خااااااااص ببدويااااات الاماااااارااااات

هل قصدج القرص المفروك بالتمر.............

SIZE=3]انا بعطيك طريقتي .............
تاخذين نص كيلو من الطحين رقم 2
مع ذره ملح وماء للعجن تسوين عيينه متماسكه مب رخوه وقرصيها بشكل سميك 3سم تقريبا
وتكوني مشغله الفرن من فوق
فرشي قصديره على الصينيه ماله الفرن وحطي القرص وخليه ليما يسمر من فوق وبعدين جلبيه وحمريه بعد من الجهه الثانيه مب لازم تشغلين الفرن من تحت ؛عقب ماتشوفينه نضج وطلعتيه وهو دافي كسريه لكم قطعه ؛ ودقي في الهاون كل مره كسره او قطعه علشان الهاون ما يضم كل القرص وانتي تدقين حطي رشه كمون مع رشه هيل مع شوي زيت ذره ولازم الزيت مع الدق علشان ينعم معاج وكملي باقي الكسر او القطع بنفس الطريقه واخر شي حطي سمن وافركيه مع بعض وراعي ان السمن مب وايد بس نكهه:26: ارجو ان طريقتي تكون واضحه انا مستعده لاي توضيييييييييح وبالخدمه:17:

القرص بس ينأكل بالدهنه الخنينه يعني دهن البلاد مب دهن السوق ... ومع العسل .. وفيه ناس يحطون وياه شكر ...

نحن احيانا نفركه ويا تمر و سمن

هههههههههه حلوة بدويات الامارات

اذا تقصدين القرص العادي..اللي نسويه وقت المغرب ولا وقت العصر،،ولا مثل تطور الحين وقت سهرة الليل يوم نيلس في الخيمة في هالاجواء الحلوة انا بخبرج طريقتين..

طبعا المقادير الاساسية لا يمكن تتغير:ماي وطحين رقم 2 وانصج بطحين الجريش،،اللي يكون اخشن من طحين رقم 2،،وفي ناس يستخدمون طحين البر..وماي وملح..

اول طريقة تفردين القرص ولازم شوي يكون غليظ مب رقيق،،وتحطينه على الطوبي (اللي يسوون عليه خبز الرقاق وتغطينه) بيطلع احمر ويابس وياخذ فترة شوي..هذه طريقة اذا في المطبخ،،وعقب ما ينضج تحطينه في الطحانه ولا تدقينه..

الطريقة الثانية تكون على (النار)اليمر،،تييبين مشبك،،وتحطين عليه العجينة لما تحمر من تحت بعدين تقلبينها على الويه الثاني..وبعدين تدقينه ولا تفركينه بايدج لقطع صغيرة ولا تطحنينه اللي تشوفينه مناسب


وعندي طريقة ثالثة للمطبخ بعد،،تحطين زيت في المقلاة،،ولما يسخن الزيت تحطين القرص حتى يحمر وبعدين تطحنينه..


اما غير السمن والعسل،،فعندنا نحطه وي لبن البوش،ولا يصبون عليه لبن او روبه او حتى صالونه،،على حسب،،عن نفسي كل ليلة نحطه وي لبن البوش وقت المغرب