كيف الحوائــيات الجميلات والمنظمات :kiss:
موضوعي الأول :26:
أدري تأخرت كثير كثير كثير بس اعمل ايه الدنيا مشاغل :a_smil08:
الحمدلله من نزلت الموضوع الأول وأنا بخير ومنظمة وماشية تمام ..
في بيتي ونفسي وولدي وكل شي حتى حالتي النفسية تغيرت وفيه شي كبيـــــــــــــــــــــــر تغير بس ما راح أقوله الحين بأخليه لآخر الموضوع (( اسمع بالحماس :icon31: ))
طيب ياحلوات ..
اذا انتي كسولة .. مهملة .. فوضوية .. ماتبين تتغيرين سكري الموضوع وروحي ارتاحي وعيشي ف القرف :rolleyes:
الصورة مخالفه عالم حواء
واذا انتي ناوية التغيير وعازمة عليه شغل دائم مو يومين ومشي الحال تعالي نتعلم حبة حبة ..
طيب ناخذ لنا كم نصيحة أكيد لما أبغى أنظف بيتي أحتاس من وين أبدأ وايش اسوي
ويضيع الوقت وانا لسه مو عارفه ايش اسوي واخليه لأجل غير مسمى
طيب قبل هذا كله قال الله عز وجل (( وَكَانَ الإِنسَانُ عَجُولاً ))
قبل كل شي سبحانه عز وجل وصف حالتنا وهذا جد احنا نبغى اي شي يصير بسرعه ويجينا بسهولة وبدون عقبات ..
بس حتى لوجانا بسهولة وبدون عقبات مراح نحس بطعم الانتصار لاننا ماتعبنا فيه :icon32:
اول شي اتركي الفزع والجزع والعجلة واركدي واقضبي ارضك :biggrin:
طيب لو ما استعجلت كيف أبدأ ؟؟ :huh:
انا اقول لك يا حلوة ..
أولاً : ماينفع نبدأ كل حاجة مرة وحدة وفي وقت واحد :eek:
لا نركز على حاجة وحدة ولما نخلصها ننتقل للثاني ..
ثانياً : دائما وابدا ابدأي بالسهل لأن الصعب بيضيع وقتك وبتفقدين طاقتك وحماسك ع الاستمرار ..
بس حاجة سهله وبعدها حاجة سهلة وبعدها حاجة سهلة خلصناها ويبقى لنا حاجة وحدة وخلاص ..
بس لما نبدأ بالعكس ونقول نخلص من الصعب عشان نرتاح غللللط . لأنه بياخذ طاقتك ووقتك وبيضيع الحماس مع الهواء ..
ثالثاً : كيف أبدأ ..
تعالي ياحلوة قررتي تدخلين غرفة !! هاتي معك ورقة وقلم وعطي نفسك 15 دقيقة فهالــ 15 دقيقة خططي لكل شي ..
- اخلي افكاري كلها تطلع ف التعديل والتغيير واكيد يمر افكار نتجاهلها بعذر قلة الوقت والكسل جمعي افكارك و دونيها مو شرط تطبيقنها اليوم بس دونيها ..
- ايش الي تحبينه في المكان ايش الي تحبه العائلة ؟؟ خلاص هذا الشي اهتمي فيه واحرصي انه يكون بهالغرفة وحاولي يكون دائما في احسن صورة لانه هو دائما محط الانظار ممكن تلفزيون ممكن اجهزة ممكن درج العاب وهكذا ولا تنسين التدوين ..
- نجي للعكس ايش الي دائما يضايقني بهالغرفة وابي اتخلص منه وايش استبدله فيه و دونيها ..
- فيه اضافات ابي اعدلها ع الغرفة ايش وليه وكم ميزانيتي عشان اشتري اغراض جديدة ..
خلاص هنا خلصنا 15 دقيقة وانا معاي خطة للتنظيف والاهتمام والتخلص والاضافات بدل ما اجلس اوقف ساعه مو عارفة ايش اسوي في 15 دقيقة سويت كل هذا
ونبدأ بالعمل ندخل كل غرفة ب 3 علب او 3 كراتين او 3 سلال اي شي بحجم كبير ..
ونخصص لكل وحدة وظيفة وحدة للرمي ونرمي كل شي ينحط فيها والثانية للصدقة والثالثة للاحتفاظ او التصليح ..
طيب فيه بنات يعانون كثير من مشكلة ما اعرف اتخلص من هالشي كيف !!
أسألي نفسك ايش استخدم هذا الشي فيه ؟؟ كيف تتغير حياتي بدونه ؟؟ ومن اجابتك بتعرفين ايش تبين فيه ..
فكرة انك تدخلين الغرفة وتخططين وتسألين كل حاجة ايش غرضها وايش الفايدة منها يفتح عقلك على شي اووووسسسسع وتصيرين بعدين بدون ما تحسين بادية توفرين وتقولين ليش اخذه ما منه فايدة تذكر مع انك قبل تاخذين الاكو والماكو :biggrin:
طيب بكذا قسمت كل حاجة الصدقة تذهب والرمي لا تفكرين تقعد اكثر من يوم بتقعدين ترجعين تخلصي بأسرع وقت ممكن ..
ممكن تاخذين نصايح من زوجك واراء وافكار وممكن تشاورينه او صحباتك او خواتك :2thmup:
وهنا ياحلوة نطلع السلال ونجي نلقى كل شي ف الغرفة ينتمي لها نبدأ بالتنظيف من الاعلى للاسفل
جدران ستائر مكيفات ابواب فوق الرفوف والتلفزيون والاثاث الكنب والكمودينات والتحف واخيرا كنس الارضية او غسلها وبكذا خلصنا ..
وعطي نفسك هدية .. أذكر كنت أشوف مسلسل خاص بالجراحين وكانوا اذا قربوا من حركة يخافون يفقدون فيها المريض ويموت يعني حركة خطيرة ويفكرون فيها اكثر من مرة قبل يعملونها ،، وعملوها ونجحت يكافئون انفسهم بشي اسمه 30 second dance party معناتها رقصة الثلاثين ثانية ..
مو عاد تروحين تشغلين لي موسيقى وتترقصين !! لا خذي لك دقة رقبة بسيطة وانتهى الموضوع :icon31:
انا صرت اكافئ نفسي عليها آخذ لي رقصة محترمة وأرجع اكمل شغل والله حلوة جربوها :a_smil08:
طيب شفتي كيف خلصنا من الغرفة وارتحنا خلاص نبدأ بغرفة المعيشة ثم غرفة النوم وبعدها ننتقل للغرف الباقية ..
وبكذا نكون عرفنا آلية تنظيف سهلة مراح تتعبنا ولا راح تاخذ وقت ..
ولي عودة بأجزاء ثانية بس قبلها هذي هدية لكل وحدة مرت موضوعي :)
قائمة مشتريات المنزل بالتفصيل الملل واتمنى اني ما اغفلت شي منها جاهزة للطباعة وممكن للتعديل ..
أحلل نقلها لأي مكان والإستفادة .. ولكن لا تنسوني من الدعوات ..
قائمة المشتريات
تذكرون الشي الي اقول لكم تغير كثير !! خلوه للموضوع الجاي :S_45:
سبحانك اللهم وبحمدك اشهد ان لا اله الا انت استغفرك واتوب اليك
