طريقتي في معرفة الحمل فحص ذاتي تعالووو يا بنات

السلام عليكم ورحمة الله وبركاته
بدخل في الموضوع على طول
شوفووو يا بنااات انا كثير قريت ف النت عن طرق اكتشاف الحمل وطبعا خلال ملاحظتي اكتشفت انها كلها خرط × خرط واللي ظبطت معاهم كانت مجرد صدف وطبعا الطريقة الوحيدة لمعرفة الحمل هي فحص الدم وفحص البول
بسسسسس يا بنات مره وانا اقرى شدت انتباهي معلومة اللي هي تقول ان في الحمل المبيض اللي تخرج منه البويضه يحصل فيه شوية انتفاخ !!
وانا قريت المعلومة من هنا ورركض على عمكم جوجل اتاكد اذا في تجربة تعتمد على هالمعلومة ، وفعلا لقيت وحدة قالت ان الدكتور مره قالها اذا بغيتي تعرفين نفسك حامل ولا لا إجلسي على طرف السرير بحيث تكون رجولك في الارض وتسدحين ظهرك على السرير طبعا هاذي الحركة تخلي بطنك مشدود وبعدين بايدك تتحسين بشويش على منطقة المبيض من الجهتين واذا حسيتي في انتفاخ في احدى الجهتين ف هذا ان شاءالله حمل اما اذا كانو متساوين ف غيرها بغيرها !
طبعا انا وقتها توني كنت عروس مالي شهر قلت خلني اجربها وفعلا جربتها وكانت الجهتين متساويات تماما ، الشهر اللي بعده كنت تعبانه كثير والدورة تاخرت وقلت فرصة اجربها وكانت النتيجة
فعلاااااا يا بنات كانت جهة المبيض اليمين فيه شوية انتفاخ بسيط ومو نفس الشهر اللي طاف ، وفي حملي الثاني جربتها ونفس الشي لاحظت انتفاخ وحللت بعدها وطلعت حامل وهالمره موعد دورتي باقي عليه 8 ايام بس حاسه اني حامل ولما جربتها فعلا طلع في حمل والحين راح انتظر واحلل واخبركم بالنتيجة .
ولي صديقة بعد كانت شاكه انها حامل وقلتلها تسوي الطريقة وفعلا قالت في انتفاخ وبعدين حللت وطلعت حامل .
الحين ابي منكم عشان نتاكد من صدق هالمعلومة كل وحدة توها عرفت انها حامل او شاكه انها حامل او حتى مو حامل تسوي الطريقة وتقولنا عن النتيجة .. أتمنى التفاعل من الجميع ويارب يفرح قلب كل مشتاقة ويبشرها بالحمل السليم المعافى .
وبالمقابل لا اسالكم سوى ان تذكروني بدعاء بين سطوركم و لكم بالمثل .. أحبكم في الله♡