاء الله تروحو نار جهنم مايهمني
طبعاً انا رفضت قبل مااشوفهم عشان ارتاح من قلق الحريم زوجك سوى وزوجي قال ليا عن زوجك
للمعلوميه حتى هما مايتزاورو
ومن شعبان واحد منهم اخترح اختراح زي وجهه ليه مانجتمع كل اخر ربوع من الشهر احنا وحريمنا وعيالنا😡😡😡😡
اصحابه ع طول قالو موافقين زوجي قلهم اشاور زوجتي وارد عليكم ،،هنا عصبو عليه وقلوله غصبن عنهم مو بكيفهم ،والوقت من بعد المغرب لاذان العشا يعني مو وقت طويل عشان يرفضو وبعدها راح تجي مدارس ودوام ووروو يتعودو من دحين ع الوقت
المهم مااطول عليكم فصارت
انا رفضت رفض قاطع وقلت لزوجي ماراح ادخل معاهم ،فقلي زوجي براحتك انا امكن ادخل وامكن لا
قلت له لما يكون الدور عليك الله يحيهم رجال فقط بدون حريم قلي اكيد
اول شهر كان في شعبان فقط جلسو من بعد المغرب لحدت اذان العشا وبدون عشا
طبعاً انا مارحت زوجي في البدايه ماراح مع كثر الاتصالات راح وبعد صلاة العشا
اتفاجا بقروب اسمه قروب حريم المدرسين
انا ع طول خرجت من القروب ،الا مشرفه القروب ترسلي ع الخاص بدون سلام ولا كلام ليه خرجتي مو كفايه اليوم ماجيتي
استعبط عليها قلت مين انت قالتلي انا ام فلان،قلتلها معليش معرفتك قالتلي انا زوجت فلان قلتلها ع طول من فين جبتي الرقم قالت اخدته من زوجك،قلت اها طيب ايش تبغي قالتلي دحين برجعك في القروب ولا تخرجي مارديت عليها اساسا من قبل ماارد وهيا ضافتني ع طول
انا انقهرت من حركتها وماكلمتهم في القروب
في رمضان قالو مافي الرجال
الحريم اصرو الا فيه وسارت فطور ،،زوجي ماراح اعتذر
في شوال حضرت الحريم ماعجبتهم وقت الزياره لانهم مايقدرو يهايطو(كلام زوجي هههه)فقالو لا من بعد العشا لحدت عشره طبعاً لازم عشا،طبعا زوجي برضو ماراح
القعده والحج نفس الشي ماراح زوجي،وانا ماكلمهم نهائيا في القروب
اتفاجا امس القروب مشعلل رسائل دخلت اقرا الا لقيتهم يقولولي الربوع ترى عندك ياام تميم😱😱😱😱😱
مارديت عليها
قلت لزوجي اصحابك وحريمهم بيزورونا قلي مستحيل ويدخل ع الواتس الا كاتب صاحب الفكره ياابو تميم الربوع الوعد
زوجي قله الله يحيك انتوالشباب(يعني افهمو بدون حريم)
رد واحد لاياقلبي حريمنا معانا
زوجي مارد عليهم
المهم نرجع للقروبي الاقيهم جالسين يهرجو ايش احط تقديمات طبعاً كل وحده ايش تحب وبناتهم ايش يبغو(هدا وانا ماعمري شفتهم ولا كلمتهم طيحو الميانه )طبعاً مارديت
لحدت وحده كتبت اعرف وحده تسوي عشا مره حلو هذا رقمها كلميها واحجزي بس قوليلها انا ام تميم،ولاتختاري الاطباق انا اخترته😠😠😠
رديت عليهم وقلت زي متفقو الرجال في البدايه الله بحيكم من بعد المغرب لا اذان العشا
قالت وحده هههههه من زمان غيرنا الموعد يا ت....
قلتلها لاماني تعبانه هدا موعد الزياره تبغو تحضرو اهلاً وسهلاً بعد العشا انا مستقبل عندي مدارس
ردت وحده ثانيه قالت ياختي كلنا نغيب عيالنايوم الخميس
قلتلهم استناكم من اذان المغرب لحدت اذان العشا الخميس عندي طلاب وطالبات يداومو وعندهم اختبارات
ردت صاحبة فكره العشا قالت خلاص انا اجيب العشا ع حسابي
قلتلها مشكوره راح تريحيني من طبخ الخميس اعيد واكرر الزياره من بعد المغرب لحدت اذان العشا
وبعدها مادخلت الواتس.وبعدها ماتكلمو
بس عندي احساس سوو قروب ثاني عشان يحشو فيا خخهه
اخدت جوال زوجي من غير مايدري
لقيتهم كاتبين ياابو تميم ايشبها مرتك معصبه ع حريماً
رديت قلت حريمكم لبشات ماعندهم ذوق
الادميه تقولهم زي ماتفقو الرجال من بعد المغرب لاذان العشا
وهما رافضين كانوحرميكم محرومين من الاكل يقولو مايمدينا ناكل ،،اكلوهم ياجماعه
طبعاً وريت زوجي ايش كتبو وايش رديت عليهم جلس يضحك واللي ماخلى زوجي يعصب عليا
ردت فعل اصحابه صارو يقطعو في حريمهم
اوه نسيت العدد 5 اصحاب زوجي و5حريمهم وكل واحد عنده من5-9 اولاد
اعمارهم من22- شهور الله يحميهم يارب
باللهي عليكم هدولا فين ادخلهم بيتي ونسيت اقولكم عدد عئلتي7 ماشاء الله
ولازم الكل يحضر،،انا ماني عارفه ايش الهدف من الزياره المشكله مافي صلة رحم
امري لله راح استقبلهم
فكرت اجبلهم القهوة صحن جاهز بقلاوه ومع الشاي صحن معجنات للحريم وللرجال
ماشاء الله ايش يكفيهم مايقارب 40-50 عددهم
لانو اللي قهرني وحده راسله خلاص ياام تميم راح نجي بعد العشا واذا جاك النوم روحي نامي هذا بيتنا
ردت الثانيه ههههه والله تسويها
والباقي بس يضحكو
كنت برد عليهم الله يجزاك خير بس لاوصيكم نضفو الحمامات كويس قبل ماتخرجو بس ماكتتها طنشت
انا ماني عارفه ايش يحسو،يعني بالغصب اقابلهم واستقبلهم،دحين الوضع مشحووون كيف راح اقابلهم ومتاكده ماراح يخرجو الا بعد الساعه1 ص
ابغ افكاركم ارجووووكم