تعلمو من غلطتي

السلام عليكم يا بنات حواء وبالاخص الشرقاويات
هذا اول موضوع انزله بهالمنتدى الرائع من بعد المتابعة والاستفاده بصمت وسكوت
اسمعو قصتي وانتبهو....
احنا زرنا احد المحلات اللى يصلح كوشات علشان حفلة الملكة وحصلنا عليه من اعلان بالمبوبة
شفنا شغله وعقدنا معه وقلنا له المبلغ اللى معنا ما يكفي عربون
سالناه عن محلات عدله.. بطاقات وزفات وتصوير ثقة
قال اتفضلي رقم كذا وكذا وكذا وعلى بركه الله
ثاني يوم صليت استخارة وخرجت
رحت استديو وزرت واحد ثاني بس سبحان الله ما كنت مرتاحة
زرت اللى اعطاني رقمها
اتفاجأت فيها ان هذي عارفتها بس حسبتها سافرت خارج البلد على طول
شفت شغلها ما شاء الله مرة حلو وفاهمه السالفة والتفاصيل ومثل ما قالولي عنها بعدين
واتفقت معها على اللى ابغاه وكان مرة صدري مشروح
قلت لها ان شاء الله نحدد الموعد بالضبط واجي ادفعلك فلوسك
حددنا الموعد وزرت حق الكوشات ودفعت له وقلت بالمرة هذا فلوس التصوير وهو يوصل لها بدال لا اروح عندها
جا يوم الملكة واحنا ضايعييييين ومتلخبطييييين والزحمممة
دخل استديو
انتو اي استديو؟ الاستديو الفلاني
نعم؟ احنا ما طلبناكم
دقيت عليها .. يا فلانه وينك ومن هذولي؟
قالت اختى انتي ما حجزتي عندي
يا فلانه الا انا جيتك ام كذاا ورحت دفعت فلوس حق صاحب المحل
قالت لي: انتي اشترطي عليه اني انا اجيك؟ قلت لأ
قالت اختى انتي دفعتي له وهو له الاحقية انه يجيب لك اي استديو يختار اللى يبي كخدمه مو ملزوم باحد
لا حول ولا قوة الا بالله
طيب انا ما اعرف هذا الاستديو ولا اعرف وين بيروحون بالصور والمصورة مالها ذنب
قالت خلاص : خلهم يصورو لك واستلمي شريط الفيديو والافلام كامله قبل لا تخرج وبعدين جيبهم لي
يالله يعدي هالليلة على خير

غلطتي كانت اني ما رحت اتفقت معها ولا اتنبهت لهالنقطه
وصاحب المحل المفروض كان يجيب لي اللى اتفقت معها
وهي بارك الله فيها جاتني اخر الزواج وصورت اللى قدرت عليه ولا اخذت ولا ريال

ان شاء الله ما احد يكون غلط نفس غلطتي