- السلام عليكم ورحمه الله
- كيفكم يابنات
- الحمد لله على قضاء الله وقدره
- مرة علي ايام الله وحده اعلم بالحال
- السالفه يالغاليات اني ام لاربعة اطفال وماشي اموري تمام بكل حملي للاربعه
- وهالحين انا حامل بالخامس وفي نهايه الشهر الثامن ولكن من دخلت الشهر الثامن حسيت باحساس غريب الله لايوريكن احساس ماقدر اوصفه ما اخفي عليكم قبل الاحساس المخيف هذا كنت حضرت مناسبات وحفلات وكل من شافني قال يالله كاشخه وانتي داخله الثامن ووحده ثانيه قالت يالله عليك حامل وولدك صغير ووحده ثانيه تقول انتي ماتصبرين عن الحمل المهم يابنات رحت للبيت ونفسي مكتوووووم ودقات قلبي سريعه وخفت لايكون فيني مشكله بالقلب ورحت لاخصائي قلب وقالي ماعندك مشكله بس الغريب دقات قلبك سريعه مانعرف ايش سببها ورجعت للبيت وبعد يوم كرهت شي اسمه حمل وولاده وبس ابكي واصيح بالليل وبس امشي بالبيت ماجلس فيني شي ماينوصف والنوم يمكن ما انام الا بس 3 ساعات بالليل والنهار والاكل زفت وبس ابكي ومتضايقه صارلي اليوم شهر كامل
- وبس افكر بالولاده والالم تفكير مايفارق عيوني
- المهم البارح بالليل وانا عند اهلي تقريبا الساعه 3 بالليل اتصلت على زوجي وقمت ابكي قلت وديني لرياض ابسوي ابره ضهر ولا اموت من التفكير والهم
- احس ان الحل الانسب ابرة الضهر بعد الله
- انا من حايل ومادري كيف اروح لرياض ومادري كيف يعطوني الموعد اللي عندها فكره تفيدني يابنات
- ورجا رجاء رجاء خاص منكم لاحد يقول ليش خايفه وانتي مانتي بكريه بس والله يابنات شي فوق طاقتي ما اقدر اسيطر عليه شي ماهو بيدي
- جاني شي ماني عارفه ايش هو شعور غريب وخوف الله وحده اعلم
- ومن البارح بعد ماواافق زوجي كاني ارتحت شوي
- هاه يابنات ايش تجاربكم مع الابره و
- قولولي اي شي عن الابره
- وافضل مستشفى يسويها
- ولكم مني كل الشكر واسفه للاطاله
دانة الشاطي @dan_alshaty_1
عضوة فعالة
في نهايه الثامن .....ومعاناتي وتفكيري بابرة الضهر
25
1K
يلزم عليك تسجيل الدخول أولًا لكتابة تعليق.
نوراا ف
•
حسبي الله ونعم الوكيل على اللي مايذكرون الله
نصيحه اقري اذكارك وسوره البقره ماتاخذ منك ساعه وادعي الله بالخيره وانه ييسر لك
وان شاء الله يدلونك بنات الرياض على مستشفى زين
نصيحه اقري اذكارك وسوره البقره ماتاخذ منك ساعه وادعي الله بالخيره وانه ييسر لك
وان شاء الله يدلونك بنات الرياض على مستشفى زين
نوراا ف :
حسبي الله ونعم الوكيل على اللي مايذكرون الله نصيحه اقري اذكارك وسوره البقره ماتاخذ منك ساعه وادعي الله بالخيره وانه ييسر لك وان شاء الله يدلونك بنات الرياض على مستشفى زينحسبي الله ونعم الوكيل على اللي مايذكرون الله نصيحه اقري اذكارك وسوره البقره ماتاخذ منك ساعه...
ايه والله حسبي الله ونعم الوكيل على الله مايذكرون الله اذكااااااارك هي باذن الله اللى راح تخليك مرتاااحه وتفكك من عيونهم اعوذي بالله ياوووك من هذي الاشكال ماتعرف تقول ماشاء الله تبااااارك الله الله يتمم عليك بكل خير
الصفحة الأخيرة
بالنسبة لابرة الظهر ماعندي فكره