موضوع يجنن ما شاء الله ....عاد أنا أحب هالنوع من الأسئلة ما أدري ليش :)
يالله باجاوب إن شاء الله :
السؤال الأول :
طيب هل انتي وحدة من اللي تغار و لا اراديا تطلع من لسانها كلمات تجريح ؟؟
الصراحة ما كنت كذا ما أدري ليش صرت كذا بعد هذا الحمل يعني مو غيرة لا و الله أنا ألاحظ نفسي وأحيانا ألومها يعني أعطيج مثال عزيزتي ,,أخوي اللي بصف ثاني ثانوي خاطب من سنة بنت خالتي اللي عمرها 12 سنة تخيلي وهي جاية عندنا إجازة من بلدها وهي عندنا أطباع غير ويوم أخوي يمر شوفي الأدب بس أنا قدام أخوي ما أحرجها ولا أجرحها بس يوم أكون معاها ومع خالتي أقعد أقول لها بس عاد بلا نفاق ومن هالكلام أحس بشي يتنرفز بداخلي وأتمنى إن أخوي يعرف حقيقتها وهبالتها إستغفر الله وأحيانا والله يا عزيزتي أكون لها أقرب من أمها و......شو أقول غير الله كريم ..

السؤال الثاني :
لوكنتي في نفس مقياس جمالها .. هل تتحطمين شوي وتقولين هي احلى مني .. والا عادي عندك والا تقولين اصلا احلى منها ؟؟

لا بالعكس أنا عادي عندي لو شفتها وأمدح جمالها من كل قلبي بكل صراحة و الله بس يوم أرجع البيت ركض عالنت وأطلع خلطات التبييض :) :) والتنظيف عشان الله يزيدها ويعطينا مثل ما يقولون ..

هذي أنا بكل صراحة والكل يعرفني الحمد لله ....

السؤال الثالث :

ما هو مقياس الجمال عندك ؟؟

أما يا ستي مقياس الجمال عندي هو البشرة الصافية الفاتحة
الشعر ناعم وطويييييييييل
الأنف سيف ما شاء الله
الوزن والطول متناسقين
العيون الواسعة
الإبتسامة مالت كريست تفتح النفس وتزيد الإنسان جمال على جماله
و الهدوء يعني الهادية أحيانا وإن لم تكن بكل هذي المقاييس فهدوؤها يعطيها جمال ..

وصلى اللهم وسلم على سيدنا محمد وعلى آله وصحبه أجمعين ومن تبعهم بإحسان إلى يوم الدين ...

عادي ما فيها شي حلوة حلوة
بس اكيد مهما كانت حلوة فيها شي غلط ما في وحده تجي حلوة من كل الجهات :)

مقياس الجمال اهوا.................. العشره
اللي عشرتها حلوة حتى لو ما كانت حلوة صدقيني بتشوفين اناه وااايد حلوة

و اللي عشرتها مقرفه صدقيني لو كانت ملكه جمال ما راح تكون حلوة


شوفي انا اقول لج سالفه تشرح لج .
انا اخت ريلي ما ابي اقول متوسطه الجمال لانها اقل من متوسطه الجمال
و كبرت بالعمر وصلت لسن 30 ومحد طق باب بيتهم يطلبها
وكل رفيجاتها و اهلها تزوجوا واهي قاعده
البنت من حافظات القرآن و ما شاء الله عليها تقرا كتب دين كثير وتعرف معلومات واشياء اخوانها كلهم ما يعرفونها و الكل يلجأ لها في امور الدين
( هذا اللي كنت اسمعه عنها قبل زواجي من اخوها )

المهم جاها معرس من السعوديه ( من اهلهم اللي في حايل ) اوكي
متزوج و يبي يطلق وعنده عيال اثنين
وكانت البنت وصلت لسن 32 سنه من غير زواج

و الرجال هذا متزوج وحده يقولون ( تقط الطير من السما ) من جمالها وحسنها ودلالها
بس زوجها كان متهاوش معاها ومهددها راح يتزوج
وبالفعل راح وطلب اخت ريلي
ولما سألوه الرجال ليش تتزوج على مرتك ؟ قال ما فاددني الجمال و الدلال ما فادني الجمال يوم اعزم ربعي واهلي لبيتي !! ما فادني الجمال في قذاره البيت و اهمالها لعيالها و لي ما فادني الجمال لما اهي بكل زعله معتمده انها حلوة واني ما راح استغني عنها

بالفعل طلق زوجته الاولى و تزوج الثانيه اللي اهي اخت زوجي
تبارك الرحمن تصدقون ان شنو صار ؟؟ مرته الاولى قطت عليه العيال تقول له ربيهم انت
وردت حق اهلها في القصيم وتركت عيالها

منو صارت القلب الحنون البنت هذه لمت العيال ( بنت وولد ) وربتهم و صاروا حيل حيل متعلقين فيها لدرجه انهم ينادونها ( يمه ) و لما يروحون زياره حق امهم الصجيه ما يرضون و يقعدون يبجون حق ابوهم ما نبي نروح حق امنا واهلها يبون يقعدون عند مرت ابوهم !!

يا خواتي العبره ان الجمال هو جمال العشره جمال الدين و الخلق لاننا بالدين و الاخلاق تصير عشرتنا لزوجنا ما في احلى ولا احسن منها :)

شوفوا بنات
بصرراحه عندي بنت عمي والله قممممممممممممممممه في الجمال بياض وشعر وجسم لكن سبحان الله اخلاقهااا عدددددددددددددددددددددددددددددم نفسيتها زفت وشااايفه نفسها بزياده لكن كل الناس تشوفها شينه ولا احد يحبها

وانا اشوف ابصرراحه الجمال جمال الروح والاخلاق واعرف ناس عاديين لكن جمال الروح محليتهم وسلامتكم :)

والله موضووووع حلوووووو

السؤال الاول اذا شفت وحده حلوها امدحها اقولها ماشاء الله حليانه ... اذا كانت غثيثه بترد علي
بغرور وتقول انا على طول حلوه واذا كانت تخاف من العين مشكله اذا صار اي شي فيها
بتقول احسدتني
بس انا من النوع اللي يقول الصج اذا شفت وحده شكلها تعبان اقولها شكلج اليوم مرهق , ضعفانه
الخ
اما سؤالك الثاني فالجمال شي حلوووو ويشدني وتعجبني البنت
الهادءه
بشرتها صافيه
عيونها خضر
شقرها كستنائي مشقر
خلوقه وطيبه وتعجبني في البنت اخلاقها وثقتها بنفسها ومتواضعه

اما مسألة الغيره ما احبها يعني اذا كانت حلوه ومغتره بنفسها وشايفه روحها وتغار
من كل وحده احلى منها اففففف والله اكرها فما بالج اكون مثلها

يووووووووووووووه
انا من النوع الي احب اعلق ماشاء الله محلوه ...زاينه ...لبسك يجنن....الخ بغض النظر عن شكلها او لبسها او زينتها احب امدح وبس:) على الاقل تلقى احد يعلق عليها واذا كانت حلوه نفس التعليقات
...............
هل اغار ؟؟امممم احيانا ايه واحيانا لا على حسب ...:)....
..........................
مقياس الجمال عندي ..ماله مقاس يمكن m اوs فاهمه غلط بقوه هههههههههه
بس عندي دبى ولا نحيفه بيضا ولا سمرا قصيره ولا طويله فيه حلوين بكل الصفات..

.......................
اما اذا وحده من معارفي سوت تغيير حتى لو ما اعجبني اقولها انها تجنن اهم شي هي عاجبها ورضى الناس غايه لاتدرك...اخس يالامثال:)
.............................
وانا ما احب اغير في شكلي ومحد يعلق هههههه