لاحظت فى اكثر من موضوع عن الخبزه الجنوبيه انو يخمرونها فقط ساعتين او اقل وهى فى الحقيقه
الخبزه الاصليه الصح اكثر من ساعتين توصل الى 5 ساعات فاكثر قلت احط طريقتى للخبزه وان شاء الله تعجبكم
الـمـقاديــر
طاسه دقيق بر
طاسه دقيق ابيض
مويه
ملح
خميره فوريه
خميرة بيت (( القليل من العجينه الاولى فى طاسة صغيره)) اذا لم يوجد لا مشكله بس لازم تبقين من العجينه اللى تسوينها مستقبلا
<<<< احلى يا مستقبلا خخخخخخخخخ
الطريقه
احط فى المعجنه وهو وعاء كبير ومعه غطاء قليلا من المويه وبعدين الملح واذوب الملح وبعدين الخميره الفوريه والبيت واذوبهم كمان وبعدين احط الدقيق البر والا بيض واذا ما تبغين الابيض حطى بر فقط والعكس تمام ما فى مشكله واجلس اعجنها واذا طلعت قاسيه كثير احط مويه كمان وان تعطينى عجينه قاسيه شوى مو كثير واغطيها بالغطاء واتركها ساعتين وارجع اعجنها مره ثانيه واتركها ساعه كمان وارجع اعجنها مره ثانيه كمان واتركها كمان ساعه واعجنها واحطها فى الصينيه واغطي عليها كمان من فوق بصينيه ثانيه واتركها ساعه ونصف بعض الاحيان تاخذ ساعه اذا شفتها تحمرت اطفى عليها واخرجها
تناكل مع اى شي لو نواشف حتى
ملاحظه
اذا تبغينها للعشاء سويها من العصر الساعه 3 ونص وحطيها فى الفرن الساعه 8
اذا بغيتها فطور اعجنيها قبل ما تنامين والفجر اعجنيها مره ثانيه والساعه 8 حطيها فى الفرن
والحين احنا وقت شتاء خلى المويه دافيه ولو تميل لسخونه شوى افضل وحطيها فى مكان دافى علشان تتخمر زين
وهذى صور لها
لاحظوا قشرتها قاسيه اما داخلها طريه تقولون فطاير خخخخخخخخخخ
وبالعافيه على قلوبـــكم
ان شاء الله تعجبكم جربوها والله لذيذه
اختكم
ام وليد