مـــســــاء الخـــير يالغاليات ...
والله وحشتوني مووووت :icon33:
وألف مبروووووك انتهاء الاختبارات وخاصة اللي مثل حالتي شايله هم المجموع :icon28:
عندي موضوع محيرني وابي اخذ ارائكم فيه واتمنى تفيدوني ..
انا طالبه في الثالث ثانوي ( علمي ) في المنطقه الشرقيه وبالتحديد في مدينة الدمام.
الحمد لله انتهت اختباراتي على خير وباقي النتيجه .. بس مثل ماتعرفون مشكله التخصص هي المشكله والكابوس لكل طالبه ثانويه اذا ما كانت محدده ميولها من قبل . ولكن ايش رايكم فيني كل سنه اختار تخصص والحين ضعت ما ادري ..
واللي بتقولي انتي انتظري على بال ماتخلصين الثانويه لها الف حلال انا اعارضها الراي ..
لانه اي شخص يبي يوصل لشئ لازم يكون فيه دافع قوي يصير كعامل تشجيع صح ولا انا غلطانه ؟؟
بداية كنت ابي ادخل لغه انجليزيه ولكن مع مرور الوقت حسيت انه مالها فايده .. بس ما اقصد مالها فايده بمعناها الظاهري انا اقصد انه اللغه الانجليزيه صارت منتشره مرة مو مثل قبل وين اللي تلقينها متخصصه انجليزي .. هذا الانجليزي والغيته من الحسبه .
الوالد الله يطول بعمره يقول ادخلي تصميم داخلي .. اوكي انا احب الرسم ولكن على مزاج مو يجيني اجباري ارسمي وخلصيه بهذي المده وعلى نمط معين مستحيل تجي معاي وانتم تعرفون التصميم الداخلي يعتمد اولا واخيرا على امكانية الرسم ..وهذا التصميم الداخلي والغيته بعد من الحسبه .
والوالده الله يخليها لي تقولي ادخلي حاسب وتقريبا هذا الشئ اللي ممكن يصير لانه انا بصراحه منقهره دارسه مواد علميه ومجموع ومتعبه نفسي واخرتها اشياء ماتقرب للعلمي بشئ والله قهر بس الحاسب سمعت انه فيه استخدامات للرياضيات وهذا الشئ اللي شدني لهذا التخصص ..
ولكن يبقى السؤال !!
اي وحده فيكم تعرف اي شئ عن التخصصات في الحاسب يعنيايش يتضمن مثل البرمجه او ...... او ......
وعن النسبه المطلوبه لدخول هذا التخصص وعن اجراءات القبول وعن كيفيه المقابله الشخصيه يعني عن كل شئ له علاقه بالتسجيل في هذا التخصص من اوله لاخره( في جامعه الملك فيصل وفي الكليه) ابي منكم شويه معلومات والباقي ( المذاكره والنسبه ) خلوها علي :)
ادري ازعجتكم .. بس مالقيت الا عالم حواء يفيدني وخاصة صاحبات الخبره اللي في نفس التخصص ..
والــــــ 1000 ــــف شكر مقدما على تعاونكم معاي يالغاليات ..
محبتكــــم :
الــــــ دفـــا ـــروح
