بما انه مثلي مثلكم داشه اهني ادور الفايده لاي شي حابه استفيد منه
واشكثر بناات ماقصرو معاي وسواءا خلطاتهم او كريماتهم او تجاربهم .. او بضايعهم
قلت بما اني استفدت والكل قاعد يمدحني ويمدح نتايج اهتمامي ببشرتي قلت ليش ماافيدكم اهني وانقل تجربتي لكم
واهم مايميز تجربتي انها سرررررريعه النتايج .. وسهله مايبيلها شغل وتعب
1 .. كريم الدكوين .. سعره 3 دنانير
تحصلينه باي صيدليه .......... كتبلي ياه الدكتور عيسى بشوور .. وهو احسن دكتور لعلاج البشره
والله يابنات كل البقع الداكنه والسوود فتحها لي من اول يومين ( انا باارده وكسووله مابلشت ببرنامجي الا لما عديت 20 يوم بنفاسي والحين لي اسبوع ونص تقريبا ) اشلون لو استمر شهر ..؟!
وللامانه بنات الركب مافتحت الا شوي يعني مابين فرق وااضح
لكن باقي الجسم واو
2 .. خلطة استخدمتها مرتين بس .. بس من اول مره فتحت بشرتي
هي خلطة للاخت مزيونه وشقرا .. اختي قرت موضوعها وحفظت مقادير الخلطه وخلطتها
الي فيها الغار ومادري شنو .. والنذله ماخلتني استخدمه الا مرتين وخذت الغرشه مني
وانا كسووله ولا جان سويت بحث وسويت الخلطه بنفسي ..... بس قلت اقولكم يمكن انتو تطلعون اشطر مني
3 .. كريم ريكسوول .. سعره 9.120 كتبه لي الدكتور عيسى بشوور
نفس العلبه .. بس لونه بيج واصغر
وطبعن مو شامبو .. لان ماحصلت بالنت الا صورة الشامبو لنفس المنتج
ينحط المسا ........ صراحه يهبل وحد بشرتي وصفاها .. الكل يسالني عن بشرتي ويمدح بجمالها .. قولو ماشاالله تكفون
4 .. كريم بو سسالم او كويتيات .. شريته من عضوه اهني يمكن اسمها ام سالم .. ناسيتها
بس الكريم مشهوور .. انا حطيته بس خمس مرات .. وفتحني شوي .. اشلون لو مستمره عليه
بس قطعته لان فيه نسبه من الكورتيزون .. وانا ارضع .. واخر شي وسوست قلت اخشه لبعدين
وللامانه انا سالت العضوه وقالت مادري اذا يضر الرضاعه بس قالت سالي الدكتوره احسن .. بس انا طااف
المهم الحلو فيه انه يصلح للجسم كله حتى المناطق الحساسه وانا باذن الله بستخدمه بعدين5 ..
صابووووووناتي
وداعا لـ لوكس .. ودوف والديتوول
صابووونتي .. او صابوناتي هم صابون وايت سليك الكلاسيكي تحصلينه باي حواج او صيدليه
تفتح وتنعم .............. صج الريحه عادديه
بس الشغل مضمون ....
وبعده ع طول صابونة الكركم بالمره ...... هذي صابونه مشهوره عند بنات الشام
اي حبيباتي ماعندهم مثلنا دلع وصوابين اجنبيه وخرابيط .. كل شغلهم من الطبيعه والعطارين
الصابونه تفتح وتعقم الجسم .......... والريحه مو حلوه
بس عادي بعدها استعملو الشاور جل
6 .. سنفرتي هي كاااااب من الحواج يمكن ب 3 ونص
تهبل للتبيض والنعوومه
.
.
.
والله يابنات انا حالي حالكم .. واكسل منكم
ومااحب التعب ولا اخلط ولا احط بنفسي .. ومستعجله واحب كل شي سريع
بس هذي شغلات بسيطه وحبيتها لان نتايجها سريعه
ومالي اسبوع ونص اداوم عليها والكل منبهر مني ......... اذكرو الله
قلت افيدكم .. خاصة الصوابين ترا مااتتعب .. لاتقطعونها استخدموها دايما بدال صابونتكم العاديه
والباباي نصيحه اقطعوها حببت بشرة اختي .. هي للبشره تضرها .. صج تبيض بس تحبب
الباباي الحواج قالي بس للجسم
حتى الكريم مثل ريكسول ولا الدكوين .. مو خسرانين نحطه قبل النوم
يعني شغلات ماتعب .. باشرو فيها
وع فكره انا شاريه خلطه لاطالة الرموش خلال اسبوع .. شريتها من عضوه اهني
اذا ضبطت وياي برد اكتب لكم عنها عشان تستفيدون
وادعوو ربي يوفقني مع زوجي ويسخره لي
وموفقات ياحلواتالموضوع منقول من منتدى ثانى ارجوكم ادعولى ان الله يسهل ولادتى واولدهل يومين:44: